Yelemiya 51:2 - Luganuzi Luswanu Kuli Wanhu Wose 2002

² Nawategula wanhu wajenzi, wayongomeze Babiloni, nhe libeho likuputa mawaje go 'hemba. Na kolo lizuwa lilyo lyo wuhodanje likuza, wawo wajenzi woloyihoma Babiloni ku wulawa mbavu zose, wayilece yili bwete.

Yelemiya 51:2 ပူးပေါင်းရင်းမြစ်များ

Isaya 41:16

Nanye mogesa mucanyha, nayo mbeho yogapemhelusa, nago gokwiyagazwa ne civulavumbi. Nanye baho nhondo, ho mosangalala, hambi ane nha yo nene mono nili Mulungu wenyu nanye nhondo, ho momhela lilumbo ane mono nelile, u Mulungu wa Isilayeli.

Isaya 43:14

Mulungu mono yelile wa Isilayeli, u Muwaha Mulungu mono yakuwa kumuponyenyi yakutya nhavi, “Ane notuma lipuga lye wasilikale ku Babiloni ho wamuponyenyi. Nogabenanjiza malango ge likaya, ne lizozo lye nyemo lye wanhu walyo, lyopituka liwe cililo.

Yelemiya 15:7

Nane nghamupemhelusizenyi ne mbeho mu makaya gose ga mu'si, kotya nha muli mahanze, nghamongomezenyi, anye nyo wanhu wangu, nghawawulaga ne wana wenyu, vyono si mwaleka kwituma zinghani zenyu zimbi.

Yelemiya 50:29

“Walonjele i wanhu wo wupinde, wewikanize, wayihome Babiloni. Muwategule wanhu wose wono wamanyile kuwitumamila wupinde ne zisonga. Mulipilime likaya, kanyhi mulanjilile, mulece kumuleceleza yunji wo wose yatije. Mulilipicize ku soko ya zose zono lyetuma. Kanyhi mulitendele nha vyono lyene lyawatendela wanji. Hambi nha lyazinozaga zizo zose ko widunhumuzi hali 'ne, ane mono nelile wa Isilayeli.

Yelemiya 50:32

Ne likungugo lyako lyo widunhumuzi, lyokobala no kugwa. Na howa hasina hamba munhu monga mono kokutaziza yaye. Nogapembela moto makaya gako gose, ne vinhu vyose vyono vili mugati yayo, vyokongomezezwa lukulu.”

Ezekiyeli 5:12

Lifungu lilongozi lye wanhu wako, wofwila mwi'kaya so matamwa na so nzala, lifungu lye kejete, awo wolowulajilwa kunze ye likaya no mumaje, nawo we lifungu lye kadatu lye ndumilizo, noloweyagaziza mwi'beho liwaha, hanyuma nowatyatilila no mumaje wangu.

Matayo 3:12

U mwene yebate u luheneko mu mawoko gakwe, ho yezeze lukulu icuga cakwe, no kuwututicila u wuhemba mu nyumba yakwe, ninga i mawaje kogaticimiza no moto wono si wuzimaga.”