Yakobo 5:7 - Luganuzi Luswanu Kuli Wanhu Wose 2002

⁷ Ale, wandugu zangu, mweze no wukangalile sunga Muwaha kolo kokuziza. Lanjenyi ta u mulimi vyono kalindilaga ko wukangalile i ndudula yakwe yilete ndigwa swanu. Umwene kalindilaga ko wukangalile i mvula ye lifuku ne ye lihwela.

I CILAGANE CIPYA 1991

⁷ Ale, wandugu zangu, mweze no wukangalile sunga Muwaha kolo kokuziza. Lanjenyi ta u mulimi vyono kalindilaga ko wukangalile i ndudula yakwe yilete ndigwa swanu. Umwene kalindilaga ko wukangalile i mvula ye lifuku ne ye lihwela.

Yakobo 5:7 ပူးပေါင်းရင်းမြစ်များ

Yelemiya 5:24

Musina ne lihweso hamba hadodo, lyo kumhela cogopo, ane mono nghumuletelenyi mvula ye mhinga na ye mahwela mu vipango vyayo. No kumupelenyi vilo vye nhwanga mu myaka yose.

Hoseya 6:3

Alenyi cimumanye Muwaha Mulungu. Mwene kokuza kuli'se lono wela hakali mitondo muno, nayo kokuza kuli'se kotya mvula ye mhinga yono yidedewazaga yisi.”

Yoweli 2:23

“Holeka muweze ne nyemo anye wanhu wa Sayuni, musangalalile zono Muwaha Mulungu wenyu yamutendelenyi. Hambi mwene nha kamupelenyi mvula ye lifuku yono yikwiliye, kanyhi komutonyezezenyi ne mvula ye mhinga na ye mafuso ku soko yenyu, nhe vilo vyono vipulute.

Zakaliya 10:1

Ale mumulombaje Muwaha i mvula mu vilo vye cifuku. Hambi mwene nha yo Muwaha Mulungu mono kaciletelaga mvula ne mavunde, hamonga ne mahalavu, kanyhi yo kayinozaga ne migunda yetu yiwa yili dedede.

Matayo 16:27

Hambi u Mwana wo Munhu nha kolokuziza mu lukumyo lo Sogwe, hamonga ne wamalayika wakwe, na baho ho kolomulipila munhu wo wose nha vyono genha imetumo gakwe.

Matayo 16:28

Nane nghumulonjelenyi mbeka, vyono howali wanji wono wali bahano wono si wolofwa, sunga waze wamuwone u Mwana wo Munhu yakuza mu Wutemi wakwe.”

Matayo 24:27

hambi u wuze wo Mwana wo Munhu, nha wokwihwana nha vyono i limuli likuwa kumulika ku lubavu lwa kucilima sunga ko ku lubavu lwa kumwezi.

Matayo 24:44

Holeka nanye nhavivyo, mweze mwiwikanizize lukulu, hambi Mwana wo Munhu nha kokuziza mwi'pango lyono anye si mwihwesize yaye.”

Luka 18:8

Nghumutyenyi, mbeka kowalamulila mbela mbela. Ninga hamba nhavivyo, wulenyi, kolo yakuza kono'nze Mwana wo Munhu, kolowagana 'mbi wihuwilo mono'nze?”

Luka 21:27

Hobaho ho wolomuwonela Mwana wo Munhu, yakuziza mwivunde ne vilungo ne nhojo mbaha.

Luka 8:15

Nazo zono zalagala mu muhangha muswanu wo wanhu wono wakuyihulika nghani, no kuyikamisa kwa nhumbula swanu na ye cihuliko. Nawo wakulela mikalo mu wukangalile.

Yohana 21:22

Yesu yakamutya, “Hono nyende yuyu yekale sunga kolo nghuza, agwe wina nghani 'ci? Agwe wunhyatyaje nene.”

Yohana 21:23

Ne nghani yiyo yikamanyika muli we zindugu, vyono u mwijizwa yuyo si kolofwa. Ninga Yesu si yamulonjela vyono u mwijizwa yuyo si kolofwa, langa yatya, “Hono nyende yuyu yekale sunga kolo nghuza, agwe wina nghani 'ci?”

Walumi 15:4

Hambi zose zono zandikwa, nha zandikwa ho zicijize ase, nase ho cituje witumbilo mu wukangalile, na mu wusindamice wono cikupegwa ne Mandiko gago Gono Gelile, ho ciwe no witumbilo.

Walumi 2:7

Awalya wono wakulondola u lukumyo ne lilumbo vyo Mulungu no wusangalale, no kuwulondola uwumi, wawo wotuga u wumi we cibitilila.

1 Wakolinto 1:7

hamba si mucepuciywe cinji muli icipegwa co cose ca mu nhumbula, hono muwe mukuwulindila u wugubulwe wakwe u Muwaha wetu Yesu Kilisito.

Wagalatiya 5:5

Ninga ku lubavu lwetu ase, cikulindila ko witumbilo vyono, covumilwa hali Mulungu kwe vilungo vyo Muhe, mu nzila yo wihuwilo.

Wagalatiya 6:9

Holeka cilece kukatala mu wituma ziswanu, ku soko hono cilece kukatala, codudula i nhwanga mu cipango cayo.

Wukumbucize wo Wulajilize 11:14

Na hono mwitume nhavivyo, nayo komutonyezezenyi mvula mu yisi yenyu, mu cidaha cayo, mvula ye mhinga ne mvula ye mafuso, ho mududule wuhemba wenyu, ne divayi yenyu, hamonga ne mafuta ge mizeyituni yenyu,

Wakolosayi 1:11

U Mulungu yamupelenyi vilungo no wusume wakwe wo lukumyo, ho muwe na ngola muli vyose kanyhi hamonga no wukangalile.

1 Watesalonike 1:3

Nase cikumukumbucilenyi hali Mulungu Baba, vyono mukulajila u wihuwilo wenyu mu witume, na vyono u wendo wenyu wo wukumupelenyi u witume wo wupiligazi, kanyhi na vyono u witumbilo wenyu wukamile muli u Muwaha wetu Yesu Kilisito.

1 Watesalonike 2:19

Wulenyi cilaza kwima hali Muwaha Yesu yalaza kuza, u lukumyo lo wusume wetu wolowa cici? Wolowa nyenye nyo weneco, vyono anye yo nyenye, wo witumbilo wetu ne nyemo yetu.

1 Watesalonike 3:13

Holeka nayo komukamyenyi zinhumbula zenyu, nanye mowa mukwilaniciye mu wele hali Mulungu no Sogo yetu, mwipango lono kolokuziza u Muwaha wetu Yesu hamonga ne wakwe wose.

Wahebelaniya 6:15

Abulahamu yalindiliza ko wukangalizi, holeka yakacibocela cono u Mulungu yamwihuwiziza.

Yakobo 4:11

Wandugu zangu, mulece kwihosa nyenye wose. Mono yakumuhosa nduguye no kumuling'aniza, yuyo, yakuwuhosa kanyhi yakuwuling'aniza Wulajilize. Na hono wuwuhose Wulajilize, agwe siwukuwibata Wulajilize, langa wukuwuhosa.

Yakobo 5:10

Wandugu zangu, hono muwe mukusaka kuwona musambo we ngola no wukangalile muli magazo, mwihwesaje ze wawizi wono waganulaga mwitagwa lyo Muwaha.

Yakobo 5:3

Zizahabu zenyu ne mapesa genyu, gatuga nghangaga, ne nghangaga yiyo yowa wuhomelezi kuli'nye, nayo yomulyenyi miwili yenyu nho moto. Anye mwiwutila isawo mu vilo vivi vye ndumo!

2 Petelo 3:4

no kutya, “Yehuwiza vyono kolokuza! Ninga lu yali hayi? Hambi nha zinghani zo zizo du vyo yinha, ku wulawa lono wafwila wa kuku zetu ne nyikala ye vinhu vyo yiyilya du, nha vyono yali kulawo mwamulizo we yinze!”