Yakobo 4:6 - Luganuzi Luswanu Kuli Wanhu Wose 2002

⁶ Ninga, lihewa lyono cikupegwa no Mulungu lili vilungo muno muno, nha vyono gatezaga i Mandiko, “Mulungu kawemilaga iwedunhumuzi, langa kawapelaga lihewa iwenenenyhezi.”

I CILAGANE CIPYA 1991

⁶ Ninga, lihewa lyono cikupegwa no Mulungu lili vilungo muno muno, nha vyono gatezaga i Mandiko, “Mulungu kawemilaga iwedunhumuzi, langa kawapelaga lihewa iwenenenyhezi.”

Yakobo 4:6 ပူးပေါင်းရင်းမြစ်များ

2 Zinghomo 32:26

Ninga ku ndumilizo yayo, Hezekiya hamonga ne wanhu wa Yelusalemi, wakenenenyheza hali Mulungu, holeka nayo Muwaha Mulungu, hodu, si yawalipiciza wanhu yaye, sunga Hezekiya yakafwa.

2 Zinghomo 33:12

Na mumo mu wudumyanzwe wakwe, yakenjilwa no winenenyhezi wuwaha muno, yakamuwuyila Muwaha Mulungu, u Mulungu wakwe, yakamulomba Mulungu yamutaze.

2 Zinghomo 33:19

Na vyono mutemi yalomba, na vyono Mulungu yakamupitula, hamonga du no wubi wono Manase yetuma, lono yali yakali si nanena, hamonga ne zimbi zose zono yetuma, ze hanhu ho wuhembelo we wanhu wono si wamumanyile Mulungu, ne vihwani vyo mulungu we cicekulu Ashela, vyono yasesa, hamonga ne vihwani viseswe, vyono yavihemba, lanje, zose zizo zandicigwe mu citabu ce zinghomo ze wawizi.

2 Zinghomo 33:23

Kanyhi si yali yehwanile sogwe mono yenenenyheza, yakamuwuyila Muwaha Mulungu. Mwene Amoni, yetuma wubi muno kuciza no wubi wono sogwe yetuma.

2 Zinghomo 34:27

na kanyhi vyono kunena, kanyhi kuwa kwinenenyheza hali 'ne, kuwa kuwulajila wunene wako, mu nzila yo kudemulanga vivwalo vyako. Kuwa kulila, weza kuhulika nha vyono noyilipiciza Yelusalemi, hamonga ne wanhu wayo. Holeka nane lu, no Muwaha Mulungu, u Mulungu wa Isilayeli, niwuhulika wulombe wako.’

Jobu 22:29

Hambi Mulungu nha kawanyetyaga i wedunhumuzi, ninga kawaponyaga i wenenenyhezi.

Zabuli 138:6

Gwe go Muwaha Mulungu, hamba wuwe wuli kucanyha muno, ninga wukuwalanga ko wuswanu i wasocele, ne wewoni wose, si wosuma kwihundika ha meso gako.

Zabuli 9:12

U Mulungu kawakumbucilaga wose wono wakugazwa, kanyhi hamba si kacisemwaga cililo ca wono wakwiwonelwa.

Wutuluce 18:11

Alu nane namanya nha vyono, u Muwaha Mulungu, yo Yalawiliciye kuciza milungu yinji yose. Hambi nha yawakomboza Waisilayeli, mu miwoko ye Wamisili wono wali kuwatendela vibi.”

Zimbazi 15:33

Ne cogopo ca kuli Muwaha Mulungu, wo wijize we mahala. Yikunojeye weze wuli mwinenenyhezi lono wukali sinatuga lukumyo.

Zimbazi 18:12

U munhu mwinenenyhezi, yo katugaga lilumbo. Ninga i wedunhumuzi, wali mu nzila yo wongomele.

Zimbazi 22:4

Wumuhulice Muwaha Mulungu, weze wuli mwinenenyhezi, nagwe kogolipa, kotuga lilumbo, kanyhi kokwikala vilo vinji mono'nze.

Zimbazi 29:23

Ne wanhu wedunhumuzi, wosuma kukuletela lifwa. Ninga hono wuwe mwinenenyhezi, wokupela lilumbo.

Zimbazi 3:34

Kanyhi mwene si kawasakaga i wanhu wedunhumuzi, langa kawapelaga lihewa i weneneyhezi.

Isaya 2:17

No wiwoni wo munhu, baho langa ho wulamalicila, no widunhumuzi nawo, baho ho wolokogomezezwa lukulu.

Isaya 54:7

“Ane nali nghulecile cipango cidodo du ninga so wendo wangu wuwaha kuli'gwe holeka nokukongholeza nghugomole kanyhi.

Isaya 57:15

“Hambi ane, nha yonene u Mulungu mono yelile, mono nikalaga cibitilila. Nikalaga i hanhu hono henuce na hono helile. Ninga hamba nhavivyo, nikalaga hamonga ne wanhu wenenenyhezi, kanyhi wono wakondizye kunena. Ho niwasikamye vilungo vyawo vya mu nhumbula, hamonga no witumbilo.

Danyeli 4:37

Nene Nebukadineza, nghumulumbiza no kumupela cogopo, hamonga no lukumyo, u mutemi wa ku wulanga. Hambi zose zono ketumaga, nha za mbeka, kanyhi ze ling'ani. Kanyhi yo kamunyetyaga munhu wo wose mono yakwikumya.”

Matayo 13:12

Hambi muli wose mono yena naco nha kopegwa, no kuwa na vinji, ninga ayulya mono yasina cinji, kosolelwa sunga na cono yena naco.

Matayo 23:12

Nayo mono yakwikumya mweneco, nha konyetywa, na mono yakwinyetya, yuyo langa yo kokumywa.”

Luka 1:52

Kawagwisa watemi mu magoda gawo Yakawenula waciwa.

Luka 14:11

Hambi muli wose mono yakwikumya mweneco, nha konyetywa, nayo mono yakwinyetya, yo kokumywa.”

Luka 18:14

Nghumutyenyi, yuyo mutoweza kodi, yawuya kwakwe kuno yakondizye kwilamula no Mulungu. Ninga ayulya u Mufalisayo, si nhavivyo. Hambi muli wose mono yakwikumya mweneco, nha konyetywa na mono yakwinyetya yo kokumywa.

Yakobo 4:10

Mwinenenyheze hali Mulungu, nayo komwinulenyi.

1 Petelo 5:5

Nanye nhavivyo mo wadodo, munojeye mwiwice mu wulajilize we wanyamhala. Nanye wose munojeye muwe no winenenyhezi ho musume kwiyitumila nyenye wose, hambi i Mandiko Gono Gelile nha gakutya, “U Mulungu sikawasakaga wono wena widunhumuzi, langa kawapelaga lihewa iwenenenyhezi.”

1 Samwili 2:3

Mulecele lukulu wulonji wenyu wo wiwoni, munyamalile lukulu ne zinghani zenyu zo widunhumuzi, Hambi u Muwaha Mulungu, nha yo Mulungu mono yazimanyile zose, Nayo kaling'anizizaga muli zono wanhu wakwituma.