Yakobo 3:5 - Luganuzi Luswanu Kuli Wanhu Wose 2002

⁵ Ale nhavivyo no lulimi nalo, hamba luwe nha cilunzwa cidodo vivi co muwili, cikuwa kwiyikumya makani mawaha muno muno. Ne cinyesela cidodo vivi co moto naco citakamizaga mbago mbaha.

I CILAGANE CIPYA 1991

⁵ Ale nha vivyo no lulimi nalo, hamba luwe nha cilunza cidodo vivi co muwili, cikuwa kwiyikumya makani mawaha muno muno. Ne cinyesela cidodo vivi co moto citakamizaga mbago mbaha.

Yakobo 3:5 ပူးပေါင်းရင်းမြစ်များ

Jobu 22:17

Nawo wawo, wo wanhu wono wamulemaga Mulungu, wono wali wehuwiye nha vyono, Mulungu hamba si kusuma kuwapela wutazi wo wose yaye.

Zabuli 10:3

U munhu mubi kedunhumulilaga mu masulumizi gakwe mabi, nayo we masulumizi, kamukanaga Muwaha Mulungu no kumubeza.

Zabuli 17:10

wasina lusungu hamba hadodo, wamemile nghani zo widunhumuzi.

Zabuli 39:1

Ane natya, “Noyilanjilila mikalile yangu, ho ndece kwituma wubi mu wulonje wangu. Nowimila mulomo wangu lono wanhu wabi, wali behi nane.”

Wutuluce 15:9

Nayo mulugu yakeyitya, ‘Nowalonda nghawebate, nane nozigawa zisawo zawo, kanyhi nosola mu nghango yono nghuyisaka nene. Nane nowukwega mumaje wangu, na ko muwoko wangu, nowongomeza wose.’

Wutuluce 5:2

Nayo mutemi yakawawuza yakatya, “Alo yuyo Muwaha Mulungu yo nani nayo? Hamba nosuma nhawule kumuhulika ho niwakombole Waisilayeli wabite? Ane si nghumumanya yaye yuyo Muwaha Mulungu, hamba si nosuma kuwalecela lukulu Waisilayeli wabite.”

Zimbazi 12:18

Ne zinghani ze caka, zikuwa kucinya nho mumaje. Ninga zinghani zo munhu we mahala, ziponyaga.

Zimbazi 15:2

Wulonje we wanhu we mahala, wuwezaga wuswanu wo wizuce. Ninga i walele, walongaga zo wulele.

Zimbazi 18:21

Ne zinghani zono wukuwa kuzilonga, zosuma kuwukamisa wumi wako hamba kuwongomeza. Holeka kobocela nha vyono zinha zinghani zako.

Zimbazi 26:20

Hono hasina ngwagu, moto si wukolelaga, na hono hasina wusomenghanya, hawezaga hasina mazozo.

Yelemiya 18:18

Hanyuma i wanhu nawo wakalongana weneco wose, wakutya, “Alu nye! Alenyi cimunozeze Yelemiya ciwungu cibi! Hambi nha cowa cina wakohani nhondo zose, wono wowa kucijiza, ne wanhu we mahala, wono wowa kucitonga, hamonga ne wawizi, wono wowa kuyiganula i nghani yo Mulungu. Holeka lu muze cimulonganje, cilece kuzihuliciza kanyhi ne zinghani zakwe.”

Ezekiyeli 28:2

“Gwe go munhu, alu, wumulonjelaje u mutemi we yisi ya Tulo, zono ane no Muwaha Mulungu nghumulonjela nghutya nhavi, Alu nha vyono wukwikumya, no kwiwona mu nhumbula yako nha vyono agwe wuli mulungu. Nalu ti, vyono wukwiwona nha wuli mulungu, holeka wikaye mwi'goda lyo wutemi, mu ciligati ye lilenga. Heya, kosuma nhawule kwihwesa wuli mulungu, kumbe nagwe ho wuli munhu du, hamba si wuli mulungu yaye.

Ezekiyeli 29:3

Wumulonjele nha vyono u Muwaha Mulungu yakumulonjela zizi u mutemi we yisi ya Misili, yakutya, ‘Ane nili mulugu wako, agwe go lizoka liwaha, mono wugonile mugati ye likolongo. Mono wukwiyitya nha vyono likolongo lya Nile lyako, na vyono ati yo gwegwe mono walinoza.

Danyeli 3:15

Ale, 'lu, hono muhulice mililo ye zindulele, ne zifilimbi, ne masumbi, ne mazeze, ne zindonondo, ne vidananda, hamonga ne mihilimo yose ye masumbi, hobaho mufugame no kucihemba cihwani. Hono mulece kunoza nhavivyo, mowopwa no kugumilwa mwi'lambi lyo moto. Mukwihwesa 'lo ko yuli mulungu yunji mono komuponyenyi?”

Danyeli 4:30

Hambi nha yakatya, “Langa ta! Likaya lye citemitemi lya Babiloni vyono yiwaha! Yonene mono nalizenga ho wuwe wikalo wangu wo wutemi. Nane ho nhandaze u wuwaha wangu hamonga no wusume, ne vilungo vyo wutemi wangu.”

Yakobo 3:4

Ne zingalawa nazo kanyhi, hamba ziwe mbaha muno, nha zipitulwaga ne mabeho mawaha, ninga zipitulwaga ne cisukani cidodo vivi, ko kose kono mutonji yendile.

2 Petelo 2:18

Hambi nha walongaga zinghani zo wiwoni zono zisina nhunizo, kanyhi wegetumamilaga imasulumizi gawo mabi go muwili ho wawagwise awalya wono wakondya kwilega mu wanhu wono wekalaga mu wajilile.

Yuda 1:16

I wanhu wawa wekalaga du wakung'ung'ulika nhondo zose, no kuwahosa wanhu wanji. Wekalaga mu masulumizi gawo i mabi, wakwilumba no kuwakumya muno wanhu wanji, ho wetujile cambuzi muli zono wasakaga wene.