Yelemiya 5:2 - Luganuzi Luswanu Kuli Wanhu Wose 2002

² Hamba yiwe mukwiyitya mukumuhemba Muwaha Mulungu, ninga mukwilonjela caka du, hamba si mukulonga mbeka.

Yelemiya 5:2 ပူးပေါင်းရင်းမြစ်များ

Isaya 48:1

Nye nyo wanhu wa Isilayeli, mono mwalawa mu lulelo lwa Yuda, ta muhulicize, Anye mwelahiza mwi'tagwa lyo Muwaha Mulungu, mukatya nha vyono momuhemba Mulungu wa Isilayeli, ninga hamba kwituma nha vyono mwalonga.

Yelemiya 4:2

ale, yowa viswanu kuli'nye mwilahizize mwi'tagwa lyangu. Na mu nzila yiyo i makungugo gose wosaka'ne, niwapele wulugutwe, nawo womhela lukumyo.”

Yelemiya 44:26

Ninga luno, muwuhulicizaje u wilahize wangu nane, ane no Muwaha Mulungu, u wilahize wono nghuwilahiziza mu vilungo vye litagwa lyangu, kuli'nye nyo Waisilayeli wose, mono mwikaye mu yisi ya Misili. Nha cinji, ku wulawa lulu, si nghusacila lukulu kanyhi, yunji muli nyenye yetumamile litagwa lyangu mu wilahize, yawe kutya nha vyono, ‘Ane nghwilahiziza muli Muwaha Mulungu mumi!’

Yelemiya 7:9

Mukuhiza, mukuwulaga, mukusenyha, mukwilahiza ko wulambi, kanyhi mukumulavizya Baali makumbiko, no kuyihemba i milungu yono si mwali muyimanyile hamba hadodo.

Yelemiya 9:2

Na mbeka, nali nyende nhuje hanhu ho kwikala ku nyika, hono nosuma kuwa kutali ne wanhu wangu. Hambi wene, wose nha si wehuwilwa, lipuga lye wagaluci.

Hoseya 10:4

Wakulonga nghani zono zisina nhunizo, no kwihuwiza wihuwizo wo wulambi, no kwituma nghani zono zisina cambuzi. Ne ling'ani, yeza si ling'ani, yikuwiluka kotya mabalwe gono gena sumu mu mugunda wono wakondya kulimwa.

Hoseya 4:15

Ale, sunga na nyenye nyo Waisilayeli, si muli wehuwilwa kuli'ne, ninga wanhu wa Yuda walece kunoza nhavivi. Mulece kuhemba ku Giligali hamba Betaveni, hamba kwihuwiziza kuko mwi'tagwa lyo Mulungu mumi.

Walawi 19:12

Kanyhi wulecele lukulu kwilahiziza mwi'tagwa lyangu, hono wuwe wumanyile vyono si kosuma kuwufisiliza wihuwizo wako. Hambi wunoza nhavivyo, nha wukuliletela cevu litagwa lyangu. Ane yo nene Muwaha Mulungu wenyu.

Zefaniya 1:5

Kanyhi nomuwusiza lukulu munhu wo wose, mono kabitaga mwi'tembe mucanyha, kawa kuvihemba lizuwa no mwezi sunga ne zinyelezi. Kanyhi nowawusiza lukulu wose wono wahembaga nene, no kwilahiza vyono wena cihuliko kuli'ne, na kuno kanyhi, ho wakwilahiza kuli mulungu Moleki.

Malaki 3:5

Muwaha Mulungu we mihanga yakutya, “Ane nolomuzizenyi so wuling'anizi, nane nowa muhomelezi mupelu kuli wono wendile kwituma zo wuhawi, na muli wasenyha, na muli wono walavyaga wuhomelezi wo wulambi, na muli wono wawapujilaga i wetumami wawo musahala wawo, na muli wono wawewonelaga i wafwile, ne wana wono wasina walezi wawo, ne wajenzi. Sunga na muli wose wono si wanyogopile 'ne.”

1 Timoteyo 1:10

kanyhi wulajilize nha wuwicigwe ku soko ye wanhu wasenyha, i wamelopezi, i wahiza wanhu, walambi, na wono welahaga ko wulambi, hamba na wono wetumaga zono zili suta ne mejizo ge mbeka.

2 Timoteyo 3:5

Kunze yawo wokwijela nha wanhu wono wamogopilo Mulungu, ninga akuno ho wakuvilema ivilungo vyakwe. Holeka wilejelaje lukulu ne wanhu we liwala lilyo.

Tito 1:16

I wanhu wono wenha wawo, watezaga ati wamumanyile u Mulungu, ninga kumbe mu metumo gawo ho wamukanaga. Wo wanhu we makomaza, kanyhi wali cibede, hamba si wakwiliye kanyhi mu nghani yo yose i swanu.