Yelemiya 2:3 - Luganuzi Luswanu Kuli Wanhu Wose 2002

³ Gwe Isilayeli, yo gwegwe du wuli wene mono wali wuli wangu, yo gwegwe mono wali yo sawo yangu siwanulwe. Nane nghawaletela magazo no wongomezwe, i wanhu wose wono wakutamisaga. Vyo nghutya ane no Muwaha Mulungu.”

Yelemiya 2:3 ပူးပေါင်းရင်းမြစ်များ

Wutuluce 22:29

“Wulece kucela kundavizya vilavywa vyangu vya mu vilimwa vyako vyose, na vye divayi yako, na vye mafuta gako mu madaha gayo. “Mumhele ne wana wenyu we cilume, i walongozi kulelwa.

Wutuluce 23:16

“Muyinoze sikukuu ye nhwanga, lono mukwanza du kududula vilimwa vyenyu. Kanyhi munoze sikukuu ye vibanda, mu ndumilizo yo mwaka, lono mukuhepa mikalo ye zabibu ne mizeyituni yenyu.

Isaya 41:11

“Na wose wono wakumukolelwenyi likuwo, wolosumwa no kukolwa cevu. Na wose wono wakulewana nanye, wolofwa.

Isaya 47:6

Nali niwakoleywe likuwo wanhu wangu nghawa kuwatendela nha kotya si wanhu wangu Nghawawika mu miwoko yako. Nagwe hamba si wawawonela lusungu yaye, sunga ne wakombi wose wukawatendela vibi muno.

Yelemiya 12:14

U Muwaha Mulungu yakutya nhavi, “Ane nina nghani yono nghusaka niwalonjele wono wekalane ne wanhu wangu Waisilayeli, wono wakondya kuyinoza matongo, i yisi yono nawapela i wanhu wangu Waisilayeli. Nha vyono nane, nowawusa wawo i wanhu wabi, mu zi'si zawo, niwakule, niwawuse ne milela nho mubici, nimuponye Yuda muli wene.

Yelemiya 2:4

Nye nyo lulelo lwa Yakobo, ale muhulicize ta, zono Muwaha Mulungu yakulonga, anye nyo we mhuga yose ya Isilayeli.

Yelemiya 30:16

Ninga ku wulawilila lulu, i wanhu wose wono wolomusolelenyi vinhu vyenyu, ale nawo wolosolelwa vinhu vyawo nhavivyo. Ne walugu wenyu wose, wolosolwa wategulwe kutali nha wafungwa. Ne wanhu wose wono wolomwiwonelenyi, nawo wolokwiwonelwa, ne wanhu wose wono wolomupumhenyi nawo wolopumhwa nhavivyo.

Yelemiya 50:7

Nawo wakuhomwa no munhu wo wose du mono wanhu wose wono yakuwawona. I walugu wawo, nawo wakutya, ‘Hambi wene nha wamusutizya Muwaha Mulungu, holeka nase, zizi zono cikuwatendela, hamba si cikusutya yaye. Hambi i walezi wawo nha wali wamwitumbiye Muwaha Mulungu, holeka nawo yali yiwanojeye kuwa wehuwilwa kuli mwene.’ ”

Yoweli 1:3

Ale, muwalonjelaje zizi, wana wenyu, nawo wana wenyu wawalonjele wana wawo, i wana wawo nawo, wawalonjele lulelo lono lukuza.

Amosi 6:1

Yolowa nghani ya kogofya muno, kuli 'nye mono mwina mikalile miswanu nhavi mu Siyoni, na kuli nye mono mukwihwesa nha mwikaye mupolile mu Samaliya, anye mo wanhu wawaha mu nghungugo mbaha ya Isilayeli, anye mono wanhu wa Isilayeli wakuwa kumuzizenyi wakulondola wutazi kuli'nye!

Habakuki 1:11

I wanhu wawa wono i vilungo vyawo yo mulungu wawo, wopuluta musunho nha mbeho, hanyuma wawe kubita.”

Zakaliya 1:15

Kanyhi nghuziwonela yikuwo zinghungugo zono zicehile kanyhi zina mulamu. Ku soko lono likuwo lyangu lyali lyapola so wanhu wangu, zinghungugo zizo, ho zikacila muno kuwagaza wanhu wangu no kuwetumya vibi.

Zakaliya 2:8

No munhu wo wose mono komusagalenyi anye, yamanye vyono yakusagala cinhu co wuguzi wukamu kuli'ne.” Holeka u Muwaha Mulungu we Mihanga kandeta nizilolose zizi kuli makungugo gono gawahamya i wanhu wakwe, nigatye nha vyono,

Wuwale 18:12

“Nane kanyhi, nghukupela sunga ne mana malongozi ga mu'si, gono Waisilayeli, wakumhela mu mwaka na mwaka, nha cinji, mafuta, divayi, hamonga no wuhemba.

Walumi 11:16

Hono i cibegulwa cilongozi co mukate ciwe casiwanulwa, hodu, no mukate wose wasiwanulwa wakondya; nayo imilela yo mubici hono yiwe miswanu, ne manhambi gayo gawezaga maswanu nhavivilya.

Walumi 16:5

Kanyhi muwalamusaje we likanisa lyono litang'anililaga mu kaya yawo. U mulamu wangu wumuficile mwendece wangu Epeneto, mono yo mulongozi mu Asiya kumwihuwila Kilisito.

Waefeso 1:4

U Mulungu yacihagula lono yinze yali yikali si nawumbwa, ho ciwe cili wakwe mu wilunza na Kilisito, ho ciwe celile mono cisina hamba yilema hali mwene, ku soko yo wendo wakwe.

Wukumbucize wo Wulajilize 14:2

Anye muli wanhu wo Muwaha Mulungu, u Mulungu wenyu. Nayo Muwaha Mulungu yamuhagulenyi muwe wanhu wakwe mu wulawa mu wanhu wose wono wekaye mono yinze.”

Wukumbucize wo Wulajilize 26:19

Nayo komunozenyi muwe yikungugo yiwaha muno, kuciza makungugo ganji gose gono yagawumba, nanye molikumya no kulitogoza litagwa lyakwe. Kanyhi mowa wanhu wakwe nha vyono yehuwiza.”

Wukumbucize wo Wulajilize 7:6

Muzitumaje zizi, vyono anye muli wanhu wo Muwaha Mulungu, u Mulungu wenyu. Hambi Muwaha Mulungu nha yakamuhagulenyi anye mu wulawa mu wanhu wa mono'nze yose, muwe nghungugo yono yili wene so mweneco.

Yakobo 1:18

So wendo wakwe mweneco, yacilela mu nghani yakwe ye mbeka, ho ciwe nha cili mikalo milongozi wa muli viwumbwa vyakwe.

1 Petelo 2:9

Ninga anye muli ndelwa hagulwa, iwakohani wo Mutemi, inghungugo yono yelile, i wanhu wo Mulungu mweneco, mono muhaguywe ho mwanze ze metumo mawaha go Mulungu mono yamucemenyi kulawa ku wutitu, yakamwinjizenyi mu wuzelu wakwe wo kwizina.

Wugubule 14:4

I wanhu wawo, wo wanhu wono weyikamisa mu wele wose, wono siwetuma makani go wusulumizi na we cicekulu, hambi wene nha wasindile. I wene wawo, wamutyatyaga Mwana we ngholo ko kose kono yakubita. Wawo wo wagulwa kulawa muli wanhu wanji, kanyhi wakawa wo walongozi kulavywa kuli Mulungu na kuli Mwana we ngholo.