Yelemiya 1:3 - Luganuzi Luswanu Kuli Wanhu Wose 2002

³ Muwaha Mulungu yalonga kanyhi na Yelemiya mu vilo vya Yehoyakimu mwana wa Yosiya lono yali mutemi. Na ku wulawa mu vilo vivyo, Muwaha Mulungu yakajendelela du kulongana na Yelemiya kenji na kenji, sunga mu mwaka we likumi na monga wa mu wutemi wa Zedekiya u mwana wa Yosiya. Mu mwezi we 'hano wa mu mwaka wono i wanhu wa Yelusalemi wahamizwa no kutegulwa ku Babiloni.

Yelemiya 1:3 ပူးပေါင်းရင်းမြစ်များ

2 Watemi 23:34

Mutemi Falawo Neko, yakamutemya Eliyakimu u mwana wa Yosiya, yawe mutemi wa Yuda, yahale hanhu ha Yosiya. Nayo Eliyakimu yakepitula litagwa lyakwe yakecema mwene Yehoyakimu. Nayo Yowahazi yakategulwa ku Misili no mutemi Neko, yakafwila kuko.

2 Watemi 24:17

Nebukadineza, yakamutemya Mataniya, u mwihwawe wa Yehoyakimu, yawe mutemi wa Yuda. Nayo Mataniya yepitula litagwa lyakwe, yakecemela litagwa lya Zedekiya.

1 Zinghomo 3:15

Nayo Yosiya yali yena wana wane, Yohanani, Yehoyakimu, Zedekiya na Salumu.

Yelemiya 1:4

Muwaha Mulungu yakanonjela yakatya nhavi,

Yelemiya 34:1

U Muwaha Mulungu, yakanonjela kanyhi, mu mapango lono Nebukadineza u mutemi wa Babiloni, ne wasilikale wakwe wose, no wutemi wose wa mono'nze, lono wali wuli mu vilungo vyakwe, hamonga ne makungugo gose, wehomaga na Yelusalemi ne vikaya vyayo vyose vye behi behi.

Yelemiya 35:1

Mu vilo vyono Yehoyakimu u mwana wa Yosiya, yali yo mutemi wa Yuda, u Muwaha Mulungu yakanonjela yakatya,

Yelemiya 36:2

“Alu gwe Yelemiya, wusole kalatasi mhalinje ye ligolo-golo, wandice zinghani zose za Isilayeli na Yuda, hamonga ne makungugo gose, zono nakulonjelaga. Wandice zinghani zose zono nakulonjelaga, ku wulawilila ha mwamulizo lono namula kulongana nagwe, lono Yosiya yali yakali yatemile, sunga mwi'zuwa lye zuwali.

Yelemiya 39:2

Na mwi'zuwa lye licenda, lya mu mwezi we kane, wa mu mwaka we likumi na monga, wa mu wutemi wa Zedekiya, baho ho majinji ge likaya gakumulanjilwa.

Zakaliya 7:5

Yakanonjela kanyhi yakatya wuwalonjele wanhu wa mu yisi hamonga ne wakohani vyono, lono walekaga kulya, akuno wa kulila mu mwezi we hano na wo mupunghati mu myaka yi yilya yose makumi mupunghati, wule, si yali nzila yo kulajila cogopo ca kuli'ne.

Zakaliya 8:19

Wikapise wo wuleka kulya, wa mu mwezi we kane na we 'hano na wo mupunghati, na we likumi zowa zo sikukuu ze nyemo mbaha no wusangalale kuli wanhu wa Yuda. Holeka mwende mbeka no mulamu.