Yakobo 4:8 - Luganuzi Luswanu Kuli Wanhu Wose 2002

⁸ Mumusejelelaje Mulungu, nayo komusejelelenyi. Kwemenyi miwoko yenyu nyo wahodanji! Mweze zinhumbula zenyu nyo wakoci!

I CILAGANE CIPYA 1991

⁸ Mumusejelelaje Mulungu, nayo komusejelelenyi. Kwemenyi miwoko yenyu nyo wahodanji! Mweze zinhumbula zenyu nyo wakoci!

Yakobo 4:8 ပူးပေါင်းရင်းမြစ်များ

Mwamulizo 18:23

Hanyuma Abulahamu yakasejelela hali Mulungu, yakatya, “Alu mwene mbeka du kosuma kuwongomeza i wanhu waswanu hamonga ne wanhu wabi?

1 Zinghomo 28:9

Na ku lubavu lwa Solomona, yakamulonjela yakatya, “Gwe mwanangu Solomona, nghukulajiliza nagwe nhavivyo, wumumanyile lukulu Mulungu wo sogo, kanyhi wumwitumamile kwe nhumbula yako yose, hamonga no mutima muzelu. Hambi mwene nha yagamanyile mahweso getu gose, hamonga ne visakwa vyetu. Holeka hono wumubitile, mwene kokubocela, ninga hono wijelele wumulece, mwene nhondo, kukulecela lukulu cibitilila.

2 Zinghomo 15:2

Nayo yakawa kubita kwitang'anila no mutemi Asa. Yakawa kumulonjela yakutya, “Gwe go mutemi Asa, hamonga nanye mo wanhu wa Yuda na Benyamini, ta muhulicizaje! U Muwaha Mulungu yali hamonga nanye, lono nanye mukali mukumuhulika mwene. Na hono mujendelele kumulondola, nayo kokwijela hali'nye, ninga hono mumulece, nayo komulecenyi.

Jobu 16:17

ninga'ne ho sina masutya go wugazi yaye, no wulombe wangu kuli Mulungu, welile.

Jobu 17:9

Ninga we ling'ani, wocila kuwa we ling'ani.

Jobu 9:30

Hambi nha hasina kanyhi sabuni ye liwala lyo lyose, yono yosuma kunghwema wubi wangu.

Zabuli 119:113

Nane niwasulile wanhu wono si wakwendile, Ninga nilyendile lilajilizo lyako.

Zabuli 145:18

Muwaha Mulungu yali behi, na wose wono wakumucemeleza, kuli wose wono wakumucemeleza, kwe nhumbula yo winenenyhezi.

Zabuli 18:20

Muwaha Mulungu yamhela cihumbilizwa, vyono 'ne netuma zo muling'ano yahumbiliza vyono nali sina wuhoswe.

Zabuli 24:4

Yo munhu mono yasina wuhoswe, ne nhumbula yono yelile. Mono si yakwiyinjiza mu makani ge caka caka. Hamba kuhomelela ko wulambi.

Zabuli 26:6

Ane nghwizuguza miwoko yangu, 'gwe go Muwaha Mulungu, ho ndajile vyono ane nili mutelevu, nghwilunza no wihangulize wo wuhembi, mu wupilime we cikumbicilo cako,

Zabuli 51:10

Gwe go Mulungu, wumumbile nhumbula swanu, wumbicile muli'ne nhumbula mhya yono yikamile.

Zabuli 73:13

Alu ne hongo, neyeza bwete nhumbula yangu, no kwilanjilila ndece kwituma wubi?

Zabuli 73:28

Ninga viswanu kuli'ne, niwe behi nagwe go Mulungu, hambi agwe go Muwaha Mulungu nha yo mhonelo yangu. Nane nozanza ze milimo yakwe yose yono witumile!

Isaya 13:15

No munhu wo wose mono kolokwibatwa, kolowulagwa.

Isaya 29:13

Ninga nayo Muwaha Mulungu yalonga yakatya, “I wanhu wawa, wenozaga nha wakuhemba nene, ninga kumbe ne zinghani zawo ho zisina nhunizo yo yose, ne zinhumbula zawo zili kunji caka. Ne cogopo cawo ca kuli'ne nghani ya bwete du, hambi wene nha wakutyatya wulajilize we wanhu, hamonga ne myoto yono wayizoweye nha vyono wakondya kwiyijiza.

Isaya 58:2

Hambi wene nha wahembaga'ne nhondo zose, wakwiyitya vyono wena wuhile muno wo kumanya zinzila zangu, no kwibata wulajilize wangu. Wakulonga wakutya vyono wakusaka muno wapegwe malajilizo ge ling'ani, na kanyhi vyono wendile muno ho wahembe nene.”

Yelemiya 4:11

Na mu vilo vivyo, i wanhu wa Yelusalemi, wololonjelwa nha vyono, i mbeho yo moto yikuputa, yikulawa ku nyika yikuwaziza wene. Kanyhi hamba si mbeho du, yono yinha civulavumbi cono ciputaga du no kweza, aa ng'o.

Yelemiya 4:14

Gwe Yelusalemi, kweme mabi gose gono gali mu nhumbula yako, ho wupone. Alu ho kojendelela kwihwesa makani mabi sunga nili?

I Cililo 3:57

Wukamhitula, wukanonjela vyono wulece kogopa.

Ezekiyeli 18:31

Muwutajilaje lukulu u wubi wenyu wose wono mwetumaga, mwinozeze nhumbula mhya, no muhe mupya. Alu anye nyo Waisilayeli, nhawulenyi mukwiyambalila ne lifwa?

Zakaliya 1:3

Ninga 'lu nghumutyenyi, mbuyilenyi, nane nomuwuyilenyi nye.”

Malaki 3:7

Anye, mwihwanile ne walezi wenyu walongola, wagabedegala malajilizo gangu, hamba kugebata yaye. Ale mbuyilenyi nene, nane nomuwuyilenyi nanye. Ninga hono mutye, ‘Alu citende wule ho cisume kukuwuyila?’

Matayo 12:33

“U mubici hono wuwe muswanu, sunga ne mikalo yayo nayo yowa miswanu, na hono wuwe mubi, ne mikalo yayo yowa mibi. No mubici nawo wumanyicilaga mu mikalo gayo.

Matayo 15:2

“Alu nhawule i wejizwa wako si wakwibata ze mejizo gono cabocela kuwulawa ku wawaha we katali? Ku soko si wakwizuguza miwoko yawo nha vyono yinojeye lono wakali si namula kulya?”

Matayo 27:24

Hodu nayo Pilato yaza kumanya vyono si kosuma cinji, na vyono mazozo gali geza kwanza, hodu u mwene yakasola malenga, yakezuguza miwoko yakwe hali wanhu wose akuno yakutya, “Ane ta, sina nghani yo yose kuli ze lifwa lyo munhu yuyu, yo nghani yenyu nyenye nyo weneco.”

Metumo ge Watumwa 15:9

Hamba si yanoza wisimajile wa ase na wene, ninga yaweza zinhumbula zawo ko wihuwilo.

2 Wakolinto 7:1

Holeka nyo wendece, vyono cakondya kupegwa i vilagane vivyo, yicinojeye nase ciyeze muli zose zono zosuma kucitipiza mu miwili, sunga na mu zinhumbula zetu, ho ciwe celile muno muno, no kwikala mu mikalile yono yimogopile Mulungu.

1 Timoteyo 2:8

Ale, ho hose mu kanisa, kolo mukwitang'anila mu wuhembi, nghusaka iwalume weze kulomba akuno welavizye lukulu kuli Mulungu, na kanyhi wono wosuma kunyasula imiwoko yawo, kuno wakulomba wasina likuwo hamba wuwanji.

Wahebelaniya 10:22

Holeka cimusejelelaje u Mulungu ne nhumbula yo winenenyhezi no wihuwilo wono wumemeleceye, mu nhumbula yono yezigwe mu ciselinji cibi, na mu miwili yono yihovugwe ne malenga mazelu.

Wahebelaniya 7:19

Vyono i lilajilizo lya Musa si lyasuma kukwilaniciza cinji. Ninga aluno i hanhu hayo, hakondya kuwicilwa u witumbilo u wuswanu wucizize, wono so wuwo, ase cosuma kumusejelela u Mulungu.

Yakobo 1:8

nha kekalaga yakukangamyanga mu mikalile yakwe yose, holeka yalece kutya kopegwa co cose kulawa kuli Muwaha.

Yakobo 3:17

Ninga imahala gono galawaga kucanyha ku wulanga, gene gelile, gendile mulamu no wupolo, kanyhi galulaga wanhu, gamemile lusungu kanyhi galelaga mikalo ye metumo maswanu, gasina wuwaguzi hamba wukoci.

1 Petelo 1:22

Alu vyono mu wuhulika mbeka, anye mwakondya kweza i zinhumbula zenyu, no kuwenda iwayenyu musina wukoci, ale, mwiyendaje yendi yendi kwe nhumbula yose.

1 Petelo 3:21

I lilenga lyono lyali yo hwani yo wubaputizo wono wukumuponyenyi nyenye'lu. Wubaputizo si nghani yo wuwusa makwe mu muwili, langa co cilagane kuli Mulungu cono cinozezwaga mu ciselinji ciswanu. Cikumuponyenyi mu nzila yo wuzuce wa Yesu Kilisito,

1 Yohana 3:3

Na muli wose mono yena u witumbilo wuwu muli Kilisito yakwiyeza, nha vyono u mwene Kilisito yelile muno.

1 Samwili 14:35

Nayo Sawuli, yakamuzenjela Muwaha Mulungu cikumbicilo. Naco cico, cali co cikumbicilo cilongozi cono yazenga Sawuli.