Yelemiya 38:2 - Luganuzi Luswanu Kuli Wanhu Wose 2002

² zono Muwaha Mulungu yazilonga yakutya, “U munhu wo wose mono kolosigala mwi'kaya lili, kolofwila mu wulugu, hamba mu nzala, hamba mu matamwa. Ninga munhu wo wose mono kolowuka mwi'kaya lili, yetegule mweneco kuli Wababiloni, ayo langa si kolowulagwa yaye, langa koloponya wumi wakwe.”

Yelemiya 38:2 ပူးပေါင်းရင်းမြစ်များ

Yelemiya 39:18

Nolokukamisa, nagwe hamba si kolowulagwa yaye. Kolokwiponya wumi wako, vyono wali wunyitumbiye nene. Vyo nghutya ane, no Muwaha Mulungu.”

Yelemiya 45:5

Alu agwe Baluku, wukwisacila 'gwe zinghani zimbaha? Ng'o ye, wulece kunoza nhavivyo. Hambi 'ne nha noleta wongomezwe wuwaha muli wanhu wose, langa agwe go mweneco wumi wako wopona, ho hose hono kobita. Vyo nghutya, ane no Muwaha Mulungu.”

Yelemiya 34:17

Holeka nane, ane no Muwaha Mulungu, nghuwona nha vyono, anye mwawula cogopo kuli 'ne. Hambi nha si muwakomboye wawe welecele i wandugu zenyu Waisilayeli. Ale, heya, viswanu. Nane nomupelenyi nanye welecele, u welecele wo kufwila ku wulugu, na mu matamwa, na mu nzala. Nane nowanoza makungugo gose, wogofywe muno so zono nomutendelenyi 'nye.

Ezekiyeli 14:21

Na zino, zo Muwaha Mulungu yakulonga yakutya, “Noloyiletela Yelusalemi ndipiciza zangu yine, zinzito muno. Yinongozi, wulugu, ye kejete, nzala, ye kadatu, malimu makali ga mu mbago, na ye kane, litamwa, vize viwongomeze wanhu hamonga ne mitugo yose.

Yelemiya 42:17

Nawo wose wono wakondya kudumula nghani, nha vyono wobita wakekale kuko ku Misili, ale, wolofwila mu wulugu, hamba mu nzala, hamba mu matamwa. Na hasina hamba monga wa muli wene, mono kolopona yaye, hamba kwiponya yaye mu magazo gono nowaletela.”

Ezekiyeli 7:15

Kunze kolowa wihomi mu zinzila. Namo mu zikaya molowa matamwa ne lizala. No munhu wo wose mono kolowa mu mawimbi mwi'daha lilyo, ayo kolofwila mu wihomi. Nayo mono kolowa mwi'kaya mwi'daha lilyo, nayo kolofwa so matamwa ne lizala.

Ezekiyeli 6:11

Muwaha Mulungu yakanyitya, “Gwe Ezekiyeli, wutowe maganza, wuyisambe yisi kwa vilungo! Hanyuma wulile ko wusungu muno ku soko ye mabi gose ge Waisilayeli, hamonga ne makani ge cevu gono wagetumaga. Nalu wose wofwa no wulugu, hamonga ne lizala ne matamwa.

Yelemiya 44:13

Nane nolowalipiciza wanhu wose wono wekaye mu Misili, nha vyono nayilipiciza Yelusalemi ko wulugu, ne nzala, hamonga ne matamwa.

Yelemiya 42:22

Holeka ku soko yiyo, mumanye nha vyono, anye wose molofwila mu wulugu, hamba mu nzala, hamba mu matamwa, ku yisi yiyo yono mukusaka mubite mukekale.”

Yelemiya 29:18

Nane nomutyatililenyi no wulugu, ne nzala, hamonga ne matamwa. Ne makungugo gose ga mono'nze, golokwinjilwa no wizine wuwaha muno. Ne hanhu hose hono nowa niweyagazize, i wanhu wa mumo wolotinuswa no kogofywa muno muno ku soko ya zizo zono zolomwijelelenyi Ne wanhu wose wolomusekanjenyi, no kulitumamila litagwa lyenyu nha cinhu cilijitwe.

Yelemiya 27:13

Alo socici mukusaka mwiyambuze nyo weneco, hamonga ne wanhu wako mufwile mu wulugu, hamba mu nzala, hamba mu matamwa? Hambi nha vyo yateye u Muwaha Mulungu, vyono zizo zo zolyagana likungugo lyo lyose, lyono lyolema kwiwika mu miwoko ya Nebukadineza, u mutemi wa Babiloni.

Yelemiya 24:8

“Na kuli za Zedekiya, u mutemi we yisi ya Yuda ne wawaha wakwe, hamonga ne wanhu wa Yelusalemi, wono wasigala mu yisi yiyi, hamonga na wono wabita ku Misili, ane no Muwaha Mulungu, nowatendela wawo wose, nha vyono zinha zinghuyu zizi zono mbi muno muno hamba ku wulye kose.

Yelemiya 21:4

wabite wakamulonjele Zedekiya, zono u Muwaha Mulungu, u Mulungu wa Isilayeli yalonjile, katya, “Agwe Zedekiya, ane no mweneco, yo nokwihoma ne wasilikale wako, wono wakwihoma ne wasilikale wa Nebukadineza, u mutemi wa Babiloni, niwasume. Nokongholeza sunga ne vitwalo vyawo vyose, nivilundice haciligati ye likaya lya Yelusalemi.

Yelemiya 27:11

Langa likungugo lyo lyose, lyono lyolokwilavya mu miwoko ya Nebukadineza u mutemi wa Babiloni, no kumwitumamila, nane nololileka likungugo lilyo likale mu yisi yalyo lyeneco, liyilime no kwikala mumo. Vyo nghutya, ane no Muwaha Mulungu.”

Yelemiya 29:16

Ninga muhulicize zono u Muwaha Mulungu yakulonga kuli zo mutemi mono yatemile, mu wutemi wono yali yatemile Dawudi, hamonga na kuli ze wanhu wa mwi'kaya lili. Nha cinji, i wandugu zenyu wono wasigala, wono si wasolelezwa hamonga nanye.