Yelemiya 27:3 - Luganuzi Luswanu Kuli Wanhu Wose 2002

³ Hanyuma kanyhi, yakanonjela mbite nghawalonjele zono yanhumile, i watemi wa Edomu, na Mowabu, na Amoni, na Tulo, hamonga na Sidoni. Niwalonjele mu nzila ya wono watumwa, wono wazaga ku Yelusalemi kuli mutemi Zedekiya.

Yelemiya 27:3 ပူးပေါင်းရင်းမြစ်များ

Amosi 1:9

Muwaha Mulungu yakutya, “Iwanhu wa Tulo, nawo wetuma wubi kali kenji. Na ku soko yiyo, nane nowalipiciza. Hambi nha wayisola nghungugo yose no kuyihamizizya ku yisi ya Edomu wawe wawanda, hamba siwacikumbucila ne cilagane ce ndugu cono wacinoza.

Ezekiyeli 29:18

“Gwe go munhu, Nebukadineza u mutemi wa Babiloni, yawetumamila wasilikale wakwe yakayihoma Tulo. Yawadinghuza wasilikale wakwe mitegulo mizito muno muno, sunga ne mitwe yawo yikakulunjika yikatuga mihalu, ne mawega gawo gakakubuka. Ninga u mutemi, hamonga ne wasilikale wakwe, si wapegwa co cose so mulimo wono wetuma.

2 Zinghomo 36:13

Ninga Zedekiya yakamubeza mutemi Nebukadineza, hamba yiwe Nebukadineza yakajela kumudindimiza yelahize mwi'tagwa lyo Mulungu, nha vyono kowa yali cihuliko kuli mwene. Zedekiya yakawa yasina hamba cihuliko, hamba si yenda ho yanene, yamupitucile Muwaha Mulungu, u Mulungu we Waisilayeli.

Isaya 23:4

Gwegwe 'gwe 'kaya lya Sidoni, alu wakozwa cevu! Hambi lilenga, ne ligomawakali lye lilenga liwaha, nha lyo lilonjile likutya, “Ane nha nghali natuga, hamba kuwilusa i wana we cilume hamba we cicekulu.”

Yelemiya 27:4

U Muwaha Mulungu, we mihanga u Mulungu wa Isilayeli, yanonjela nha vyono, niwalajilize wawo wabite wakawalonjele i watemi wawo, zono Muwaha Mulungu yalonjile nhavi,

Yelemiya 27:12

Nane Yelemiya, nghamulonjela Zedekiya u mutemi we yisi ya Yuda, zinghani zizo zose nha vyono zinha, nghamutya nhavi, “Alu 'gwe go mutemi Zedekiya, wiwikaje mu miwoko ya Nebukadineza, u mutemi wa Babiloni. Wumwitumamile hamonga ne wanhu wakwe, holeka nagwe kowumipa.

Yelemiya 28:1

Na mu mwaka wuwo du kanyhi, mu mwezi we 'hano, wa mu mwaka we kane, wo wuteme wa Zedekiya. Hananiya u muwizi, u mwana wa Azuli, munya cikaya ca Gibeyoni, lono nali nili mu Nyumba yo Mulungu, ha mwande ye wakohani, hamonga ne wanhu, Hananiya yanonjela