Yakobo 4:1 - Luganuzi Luswanu Kuli Wanhu Wose 2002

¹ U wulugu no wisonji wose muli nyenye vilawaga hayi? Vilawaga mu masulumizi genyu mabi, gono galewanaga nhondo zose muli nyenye.

I CILAGANE CIPYA 1991

¹ U wulugu no wisonji wose muli nyenye vilawaga hayi? Vilawaga mu masulumizi genyu mabi gono galewanaga nhondo zose muli nyenye.

Yakobo 4:1 ပူးပေါင်းရင်းမြစ်များ

Yelemiya 17:9

“Alo mwene, nani 'mbi mono kosuma kuyimanya nhumbula yo munhu? Hambi nhumbula yo munhu nha yo nghoci muno kuciza vinhu vyose, kanyhi yina wutamwa wono si wosuma kuponywa yaye.

Matayo 15:19

Ku soko mu nhumbula yo munhu nha momulawaga i mahweso mabi gono galetaga no wuwulaji, kanyhi, mulawaga u wusenyha, wuhizi, wuhomelezi wo wulambi, ne maligo.

Yohana 8:44

Anye muli wana wo sogo yenyu Setani, no wusulumizi wa yuyo sogo yenyu, wo mwendile kuwituma. Mwene yali muwulaji kulawa mwamulizo, hamba si kemaga mu mbeka, vyono muli mwene, imbeka yili musina. Hono yakulonga wulambi, kalongaga i zakwe mweneco, nha vyono yenha, hambi nha mulambi, kanyhi yo sogwe yo wulambi.

Walumi 7:23

Ninga nghuwona, vyono ko wuli wulajilize wunji mu vilunzwa vyangu, wono vikulewana no wulajilize wa mu mahala gangu, wuwo wukunoza niwe muwanda wo wulajilize wo wubi, wono wukwituma mulimo mu vilunzwa vyangu.

Walumi 7:5

Hambi lono cekalaga mu mikalile ye cimunhu-munhu, uwusulumizi wubi wono wazizaga mu Wulajilize, nha wetuma mulimo mu miwili yetu sunga ko ku wulelela lifwa mikalo.

Walumi 8:7

Hambi mono yatemigwe ne mahweso ge cimunhu-munhu, nha vili sili no Mulungu, si kawuhulikaga u wulajilize wo Mulungu, hamba si kosuma kuwuhulika yaye.

Wagalatiya 5:17

Hambi i masulumizi ga mono'nze, nha vipinganaga no wuhile wo Muhe, no wuhile wo Muhe nawo, vipinganaga no wuhile we masulumizi ga mono'nze. Ne zinghani zizo zi nyejete si zikuwa kubitana hamonga, ku soko yiyo holeka si mosuma kwituma zono mwali mwende nyenye nyo weneco.

Wakolosayi 3:5

Holeka muwuwulajilaje lukulu u wusulumizi wa mono'nze wono wukali wuli muli nyenye, nha kotya, wusenyha, wavu, wumala-nyinji, wuhile wubi, wusulumizi, wo wuhemba vihwani.

2 Timoteyo 2:23

Kanyhi wilegaje no wuwanji wo wulele, na we ciwula mahala, wumanyile vyono zizo ziletaga wugombane.

Tito 3:3

Hambi mu vipango vinji, nase nha cali walele, kanyhi cili cibede, cali cajiliye. Cali cili wawanda we masulumizi ne makani ga mononze. Cekalilaga mu mikalile yo wavu no wivu, wanhu wakacisula, nase cikawasula.

Tito 3:9

Ninga wilegaje mu wuwanji wo wulele, hamba mu wiwanganile wo wuwale we zindelo ze wakoko, no wugomvi, no wiwanganile muli zo Wulajilize. I zinghani zizo zisina hamba cambuzi kanyhi za bwete du.

Yakobo 1:14

Ninga u munhu kajelwaga lono yakukwegwa no kusumwa ne masulumizi gakwe mweneco.

Yakobo 4:3

Kanyhi kolo mukulomba simupegwaga, vyono mulombaga ko wuhile wubi, hambi nha mulombaga ho mwigutye imasulumizi genyu.

1 Petelo 1:14

Kanyhi nha vyono yinha nhe wana wo Mulungu we cihuliko, holeka mulece kugatyatya kanyhi imasulumizi mabi, gono mwali mwina nago lono mwali mukali walele.

1 Petelo 2:11

Nye nyo wendece wangu, nghumunenenyi nyenye nha wajenzi kanyhi wakola nzila mononze! Mwiyilegaje mu masulumizi go muwili gono vikulewana ne nhumbula.

2 Petelo 2:18

Hambi nha walongaga zinghani zo wiwoni zono zisina nhunizo, kanyhi wegetumamilaga imasulumizi gawo mabi go muwili ho wawagwise awalya wono wakondya kwilega mu wanhu wono wekalaga mu wajilile.

2 Petelo 3:3

Mukwamula kumanya vyono mu vilo vya ku ndumo wolokuza wanhu wono mikalile yawo yitemigwe ne masulumizi gawo mabi. Wolomuzwajizenyi nyenye,