Yakobo 2:5 - Luganuzi Luswanu Kuli Wanhu Wose 2002

⁵ Wandugu zangu, wendece, hulicizenyi ta! U Mulungu yakondya kuwahagula iwanhu waciwa wa mu yinze yiyi, ho wawe wagoli wo wihuwilo, kanyhi wawubocele wutemi wono yawatemezeza wa walya wono wamwendile.

I CILAGANE CIPYA 1991

⁵ Wandugu zangu, wendece, hulicizenyi ta! u Mulungu yakondya kuwahagula iwanhu wono waciwa wa mu yinze yiyi, ho wawe wagoli wo wihuwilo kanyhi wawubocelega wutemi wono yawatemezeza wa walya wono wamwendile.

Yakobo 2:5 ပူးပေါင်းရင်းမြစ်များ

1 Watemi 22:28

Nayo Mikaya yakamupitula yakatya, “Hono wuze wu wuye wupolile, Muwaha Mulungu yeze si yalongane nane! Holeka nyo wanhu wose, muhulice zono nonjile!”

Jobu 34:10

“Holeka muhulicize anye nyo wanhu wo wizuce! Mukwihwesa Mulungu mono yali vilungo, kokwituma zo wubi?

Jobu 34:19

Mwene si kawahijilaga mbejele i walongola, hamba si yakuwawona wagoli wawe wo waswanu si nhe waciwa, hambi mwene nha yo yawawumba wose.

Jobu 38:14

Wuzelu we misi, wo wunozaga matunda ne malolo gejela, vinhu vyose viwikwe kotya nhe civwalo. Yinze, yikawanizwaga yituje hwani nhe'longo, hasi yo mutozo.

Wutuluce 20:6

Ninga nghuwawonela lusungu maelufu na maelufu, wawalya wono webate malajilizo gangu.

Zimbazi 13:7

Wanhu wanji wenozaga nha wagoli, ninga kumbe ho wanghwenzele. Na wanji wenozaga nha wanghwenzele, ninga kumbe ho wagoli.

Zimbazi 7:24

Holeka wanangu, muhulicize 'ne. Mutejeleze muno kuli zono nghulonga.

Zimbazi 8:32

“Holeka lu wanangu, muhulicize 'ne mwitume nha vyono nimwijizenyi, nanye mosangalala.

Isaya 14:32

Alu hamba ciwapitule ciwe kutyaci i wanhu wono wacizize wakulawa ku Wafilisiti? Ninga ase cowalonjela du nha vyono Muwaha Mulungu yakondya kuyisimya Sayuni, i wanhu wakwe wono wakugazwa ho wasume kutiziza mumo no kuwa wapolile.

Isaya 29:19

Nawo i waciwa, hamonga ne wanhu wenenenyhezi, wolotuga kamonga nyemo yono Muwaha Mulungu, u Mulungu mono yelile we Waisilayeli kalavyaga.

Zefaniya 3:12

Nane nolowaleka baho i wanhu wenenenyhezi ne waciwa, wono wokuza kulondola wutazi kuli'ne.

Zakaliya 11:11

Hobaho cilagane cici cikawa cabeneka mwi'zuwa lilyo. Awalya wono wagulaga no kuguza zingholo, wali wananjiliye, nawo wakamanya vyono u Muwaha Mulungu yalongaga nawo mu nzila ya zizo zono nazitumaga.

Zakaliya 11:7

Hobaho awalya wono wagulaga no kuguza zi ngholo wakunondola no kusola, ho niwe mudima zingholo zilya zono zategulwaga ho zikawulagwe. Baho nghetujila nghome monga, nghayicemela yitagwa “Ihewa” na ye kejete nghayicemela “Malunza.” Hobaho nghajendelela kulidima litewa lili.

Matayo 11:5

vyono i wabofu wakuwona kanyhi, we vitewe nawo, wakujenda, nawo wono wena wukoma, wakwezwa, na we ciziwi nawo wakuhulika, kanyhi sunga na wono wafwiye, nawo wakuzukulwa, ne waciwa nawo wakuganulilwa u Luganuzi Luswanu.

Matayo 25:34

Hanyuma u mutemi ho kowalonjela awalya wono wali ku lubavu lo muwoko wakwe wo kulume yakutya, ‘Muze anye mono mwalugutizwa na Baba, mubocele u Wutemi wono mwawikanizizwa ku wulawa wuwumbwe we yinze.

Matayo 5:3

“Wamoti wono wakwiwona nha waciwa hali Mulungu, hambi u wutemi wo Mulungu nha wawo.

Maluko 7:14

Yesu kanyhi yakalicema i lipuga lye wanhu, yakalilonjela yakutya, “Muhulicizaje wose, kanyhi mwizuce.

Luka 12:21

Yesu yakamalila ko wutya, “Ale, vyo yinha kuli munhu mono yakwiwicila sawo ku soko yakwe mweneco, nayo si mugoli kuli Mulungu.”

Luka 12:32

“Mulece kogopa anye mo cipuga cidodo, hambi Sogo yenyu nha yendile kumupelenyi wutemi.

Luka 16:22

“Baho u muciwa yakafwa, wamalayika wakamusola, yakekala behi na Abulahamu, u mugoli nayo yakafwa, yakawikwa mu citenjelo.

Luka 16:25

Ninga Abulahamu yakatya, ‘Mwanangu, wukumbucile vyono, lono agwe wali wukali mumi, wamotaga vyako viswanu, na Lazalo yakabocela i vibi, ninga lu baha mwene mutuzwe, nagwe wuli mu wusungu.

Luka 22:29

nane nomupelenyi wutemi, nha vyono Baba yamhela.

Luka 6:20

Yesu yakawapitucila wejizwa wakwe yakatya, “Muli wamoti nyo waciwa: hambi wutemi wo Mulungu nha wenyu.

Yohana 7:48

Wulenyi, mumuwene hamba yunji wa muli walongola we wanhu, hamba yunji wa mu Wafalisayo mono yamwihuwiye?

Metumo ge Watumwa 7:2

Nayo Sitefano yakapitula yakatya, “Hulicizenyi, 'nye wandugu zangu, nanye mo wasogo zangu, u Mulungu wo lukumyo yamulawila u kuku yetu Abulahamu, lono yali ku Mesopotamiya, lono yali yakali si yanekala ku Halani.

Walumi 8:17

Holeka vyono ase cili wana wo Mulungu, cawubocela uwumoti wose wo Mulungu wono yawawiciye iwanhu wakwe, kanyhi cohanga uwuhazi wuwo hamonga na Kilisito, hambi hono cihanje uwugaye wakwe Kilisito, cohanga kanyhi no lukumyo lwakwe.

1 Wakolinto 2:9

ninga nha vyono gakulonga i Mandiko Gono Gelile, “Izinghani zono hamba liso likali si naziwona, hamba i likutu kuzihulika izinghani zono, hamba munhu yakali si nazihwesa mu nhumbula yakwe, zizo zo Mulungu yawawikaniziza wa walya wono wamwendile.”

2 Wakolinto 4:15

Na zizi zose zili ku soko ye cambuzi cenyu nyenye, ho yiwe nha kotya, lihewa lyo Mulungu, likuwaficila wanhu wenji muno muno, nawo ho wasume kulavya lilumbo muno muno ko lukumyo lo Mulungu.

2 Wakolinto 6:10

Hamba ciwe catuga wulipicizwe, ninga si cikawulagwa yaye, hamba ciwe cina wuzinguce, ninga cikusangalala nhondo zose, hamba ciwe ciciwape muno muno, ninga cikuwagolifya wanhu wenji, cijelaga nha cili wanhu mono cisina cinji co cose, ninga kumbe ho cina navyo i vinhu vyose.

2 Wakolinto 8:9

Hambi anye nha mulimanyile lihewa lyo Mutwa wetu Yesu Kilisito, nha vyono mwene hamba yawe yali yakwizize vyose, ninga yakenoza nha muciwa ku soko yenyu, anye ho mugolipile mu wuciwa wakwe.

Waefeso 1:18

Nghumulomba u Mulungu yazidigule izinhumbula zenyu ho zisume kuwuwona u wuzelu wakwe, ho musume kuwutanga u witumbilo wono yamucemelenyi, no lukumyo luwaha lwe vipegwa vyono yawawicila iwanhu wakwe,

Waefeso 3:8

Ane nili mudodo si nhe wanhu wo Mulungu wose, ninga napegwa ilihewa lyakwe, ho niwaganulile iwanhu wono si Wayahudi u wugoli wa Kilisito, wono wusina cipimo,

1 Watesalonike 2:12

Cikamulanjizenyi, kanyhi cikamusindamicenyi, no kumuswaswanizenyi, ho mwikale mu mikalile yono yikumwendeza u Mulungu mono yamucemenyi ho muhanje u Wutemi no lukumyo lwakwe mweneco.

2 Watesalonike 1:5

Na zizo zose, zikucimanyiza vyono u wuling'anizi wo Mulungu wo we ling'ani, ne ndumilizo yayo ho mowa muwunojeye u Wutemi wakwe wono wukuleka anye mukugazwa.

1 Timoteyo 6:18

Wuwalonjelaje wetume viswanu, wawe wagoli mu metumo maswanu, kanyhi wawe wacemezi, wono wewikanize mu wuhanga ne wanji zisawo zawo.

2 Timoteyo 4:18

Holeka u Muwaha si koleka kumhonya muli makani gose i mabi, kanyhi konghamisa sunga ko ku wutemi wakwe wa ku wulanga. Ale, kuli Mwene, lweze lukumyo cibitilila ne cibitilila! Heya.

2 Timoteyo 4:8

Alu yisigaye yo wubocela i cipegwa co wisumanize wangu, ku soko ye mikalile yo wiling'ano, i cipegwa cono Muwaha Muling'anizi we ling'ani, kolomhela Mwizuwa lilya, kanyhi hamba si nene du nili wene, langa na wose wono wakulanjilila ko wendo i mazizo gakwe.

Wahebelaniya 11:26

Yakamanya vyono, ku wutuga magazo ku soko ya Kilisito, ko cili cambuzi ciwaha muno muno, si nho u wugoli wose wa mu Misili, hambi nha yali yalanjiliye u wuhumbilizwe wa hanyuma.

Yakobo 1:12

Mumoti munhu mono yakukangalila wujelwe, hambi kolo yeza yasuma, nha kopegwa i cihumbilizwa co wumi cono Mulungu yawatemezezya wawalya wono wamwendile.

Yakobo 1:16

Nye wandugu zangu wendece, mulece kukongwa.

Yakobo 1:19

Wandugu zangu wendece, kumbucilenyi nghani yiyi! Umunhu wo wose yeze mupelu kuhulika, ninga yalece kuwa mupelu kulonga, hamba yalece kuwa mupelu kusimba.

Yakobo 1:9

Ninga u Mukilisito muciwa, yimunojeye yawe na nyemo lono Mulungu yakumwinula,

1 Petelo 1:4

holeka cilindiye kuwutuga wumoti awulya wono Mulungu yawawiciye wanhu wakwe. No Mulungu yakondya kumuwicilenyi wumoti wuwo ku wulanga, kono siwuwolaga, hamba kuhodanjika, hamba kufwifwiza.

2 Petelo 1:11

Na yiyo yo yoleka mosuma kupegwa wiling'ano wono wukwilaniciye, wo kwinjilila mu wutemi wo Mutwa wetu no Mukombozi wetu Yesu Kilisito.

Wugubule 2:9

Nigamanyile magayo gako, kanyhi sunga no wuciwa wako, ninga imbeka agwe ho wuli mugoli. Kanyhi niwumanyile no wutovulwe wono watovulwa na walya wono wakwiyitya Wayahudi, ninga ho si Wayahudi we mbeka, langa yipuga lye Setani.

Wugubule 21:7

Nayo munhu wo wose mono kosuma, yuyo kopegwa cino nane nowa Mulungu wakwe, nayo kowa mwanangu.

Wugubule 3:18

Alu ane nghukupela yihala nhavi, wugule kwangu zahabu swanu muno, ho wuwe wuli mugoli mbeka. Kanyhi nghukunena, dedede, wugule ne vivwalo vizelu, wuvwale, ho wugubicize cevu ce cipwi cako. Wugule kanyhi ne mafuta, wibace mu meso gako ho wuwone.

Walamuzi 9:7

Nayo Yotamu yali yeza kuzihulika zizi, yakatuluka, yakabita mwi 'tunda lya Gelizimu, yakawalonjela yabalaluce kwe yizi 'waha yakawatya, “Anye wanhu wa ku Shekemu, muhulicizaje, nayo Mulungu ho komuhulicenyi.

1 Samwili 2:30

Agwe Eli, mono ane no Muwaha Mulungu we Waisilayeli, nehuwiza mu vilo vyono vipulute, nha vyono i mhuga yako, hamonga na wo mulango wako, wo wonyitumamila du nha wakohani mu vilo vyose. Ninga aluno nghutya, ane si nosuma kujendelela kugakangalila kanyhi, makani gono genha gaga! Langa, nowakumya du wono wakunghumya, kanyhi nowabedegala wono wakumbedegala.

1 Samwili 2:8

Kamwinulaga muciwa mu wulawa mu manghundi no kumminula mono yena wanjile mu wugazice wakwe. Kawa kuwekaza hamonga ne wawaha kawawika i hanhu ho lukumyo. Hambi u musinji we yinze, nha wakwe Muwaha Mulungu, nayo yayisimya yinze mucanyha yo musinji wuwo.