Yelemiya 12:3 - Luganuzi Luswanu Kuli Wanhu Wose 2002

³ Ninga go Muwaha Mulungu, agwe wuzimanyile zangu, kanyhi kuziwonaga na zono nitumaga zose kanyhi wumanyile nha vyono nghwendile 'gwe. Ale, wuwakulunhye wanhu wawa i wabi, nha ngholo zono zikutegulwa ku wuwulagwe, holeka wuwawikanizaje, sunga lizuwa lyawo lyo kuwulagwa liwaficile.

Yelemiya 12:3 ပူးပေါင်းရင်းမြစ်များ

2 Watemi 20:3

“Gwe go Muwaha Mulungu, wukumbucile nha vyono, ane nakwitumamila ko wihuwilwa ne cogopo, na mu vilo vyose, nghawa kuhidimbala kwituma zo wuhile wako.” Hezekiya yali yeza kudumya wulombe wakwe, hodu yakanza kulila ko wusungu wuwaha muno muno.

1 Zinghomo 29:17

Nane manyile nha vyono agwe wukuwa kuzijela nhumbula, nagwe wukuwa kwendezwa ne wanhu wono wena nhumbula zono zikogopile gwegwe. Alu nane, ku soko ye cogopo cono nina naco kuli'gwe, holeka ndavya vinhu vivino vyose, so wendezwe wangu nene no mweneco. Kanyhi nghondya no kuyiwona ne nyemo yono yili muli wanhu wako wawa, wono wehangulize baha so vinhu vyono wakulavizye gwegwe.

Jobu 23:10

Ninga hamba nhavivyo, Mulungu yazimanyile zinghanzo zangu. Na hono yananje, kombona sina masutya.

Zabuli 11:5

Muwaha Mulungu kawapimaga we ling'ani ne wabi, nayo kawasulaga muno muno i wanhu wakali.

Zabuli 139:23

Wulondole mu nhumbula yangu 'gwe go Mulungu, ho wumanye vyono ninha, wumhime, wugamanye mahweso gangu.

Zabuli 17:3

Agwe wuyimanyiye lukulu nhumbula yangu kunyiziza ne cilo, kunyihenga hamba kuwona cinji cibi muli'ne.

Zabuli 26:1

Gwe go Muwaha Mulungu, wumbalaje'ne sina wubi, hambi nha nitumaga du ziswanu, nane nghwitumbiye gwegwe, hamba sina mahwele yaye.

Zabuli 7:9

Wavu we wanhu wabi wudume, wumukamye munhu we ling'ani, 'gwe go Mulungu mono kwitumaga ling'ani, mono wuzimanyile zose ze cinyele za mu zinhumbula, ne mahweso ge wanhu.

Yelemiya 15:15

Hanyuma nane Yelemiya, nghapitula nghatya, “Gwe go Muwaha Mulungu, agwe go mweneco wuzimanyile. Ninga langa wunghumbucilaje, wumhele wutazi. Nghukunena wundipicizize simbili yangu kuli wose wono wakumhela magayo. Wulece kuwakangalila wawo, ho walece kusuma kumbulaga. Kanyhi wukumbucile vyono ane nghutovulwa ku soko yako gwegwe.

Yelemiya 17:16

Ninga agwe go Muwaha Mulungu, agwe go mweneco, wumanyile nha vyono, ane si calongana nagwe, ho wuwaletele wongomezwe wanhu wawa. Hamba si nakulomba ho wuwaletele lizuwa lye magazo yaye. Ninga agwe wuzimanyile zose zono nalonga.

Yelemiya 17:18

Holeka 'gwe go Muwaha Mulungu, wuwakoze cevu, wose wono wakunyiwonela'ne. Ninga 'ne nghukunena wundece 'gwe go Muwaha Mulungu. Wuwogofye wene muno muno, ninga ane, wulece kunyogofya. Wuwaletele wongomezwe, wuwabenanjize.

Yelemiya 20:12

Ninga agwe go Muwaha Mulungu we mihanga kuwajelaga wanhu we ling'ani. Nagwe wuzimanyile zose zono zili mu zinhumbula zawo, na mu mahweso gawo. Holeka ane nghulindiye mbone wulipicizwe wono kowalipiciza i walugu wangu, hambi 'ne nha nakulecela gwegwe zinghani zangu.

Yelemiya 48:15

Ninga Mowabu hamonga ne makaya gayo, vyakondya kongomezwa ne wazelelo wayo wono wakamile, wose wakondya kuwulagwa. Ane vyo nghutya, ane mono nili mutemi, kanyhi mono nili Muwaha Mulungu, we mihanga.

Yelemiya 50:27

Muwawulaje ne wasilikale wayo wose! Muwongomezeze lukulu! Woyi hee, kuli nye, nyo wanhu wa Babiloni! Hambi lizuwa nha lyakondya kuza lyo kumuling'anizenyi nanye.”

Yelemiya 51:4

Wowapela nghomele mbaha, nawo wowa kufwila du mu zinzila ze makaya gawo.

Yohana 21:17

Lwe kadatu kanyhi yakamutya, “Ati Simoni go mwana wa Yohana, wunyendile ane 'mbi?” Nayo Petelo yakakalala vyono Yesu yamuwuzize kadatu yakutya, “Wunyendile?” Yakamutya, “Muwaha, agwe wumanyile zose, wumanyile vyono ane nghwendile.” Yesu yakamutya, “Ale wudime zingholo zangu.”

Yakobo 5:5

Hambi nha mwekala kono'nze ne mikalile ye cinyemo-nyemo na yo kwiyendeza nyo weneco. Mwakondya kuzijinya zinhumbula zenyu nyo weneco so lizuwa lyo wuwulagwe.

2 Petelo 2:12

Iwanhu wawo wono waligaga co cose cilya cono siwacimanyile, wenha i malimu gono gasina mahala, gono gakuwa kulelwa, na hanyuma yayo gebatagwa no kuwulagwa. Wokongomezwa ku soko yo wuhodanji wawo weneco.