Yakobo 4:2 - Luganuzi Luswanu Kuli Wanhu Wose 2002

² Musulumilaga vinhu, na kolo mweza simukuvituga, hobaho mukwiwikaniza kuwulaga, mukusulumila muno kuvituga vinhu, ninga simukuvituga, holeka mwisongaga no kwitowa. Hambi nha simutugaga cico cono musakaga vyono simucilombaga kuli Mulungu.

I CILAGANE CIPYA 1991

² Mu sulumilaga vinhu, na kolo mweza simukuvituga, hobaho mukwiwikaniza kuwulaga, mukusulumila muno kuvituga vinhu, ninga simukuvituga, holeka mwisongaga no kwitowa. Hambi nha simutugaga cico cono musakaga vyono simucilombaga kuli Mulungu.

Yakobo 4:2 ပူးပေါင်းရင်းမြစ်များ

1 Watemi 21:6

Nayo Ahabu yakamupitula yakatya, “Heya, nhumbula yangu nzito ku soko ya zono yanonjeye Naboti. Hambi ane nha nali nalumba niwugule mugunda wakwe we zabibu, hamba lunji hono yawe yendile, nimupele mugunda wunji cikawane no mugunda wakwe wuwo. Ninga mwene kawa kunyitya vyono si yosumika yaye!”

Zimbazi 1:19

Kanyhi, wumanye vyono wuhizi, wusakaga wumi wo muhizi. Ne nghani yiyi, yikuwa kumwijelela munhu wo wose, mono kekalilaga muli zo wuwulaji.

Muganuzi 4:8

Namuwona munhu yunji mono yasina mwana hamba nduguye, hamba nhavivyo, mwene si kalekaga kwituma milimo, kanyhi mwene hamba si yakuwa kuca ne sawo yakwe, hamba si ketuzaga akuno yakwiwuza yakutya, “Ale mwene, nghumwitumamila nani mwene mono yakunyambuza nghwikapisa sunga ndece kusangalala mu ziswanu?” Ayo mbeka yo nghani ya bwete du kanyhi yo nzila'mbi ye nyikala.

Isaya 7:12

Nayo mutemi Ahazi yakapitula yakatya, “Aa, ng'o! Ane si nosaka wundajile citanjilo, hambi nha si nghwenda nimujele Muwaha Mulungu.”

Habakuki 2:5

Hamonga na zizo, divayi yajilizaga, no munhu mwidunhumuzi, si kekalaga vilo vinji. Mwene yewikanize kuwamela wanhu wanji nha vyono yinha yisi ye wafu. Holeka nayo si kegutaga yaye nha vyono linha lifwa, mwene kekongholelaga i makungugo gose, hamonga ne wanhu wose wawa nha sawo yakwe.

Yohana 16:24

Sunga na lulu, mukali si nalombela cinji mwi'tagwa lyangu. Lombenyi, nanye mopegwa, nyemo yenyu ho yikwilanicile.

Yohana 4:10

Yesu yakamupitula yakamutya, “Mhali wuwe wumanyile i cipegwa ca kuli Mulungu, nayo yo nani mono yakukutya, wumhele malenga ning'we, nagwe wali wumulombe, nayo yali yakupele malenga go wumi.”

Yakobo 1:5

Na hono muyenyu yunji yawe yanjiye mahala, ale, yimunojeye yamulombe Mulungu mono komupela, hambi Mulungu nha kawapelaga wose ko winji, na kwe nhumbula swanu.

Yakobo 5:6

Mwaling'anizwa no kumuwulaga munhu mono yasina wusutye, nayo hamba siyamugomolezezenyi nghani yo yose yono'mbi.

1 Yohana 3:15

Na mono yamusulile u nduguye, yuyo muwulaji, nanye mumanyile vyono u muwulaji wo wose, musina wumi we cibitilila muli mwene.