Yakobo 5:4 - Luganuzi Luswanu Kuli Wanhu Wose 2002

⁴ Simwawalipa misahala i wetumami wono wetumo mulimo mu migunda yenyu. Lanjenyi ta vyono wakukalala? Icililo ca wawo wono wakududula mu migunda yenyu, cafika mu makutu go Muwaha Mulungu u Mudaha vyose.

I CILAGANE CIPYA 1991

⁴ Simwawalipa misahala i wetumami wono wetumo mulimo mu migunda yenyu. Lanjenyi ta vyono wakukalala? Icililo ca wawo wono wakududula mu migunda yenyu, cafika mu makutu go Muwaha Mulungu u Mudaha vyose.

Yakobo 5:4 ပူးပေါင်းရင်းမြစ်များ

Mwamulizo 4:10

Nayo u Mulungu yakamutya Kayini, “Alu nghanici yiyi yono wuyinozize? Hambi isakami yo mwanakwenyu Habeli, nha yikundilila wulawa mu muhangha.

Jobu 34:28

Wakuwanoza waciwa sunga wamulilile Mulungu nayo Mulungu yakucihulika cililo cawo co kulondola wutazi.

Jobu 7:2

Yihwanile muwanda mono yakusulumila mubeho, kotya mwitumami mono yalindiye musahala wakwe.

Zabuli 9:12

U Mulungu kawakumbucilaga wose wono wakugazwa, kanyhi hamba si kacisemwaga cililo ca wono wakwiwonelwa.

Wutuluce 22:27

Hambi wuwo nha wo mwenda wakwe du wono kefunikaga. Holeka hono wikale si wumugomoleye, alu ho kokwifunika cici? Na hono yandilile, nane nomuhuliciza, hambi ane nha nili lusungu.

Wutuluce 3:9

Heya mbeka, nakondya kucihulika cililo ce wanhu wangu, nakondya kuwona sunga na vyono Wamisili wakuwagaza muno muno.

Isaya 1:9

Na hono Muwaha Mulungu u Mudaha vyose, u Mulungu we Mihanga yali yalece kusigaza mumo wanhu wanji womi, mbeka, mhali Yelusalemi yongomezezwe lukulu, nha vyono Sodoma na Gomola zongomezwa.

Isaya 5:7

Ale, wanhu wa Isilayeli, wo mugunda we mizabibu wo Muwaha Mulungu u Mudaha vyose, u Mulungu we mihanga. Nawo i wanhu wa Yuda, zo zabibu zono yazihadika. Nayo yali yetumbiye, nha vyono wokwituma zo wuhile wakwe. Ninga wene wakawa wawulaji. Yali yetumbiye nha vyono wokwituma ze ling'ani, ninga wanhu wakawa wakulila vyono si wakutendelwa ze ling'ani.

Isaya 5:9

Ninga ane hulika Muwaha Mulungu, u Mulungu Mudaha vyose yakutya, “Makaya gaga maswanu mawaha, gose golowa matongo gali wene gasina wekazi.

Yelemiya 22:13

Woyi, hee! Kuli munhu mono yakuzenga kaya yakwe mu nzila yono si ye ling'ani, no kuyonjeleza yiwe mbaha, mu nzila yono si ye ling'ani. Mono kawetumyaga i wanhu wanji bwete, hamba kuwalipa musahala wawo.

Walawi 19:13

“Wulece kumugalila muyago, hamba kumuhiziza yaye. Kanyhi wulece kucela kumulipa musahala munhu mono yakwitumiye mulimo, wulece kugona hamba lizuwa limonga, wuwe wukali si namupela.

Habakuki 2:11

Alu sunga ne mabwe ga mwi'jinji, gakulila so nyenye, no mucici nawo wukupitula.

Malaki 3:5

Muwaha Mulungu we mihanga yakutya, “Ane nolomuzizenyi so wuling'anizi, nane nowa muhomelezi mupelu kuli wono wendile kwituma zo wuhawi, na muli wasenyha, na muli wono walavyaga wuhomelezi wo wulambi, na muli wono wawapujilaga i wetumami wawo musahala wawo, na muli wono wawewonelaga i wafwile, ne wana wono wasina walezi wawo, ne wajenzi. Sunga na muli wose wono si wanyogopile 'ne.”

Matayo 9:37

Baho yakawalonjela iwejizwa wakwe, yakawatya, “Ndudula yo mbaha, ninga iwetumami wo wacefu.

Luka 18:7

Alu ma, Mulungu nayo, si kowalamulila wahagulwa wakwe wono wamulililaga misi ne cilo? Hambi kocela kuwataza?

Walumi 9:29

Nha vyono Isaya yalonga ha mwamulizo, “Hono u Muwaha mono yali vilungo, yali yalece kucisigaziza wanji wa muli wanhu wa Isilayeli, mhali cakondya kuwa nha Sodoma, mhali cawa kotya Gomola.”

Wukumbucize wo Wulajilize 15:9

Kanyhi mulece kulema kumukopesha cono yakusaka, lunji mukutya vyono mwaka wo mupunghati wo kunenela wanhu migawa nha wuli behi kuza. Mulecele lukulu kuleceleza mahweso gago mabi gamuzizenyi mu zinhumbula zenyu. Na hono wuleme kumukopesha, nayo munhu yuyo komulilila Muwaha Mulungu ku soko yako, nagwe kowa wuli musutyi.

Wakolosayi 4:1

Nanye mo wawaha, muwatendelaje kwe ling'ani ne mbeka i wetumami wenyu, akuno mukukumbucila vyono nanye nha vivyo mwina u Muwaha wenyu ku wulanga.