Yelemiya 17:2 - Luganuzi Luswanu Kuli Wanhu Wose 2002

² Hambi i wanhu wako nha wahembaga ha vikumbicilo hamonga ne vihwani vyo mulungu we cicekulu Ashela, behi ne mabici gono gena mahamha madece mu matunda matali,

Yelemiya 17:2 ပူးပေါင်းရင်းမြစ်များ

2 Zinghomo 24:18

Na ku wulawa baho, i wanhu wakawa kupela ku wubita kuhemba ku Nyumba yo Muwaha Mulungu, u Mulungu we walezi wawo, wakawa kwanza kuhemba vihwani, hamonga ne cihwani co mulungu we cicekulu Ashela. Na ku soko yo wubi wuwo, likuwo lyo Muwaha Mulungu likawaziza wanhu wa Yuda na Yelusalemi.

2 Zinghomo 33:19

Na vyono mutemi yalomba, na vyono Mulungu yakamupitula, hamonga du no wubi wono Manase yetuma, lono yali yakali si nanena, hamonga ne zimbi zose zono yetuma, ze hanhu ho wuhembelo we wanhu wono si wamumanyile Mulungu, ne vihwani vyo mulungu we cicekulu Ashela, vyono yasesa, hamonga ne vihwani viseswe, vyono yavihemba, lanje, zose zizo zandicigwe mu citabu ce zinghomo ze wawizi.

2 Zinghomo 33:3

Hambi nha yakahazenga kanyhi i hanhu ho wuhembelo ho kuhembela milungu yinji, hono sogwe Hezekiya yahamwagulanga mose. Yakazenga cikumbicilo so wuhembi wo kumuhemba Baali, yakasesa ne vihwani vyo mulungu we cicekulu Ashela, yakawa yakuhemba zinyelezi.

Zabuli 78:58

Wamukalaza Mulungu, mu wuhemba milungu yinji mu wuhembi wawo, holeka wamunoza Mulungu yawe, no wivu ku soko ye makumbicilo ge milungu yawo, ye vihwani.

Wutuluce 34:13

Langa kolo mwafika kuko, muvimwagulaje vikumbicilo vyawo, hamonga ne masumbili gawo, ne vihwani vyawo vyo mulungu we cicekulu Ashela.

Isaya 1:29

Nanye molokalala muno, vyono mwahembaga mabici, hamonga ne zi busitani zisiwanulwe.

Isaya 17:8

Hamba si wolowika kanyhi witumbilo wawo mu vikumbicilo vyono wavizenga weneco ne miwoko yawo, hamba kwitumbila mu vihwani vyawo vyono wavisesa weneco, nha cinji vihwani vyo mulungu we cicekulu Ashela, hamonga ne vikumbicilo vyawo vyo kufusiza wuvumba.

Yelemiya 2:20

U Muwaha Mulungu yakutya nhavi, “Agwe Isilayeli, wulawa katali walema wutonji wangu, wukalema kuhulika 'ne no kuhemba nene. Langa wukawa kubita mwi'tunda litali, na mu masina ge mabici gono gadedewaye, wukawa kuhemba i milungu yinji.

Yelemiya 3:23

Hambi nha si casuma kutuga wutazi wo wose kuli wuhembi we wanhu wono si wamumanyile Mulungu wono cahembaga mucanyha ye vizuli vye matunda. Hambi u wutazi kuli Isilayeli, nha wulawaga kuli Muwaha Mulungu, u Mulungu wetu du.

Yelemiya 3:6

Kanyhi mu vilo vyo mutemi Yosiya, u Muwaha Mulungu yakanonjela yakatya, “Alu wule, waziwona zono yetumile Isilayeli, mono si mwihuwilwa? Hambi nha yakondya kundeka 'ne, kawa kubita mu matunda matali gose, na hasi ye mabici gose gono gena mahamha gadedewaye, kawa kwituma zo wusenyha wakwe.

Yelemiya 7:18

I wana wawo, wo watenyi we zingwagu, i wasogo zawo, wo wapembi wo moto, i wanyina zawo, wo wavuwi wo wusaje ho wamunozeze mikate, u mulungu we cicekulu mono wamucemaga, mulungu we cicekulu wa ku wulanga. No kuyijidila milungu yinji, i vilavywa vye divayi, ho wanghoze likuwo'ne.

Ezekiyeli 20:28

Ninga nane, lono nawenjiza mu yisi yono nali nehuwiza nha vyono nowapela. Nawo wali weza kugawona matunda matali, hamonga ne mibici yono yidedewaye, ati hodu, wakawa kuvilavizya makumbiko. Nane nhondo, ho wakanghoza likuwo muno, so makumbiko gawo manyanywe, hamonga ne divayi yono wayilavya.

Wukumbucize wo Wulajilize 12:2

Kolo mweza kwinjila mu yisi yiyo yono mukuyisola, muhamwagulaje hanhu hose hono i wanhu wayihembelaga milungu yawo, mu matunda matali, na mu vigongo, sunga na hasi ye mibici yose yono yidedewaye.

Walamuzi 3:7

Wanhu wa Isilayeli wakamusemwa Muwaha Mulungu wawo, waketuma wubi hali Muwaha Mulungu, wakajendelela kuhemba vihwani vya Baali na vyo mulungu we cicekulu Ashela.