Yelemiya 5:3 - Luganuzi Luswanu Kuli Wanhu Wose 2002

³ Mwene u Muwaha Mulungu kalangaga wihuwilwa, hambi nha yamutowenyi, nanye hamba kuhulika ng'o, yakamukunhulanjenyi, ninga anye mukalema ku wiyijize. Hambi nha mwali musina cihuliko, hamba si mwasaka kuwuleka wubi wenyu.

Yelemiya 5:3 ပူးပေါင်းရင်းမြစ်များ

Yelemiya 7:28

Wuwalonjele nha vyono, likungugo lyawo lisina cihuliko kuli'ne, ane no Muwaha Mulungu, u Mulungu wawo, hamba si wakusuma kwifundila mu wulipicizwe wawo. No wihuwilwa wawo wakondya kuwucila lukulu muli wene, hamba no kuwuduwila du kose, si wawuduwilaga yaye.

Yelemiya 2:30

Nghamulipicizenyi, ninga wulipicize wangu wono nghamulipicizenyi, hamba si wakwila cinji yaye, nanye hamba si mwenda ho nimugomolenyi. Mukawawulaga i wawizi wenyu, mukehwana nhe simba yono yisagahaye muno.

Zefaniya 3:7

Ne makaya gawo geza gali bwete, na mu zinzila zayo, mweza musina cinji, hasina hamba yunji mono yasigaye. Nane nghehwesa vyono, wanhu wangu wowa wena cogopo kuli'ne no kubocela mejizo gangu, no kuleka kusemwa, mejizo gono nawejiza. Ninga wakacenya musunho, no kwituma zimbi mu mikalile yawo.”

Isaya 9:13

Nawo wanhu wa Isilayeli, wakali du sinanena, hamba yiwe Muwaha Mulungu we mihanga yakondya kuwalipiciza, ninga hamba si wakumuwuyila ng'o.

2 Zinghomo 16:9

Ninga wumanye nha vyono, Muwaha Mulungu kayilangaga yinze yose, ho yawapele vilungo wose wono wamogopile mwene. Ninga agwe kunoza wulele. Holeka ku soko yiyo agwe ku wulawa lulu, kokwikalila milewo du.”

Isaya 42:25

Holeka nayo yacijidila wukali we likuwo lyakwe, no wusungu we milewo. Ne likuwo lyakwe, likawakolelwa Isilayeli nha moto mukali ninga 'se hamba kumanya zono zacijelelaga yaye, hamba kumanya co cose muli zizo.

Wahebelaniya 12:9

Ninga hamba nhavivyo, ase ciwogopile walezi wetu wono wacilela, hamba na hono wakucifunda. Holeka yicinojeye cimuhulice muno muno u Sogo yetu we cimuhe ho ciwumipe.

Walumi 2:2

Nase cimanyile vyono, i ning'aniza yo Mulungu yo ye mbeka mbeka kuli wono wakwituma makani ge nhavivyo.

Ezekiyeli 24:13

Gwe Yelusalemi, i metumo gako go wusenyha, gakondya kukwavufya. Nane hamba niwe najela kukweza, ninga hamba nhavivyo vyo wukali si nela yaye. Nane manyile nha vyono si kokwelela lukulu, sunga langa kolo wakondya kuwuwona wukali we likuwo lyangu.

Yelemiya 32:19

Hambi nha yo gwegwe du mono wina mahweso ge mahala, kanyhi kwitumaga metumo go wizine. Mono kuziwonaga calinze i zinghani zose, zono i wanhu wetumaga. Kanyhi kuwapelaga i wanhu, munhu mu nghango ye metumo gakwe.

Yelemiya 19:15

nha vyono u Muwaha Mulungu, u Mulungu wa Isilayeli katya nhavi, “Alu nane noliletela likaya lili, wulipicizwe wuwaha muno, hamonga ne vikaya vye behi behi, u wulipicizwe wono nali nawulonga. Hambi anye, nha muli wawanji muno, musina cihuliko, hamba si mosuma yaye kuzihulika zono 'ne nghuzilonga.”

Yelemiya 7:26

Ninga hasina hamba munhu monga, mono yawahulika, hamba kuzicelelela bwete zono wazilongaga. Ninga 'nye mukajendelela kuwa musina cihuliko kuli'ne, no kuwa wabezi muno si nhe walezi wenyu.

Isaya 48:4

Ninga nali manyile vyono agwe kowa wusina cihuliko, hambi nha wuli mukavu wihwanile cuma, kanyhi ne lihanda lyo wusu wako lihwanile shaba.

Zimbazi 27:22

Hamba wumutowe mulele, sunga yawe yali behi no kufwa, ninga si kosuma kuwutowa wulele wakwe sunga wumuwucile.

Zimbazi 23:35

Nagwe baho kokwanza kutya, “Ane nghuwona kowa nidumiza hanji, hamba kowa nhowa na wanji, ninga si nghukumbucila yaye. Alu nhawule si nghusuma hamba no kwinuka kose? Kanyhi vyo nghali nina nyhilu yo wujimbi du, nghusaka nzimulile.”

Zimbazi 22:12

I meso go Muwaha Mulungu, gayiwonaga i mbeka hono ho yili, ninga zinghani ze walambi kazilemaga.

Zimbazi 21:29

I wanhu we ling'ani, wena witumbilo. Ninga i wabi, wajelaga kwinoza weneco, ho wawe nha waswanu.

Zabuli 51:6

Ninga agwe wendile winenenyhezi wa mugati, holeka wunyijizaje mahala mu nhumbula.

2 Zinghomo 28:22

Na lono magazo gakwe Ahazi gacilaga kuwa mabi muno muno, nayo Ahazi ho yakacila muno kwituma wubi hali Muwaha Mulungu si nha halulongozi.

Walawi 26:23

Ne magazo gaga gose, kolo geza kupuluta, nanye muwe vyo mukali du si mukuhulika 'ne yaye, kanyhi muwe mukali vyo mumbedegaye du,

2 Watemi 1:13

Ninga mutemi nayo yakawuyajila kanyhi kutuma mwitumami yunji, hamonga kanyhi na wanhu wanji makumi mahano we cilume. Nayo mwitumami yuyo yakabita ko ku cigongo, yakafugama hasi, ha mwande ya Eliya, yakawa kulomba yakutya, “Gwe go munhu wo Mulungu, wumbonele lusungu, nene hamonga ne wanhu wangu, wulece kuciwulaga.

Yelemiya 8:5

Ninga anye 'lu, nhawule vyo mukali du muvidindimiye i vihwani vyenyu viseswe, hamba si mukusaka kumbuyila ng'o.

Yelemiya 35:13

mbite kuli wanhu wa Yuda na Yelusalemi, nghawalonjele nitye nhavi, “Ane no Muwaha Mulungu, nghumuwuzenyi anye nyo wanhu wa Yuda na Yelusalemi, nhawulenyi si mukusaka kuhulika 'ne hamba kugebata ne mafundo gangu.

Ezekiyeli 2:4

Wasina cihuliko, hamba si wanyogopile 'ne yaye. Holeka nane nghukutuma wubite wukawamanyize vyono ane no Muwaha Mulungu nghuwalonjela.

Danyeli 9:13

Wukucilipiciza ko wulipicizwe wose, wono wukulongwa mu Wulajilize wa Musa. Ninga hamba nhavivyo, 'gwe go Muwaha Mulungu, go Mulungu wetu, nase cikali napituka, ciwulece wubi wetu hamba kuyityatya i mbeka yako, ho cikwendeze gwegwe.

Amosi 4:6

“Nane yo nene mono naleta nzala mu makaya genyu gose, ninga hamba simwambuyila yaye.

Mwamulizo 19:34

I mitondo yaco, u mwana we cicekulu muwaha, yakawa kumulonjela u mwanakwawe yakutya, “Wayiko mwanakwetu, ane no muyago, yigolo ne cilo, nagona na baba, holeka izuwali cimupelaje kanyhi divayi, yang'we yakolwe, hanyuma nagwe ho wubite wukagone nayo, ho cituje lulelo ko sogo yetu.”

1 Watemi 13:33

Ninga hamba nhavivyo, u mutemi Yelobowamu u mutemi wa Isilayeli, hamba si yasuma kuzileka zi nzila zakwe zimbi, langa mwene ho yakacila kuwawika wakohani wanhu we caka, wono walawaga mu zimhuga zono si zo mulango wa Lawi, ho wetume mulimo mumo mu vigongo. Yakesolela munhu wo wose du mono mwene yamusakaga hodu kawa kumunoza kawa mukohani.

Zabuli 51:8

Wumemye nyemo no wusangalale. Wusangalaze kanyhi, ane mono wamhondanga.

Zabuli 55:20

U muyangu yakondya kuwatowanga i weyendi wayagwe, yakondya kubena ne vilagane vyakwe.

Isaya 26:11

Ne walugu wako nawo, hamba si wakumanya yaye nha vyono kowalipiciza. Gwe go Muwaha Mulungu, wuwakozaje cevu, wuwalece wenjile mu magayo go wulipicizwe wono wuwawikanizize. Ninga 'gwe, wuwalajile zo wendo wako kuli wanhu wako.

Yelemiya 3:3

Na ku soko yiyo, holeka nayo mvula si yikutonya, sunga ne mahalavu gose hamba si gakuza yaye. Hambi nha wehwana i wanhu wasenyha, akuno wusina hamba cevu yaye.

Yelemiya 15:7

Nane nghamupemhelusizenyi ne mbeho mu makaya gose ga mu'si, kotya nha muli mahanze, nghamongomezenyi, anye nyo wanhu wangu, nghawawulaga ne wana wenyu, vyono si mwaleka kwituma zinghani zenyu zimbi.

Yelemiya 17:23

Ninga i walezi wawo, hamba si wahulika 'ne yaye, hamba kuzitajila mu zinhumbula zawo ng'o. Langa wene wakacila kuwa wasina cihuliko du kuli'ne, hamba si wasaka kugabocela ne mafundo gangu yaye.

Yelemiya 44:10

Ninga sunga nalu baha, anye mukali si mukulajila nhumbula yo winenenyhezi yaye. Hamba si mukusaka kumhela cogopo yaye, hamba kuwa ne mikalile yo kutyatya ze malajilizo gangu gose, gono namupelenyi nyenye hamonga ne walezi wenyu.

Amosi 4:8

Wanhu wakasocela so nyhilu, wanhu we makaya ganji wakabita mwi'kaya linji lyono wakwihwesa wotuga malenga, ninga hamba kuko kwali kusina gono gakukondya ku wung'we. Hamba nhavivyo si mwambuyila yaye.

Amosi 4:9

“Nghayileta mbeho, yivinyaze vilimwa vyenyu. Ne zinzije zikalya migunda yenyu yose ne mizabibu, mikuyu yenyu hamonga ne mizeyituni. Ninga hamba simwambuyila yaye.

Amosi 4:10

Nghamuletelenyi lihuhuji kotya nha lyono nategula ku Misili. Nghawawulaga i wazelelo wenyu ku wulugu, no kuzisola zifwalasi zenyu. Nghamevya munungho we mivimba ye wanhu wono wafwiye mu zimhula zenyu, mu zinghambi zenyu. Ninga hamba simwambuyila yaye.

Amosi 4:11

“Nghawahodanga wanji muli'nye, nha vyono nayihodanga Sodoma na Gomola. Wawo wono wasigala muli'nye, wakawa nha cibici cinyanywe, cono ciponile ku wulawa mu moto. Ninga hamba simwambuyila yaye.” Vyo yakutya Muwaha Mulungu.