Yelemiya 7:2 - Luganuzi Luswanu Kuli Wanhu Wose 2002

² sunga ho ha mulango we Nyumba yo Mulungu, hono i wanhu wa Yuda wenjililaga, ho wamuhembe Mulungu. Yakanonjela nime baho ha mulango, niwalonjele i wanhu wa Yuda, zono u Muwaha Mulungu u Mudaha vyose, u Mulungu wa Isilayeli yakusaka yawalonjele. Nane nghawalonjela nghatya, “Hulicizenyi Nghani yo Muwaha Mulungu anye nyo wanhu wa Yuda, mono mwinjilaga mumu ho mumu hembe Muwaha Mulungu.

Yelemiya 7:2 ပူးပေါင်းရင်းမြစ်များ

1 Watemi 22:19

Nayo Mikaya yakajendelela kulonga yakutya, “Alu Ahabu, wuhulicize zono Muwaha Mulungu yakuzilonga! Nane namuwona Muwaha Mulungu yekaye mwi'goda lyakwe ku wulanga, hamonga ne wamalayika wakwe wamupilime.

Zabuli 122:2

Alu ase cakondya kufika, nalu cimile ha milango ya Yelusalemi!

Isaya 1:10

Nagwe Yelusalemi, i walongola wako hamonga ne wanhu wako, wose nha wabi wehwana ne wanhu wa Sodoma na Gomola. Alu muhulicize zono Muwaha Mulungu yakumulonjelenyi. Muteje likutu kuli zono Mulungu wetu yakumwijizenyi.

Yelemiya 10:1

Nye nyo wanhu wa Isilayeli, alu muhulicize ta zono u Muwaha Mulungu yakusaka kumulonjelenyi,

Yelemiya 11:6

Nayo Muwaha Mulungu yakanonjela yakatya, “Alu, wubite mu makaya gose ge yisi ya Yuda, hamonga na mu zinzila zose za mwi'kaya lya Yelusalemi. Wubite wukayiganule nghani yangu kuko, wuwalonjele wanhu vyono, yiwanojeye wazihulice zinghani ze cilagane no kuzitumama.

Yelemiya 19:14

Hanyuma ya zizo, hodu, nghawa kuwuka kuko ku Tofeti, kono u Muwaha Mulungu yanhuma, mbite nghayiganule nghani yakwe. Nghawa kubita kwima ha mahakama ge Nyumba yo Mulungu, nghawa kuwalonjela wanhu,

Yelemiya 2:2

niyiganule nghani yiyi kuli wanhu wose wono wekaye mu Yelusalemi niwatye, Muwaha Mulungu yakutya nhavi, “Ane nghumbuciye vyono, lono wali wukali mudodo, wali wuli mwihuwilwa muno, na vyono lono cepogozeza ane na agwe, wali wunyendile muno. Hambi nha wanhyatya, cikakola wose mu nyika mu yisi yono yali yikali hamba nahadikwa cinji.

Yelemiya 2:4

Nye nyo lulelo lwa Yakobo, ale muhulicize ta, zono Muwaha Mulungu yakulonga, anye nyo we mhuga yose ya Isilayeli.

Yelemiya 26:2

u Muwaha Mulungu yakanonjela yakatya, “Ale, wime he wanza lye Nyumba yo Mulungu, wuziganule kuli wanhu wose wono wakulawa mu makaya ga Yuda, wakuza kuhemba bahano. Wuwalonjele zinghani zose zono nghulajilize kuli wene. Ninga wulanjilile, wulece kusigaza hamba nghani monga yaye.

Yelemiya 28:5

Nane Yelemiya, nghamupitula Hananiya, ha mwande ye wakohani, hamonga ne wanhu wose wono wali wemile mu Nyumba yo Mulngu, nghamutya,

Yelemiya 34:4

Alu Zedekiya, wuhulicize muno kuli zono nghukulonjela. Agwe si kolowulajilwa ku wulugu yaye,

Yelemiya 36:10

Nawo i wanhu lono wali wakondya kwikala, wahulicize, nayo Baluku yakawa kuzisoma zinghani zose zono namulonjelezaga, nayo yakuzandika mu kalatasi mhalinje ye ligolo-golo. Nayo yakazisomela zizi zose mu Nyumba yo Mulungu, mu cinyumba ca Gemaliya u mwana wa Shafani, u mwandici wa he 'kumbo lya hacanyha. Ne cinyumba cakwe cici, cali mwi'kumbo lya hacanyha, behi no Mulango mupya we Nyumba yo Mulungu.

Yelemiya 36:6

Holeka nghukunena, agwe wubite wukasome zizi za mu kalatasi yiyi mhalinje ye ligolo-golo, zono ane nali kukulonjeleza nagwe wukuzandika. Wukazisome ha mwande ye wanhu wose, mwi'zuwa lyo kuleka kulya. Wubite wukazisome mumo mu kalatasi yiyi mhalinje ye ligolo-golo, kwe yizi yiwaha muno, i wanhu ho wasume kuzihulika zose, zono Muwaha Mulungu yanonjela, nane nghawa kukulonjeleza, nagwe wukawa kuzandika. Nagwe nhondo wime i hanhu hono wanhu wose wosuma kukuhulika, hamonga ne wanhu wa Yuda wono wowa wazize baha ku wulawa mu vikaya vyawo.

Yelemiya 44:24

Kanyhi nghawalonjela i wanhu wose, hamonga ne wacekulu, zono u Muwaha Mulungu we mihanga, u Mulungu wa Isilayeli, yawalonjelaga i wanhu wa Yuda, wono wekaye mu yisi ya Misili.

Yelemiya 7:1

U Muwaha Mulungu yakanhegula

Ezekiyeli 37:1

Nghaviwona vilungo vyo Muwaha Mulungu, no muhe wakwe wukanhegula kwi'lolo lyono lyali limemile mafupa.

Hoseya 5:1

“Ale, muhulicize zizi, anye mo wakuhani! Muhulicize nyo Waisilayeli! Muteje makutu genyu anye nyo we nyumba yo mutemi! Hambi nha munojeye nyenye mulavye ning'aniza ye mbeka. Ninga alu, wuling'anizwe womuwuyilenyi nyenye nyo weneco. Hambi nha mweza muli mutego ku Mizipa, no lwavu lono lugoloywe mwi'tunda lya Taboli.

Amosi 7:16

Holeka alu, wuhulicize vyono Muwaha Mulungu yakutya. Agwe wukunyitya vyono ndece kulavya wuwizi hamba kuganula kuli Waisilayeli.

Mika 1:2

Ale muhulicize zizi anye nyo makungugo gose; muhulice zizi wose mono mwikaye mono'nze! Muwaha Mulungu, komuhomelelenyi, muhulicize! Yakulonga ku wulawa mu Nyumba yakwe yo wuhembelo ku wulanga.

Mika 3:1

Ale muhulicize, anye nyo walongola wa Isilayeli! Yinojeye kuli'nye muyimanye ling'ani,

Mika 3:9

Ale muhulicizaje anye nyo watemi wa Isilayeli, na anye wose mono muyisulile ling'ani, no kuyipitulanya imbeka liwa yisutya.

Matayo 13:9

Hulicizenyi ta, mono yena makutu go kuhulicila, ale yahulice!”

Yohana 18:20

Nayo Yesu yakamupitula yakutya, “Ane nali walonjelaga wanhu wose nhondo zose cagalanze. Nane nali kwijiza hanji na hanji mu matang'anilo gawo go wuhembelo, sunga na mu Nyumba yo Mulungu, ihanhu hono wekongholelaga Wayahudi wose, hamba nghali si nalonga cinji co cose cinyele.

Metumo ge Watumwa 5:20

“Bitenyi mukeme mu Nyumba yo Mulungu, mukawaganulile wanhu zinghani zose zo wumi wuwu.”

Metumo ge Watumwa 5:42

Nawo wakajendelela nhondo zose kwijiza no kuganula Luganuzi Luswanu lwa Yesu, mu Nyumba yo Mulungu na mu zikaya ze wanhu, vyono mwene yo Kilisito.

Wugubule 2:11

“Mono yena makutu go kuhulicila, yazihulikaje zono u Muhe yakugalonjela i makanisa! ‘Nawo wono wosuma, si wotamiswa ne lifwa lye kejete yaye.’ ”

Wugubule 2:17

“Mono yena makutu go kuhulicila, yazihulikaje zono u Muhe yakugalonjela i Makanisa! ‘Nawo wono wosuma, nowapela ayilya mana yono hundikwe. Kanyhi nowapela yibwe yidodo yizelu lyono lyandicigwe yitagwa yipya, lyono munhu yunji sikosuma kulimanya, langa wawo du wono wolibocela.’ ”

Wugubule 2:29

Mono yena makutu go kuhulicila, yazihulikaje zono u Muhe yakugalonjela i makanisa!”

Wugubule 2:7

“Mono yena makutu go kuhulicila, yazihulikaje zono u Muhe yakugalonjela i makanisa! ‘Nawo wono wosuma, nowapela i ling'ani yo kulye mana go mubici wo wumi, wono wuli mu mugunda wo Mulungu.’ ”

Wugubule 3:13

Mono yena makutu go kuhulicila, yazihulikaje zono u Muhe yakugalonjela i makanisa!”

Wugubule 3:22

Mono yena makutu go kuhulicila, yazihulikaje zono Muhe yakugalonjela i makanisa!”

Wugubule 3:6

Mono yena makutu go kuhulicila, yazihulikaje zono u Muhe yakugalonjela i makanisa!”