Yakobo 2:1 - Luganuzi Luswanu Kuli Wanhu Wose 2002

¹ Wandugu zangu, hono muwe mumwihuwiye u Muwaha Yesu Kilisito, u Muwaha wo lukumyo, mulecele lukulu kuwawagula wanhu.

I CILAGANE CIPYA 1991

¹ Wandugu zangu, hono muwe mumwihuwiye u Muwaha Yesu Kilisito, u Muwaha wo lukumyo, mulecele lukulu kuwawagula wanhu.

Yakobo 2:1 ပူးပေါင်းရင်းမြစ်များ

2 Zinghomo 19:7

Holeka munojeye mumogope Muwaha Mulungu, mulanjilile mu witume wenyu, hambi Muwaha Mulungu, u Mulungu wetu, nha si kawukangalilaga wungwele, hamba wuhijila mbejele kuli munhu, hamba wubocela mafupo.”

Zimbazi 24:23

Azi zo nghani zinji kanyhi, zono wazilonga we Mahala. Yo nghani 'mbi muno muno, hono hakimu yawe muhijila mbejele kuli wanhu.

Zimbazi 28:21

Nako kuwahijila mbejele wanhu, si kuswanu ng'o. Ninga mahakimu wanji, wakonga-kongwaga mu nzila yo kupegwa cinhu cidodo du ca mafupo.

Walawi 19:15

“Weze mwihuwilwa, kanyhi wuli ling'ani, lono wukulamula mu vyalo. Wulece kuhijila mbejele kuli muciwa, hamba kumuwonela cevu munhu mugoli.

Matayo 22:16

Holeka wakawatuma i wayawo wanji, hamonga ne watyatyi we cipuga ca Helode. Wakabita kuli Yesu, wakamuwuza wakutya, “Gwe Mwijizi, ase cimanyile vyono kulongaga mbeka, na kanyhi vyono kwijizaga i mbeka yo wuhile wo Mulungu kuli wanhu, hamba sikogopaga munhu wo wose, hambi ililumbo lyo munhu nha si cinji kuli'gwe.

Metumo ge Watumwa 10:34

Hobaho Petelo yakatya, “Alu mbeka ho natanga vyono u Mulungu yasina wuwaguzi.

Metumo ge Watumwa 20:21

Nawahomelela wose, Wayahudi hamonga ne wanhu wono si Wayahudi, ho wamupitucile Mulungu no kumwihuwila Muwaha wetu Yesu.

Metumo ge Watumwa 24:24

Vyaza puluta vilo vicefu, Feliki yakaza no mugolece wakwe we Ciyahudi ilitagwa lyakwe Delusila. Yakamucema Pawulo, yakamuhuliciza zono yakulonga zo wihuwilo wa muli Yesu Kilisito.

Metumo ge Watumwa 7:2

Nayo Sitefano yakapitula yakatya, “Hulicizenyi, 'nye wandugu zangu, nanye mo wasogo zangu, u Mulungu wo lukumyo yamulawila u kuku yetu Abulahamu, lono yali ku Mesopotamiya, lono yali yakali si yanekala ku Halani.

Walumi 1:11

Hambi nha nghusaka kumuwonenyi, ho nimugawilenyi icipegwa ce cimuhe no kumusikamyenyi.

1 Wakolinto 2:8

Go mahala gono i watemi we yinze yiyi, si wasuma kugatanga, ku soko hono wali wagatanje, hamba si wali wamutumbice u Muwaha wo lukumyo mu musalaba,

Wukumbucize wo Wulajilize 1:17

Mulanjilile mulece kulamula ko wuhijilambejele, langa mweze kuwalamula wanhu wose ko muling'ano, mulece kulanga vyono ayu nani, hamba ayo nani. Mulece kumogopa munhu wowose, hambi u wulamuzi wono mowa kuwunoza, nha wukulawa kuli Mulungu. Ne nghani yoyose yono moyiwona nghamu kuli'nye, mundetelaje nene, nane no mweneco noyilamula.’

Wukumbucize wo Wulajilize 16:19

Walece kuwa no wuwaguzi hamba kuwewonela wanhu. Kanyhi walecele lukulu kubocela mafupo. Hambi mafupo hamonga ne vipegwa, nha vibofuzaga meso ge wanhu we mahala, ne wanhu wenenenyhezi. Sunga viwa kuwanoza wawa kulavya wulamuzi wono si wuli ling'ani.

Wakolosayi 1:4

Hambi nha cahulika zo wihuwilo wenyu muli Kilisito Yesu na muli zo wendo wenyu kuli wanhu wose wo Mulungu.

1 Timoteyo 1:19

kanyhi wuwukamisaje u wihuwilo wako ne ciselinji ciswanu. Hambi iwanhu wanji vyono si wasaka kuvihuliciza i viselinji vyawo, holeka wakawuhodanga u wihuwilo wawo.

1 Timoteyo 5:21

Nghukukong'onheza hali Mulungu, na hali Kilisito Yesu, na hali wamalayika wono welile, wukamise imalajilizo gaga wulece kuleka hamba limonga, kanyhi, pogola, wulece kumwendeza munhu wo wose muli zose zono kokwituma.

Tito 1:1

Ane yo nene Pawulo, u mwitumami wo Mulungu, kanyhi mutumwa wa Yesu Kilisito nghwandika. Ane haguywe ho niwuzenje u wihuwilo we wahagulwa wo Mulungu no kuwatonga ho wayimanye i mbeka yo wuhembi wetu,

Tito 2:13

akuno cikulilindila lizuwa alilya i liswanu lyono cilitumbiye, mu cipango cono lokwijelela u lukumyo lo Mulungu Muwaha no Mukombozi wetu Yesu Kilisito.

Wahebelaniya 1:3

U mwene wo wubulile wo lukumyo lo Mulungu, kanyhi yo hwani ye mbeka yo Mulungu mweneco, nayo yakuyisikamizya yinze mu nghani yakwe ye vilungo. Lono yali yakondya kuwanenela wanhu u wubi wawo, yakekala ku wulanga ku lubavu lo kulume lo Mulungu Mono Yalawiliciye.

Wahebelaniya 12:2

Akuno cikumulanga Yesu mono wo mwamulizo wo wihuwilo wetu, no kuwukwiza. Mono, ku soko ye nyemo yono yali yawiciywe u mwene, yakangalila u wufwe wa mu musalaba, hamba kulanga ze cevu cakwe, alu yekaye ku lubavu lo kulume lwe ligoda lyo lukumyo lyo Mulungu.

Yakobo 1:16

Nye wandugu zangu wendece, mulece kukongwa.

Yakobo 1:19

Wandugu zangu wendece, kumbucilenyi nghani yiyi! Umunhu wo wose yeze mupelu kuhulika, ninga yalece kuwa mupelu kulonga, hamba yalece kuwa mupelu kusimba.

Yakobo 2:3

Hono mumupele lilumbo lyono licizize hawaha, yuyulya mono yavwalile vivwalo vyono vikung'alala, no kumutya, “Agwe wikale ahano haswanu,” no kumutya yuyulya muciwa, “Agwe nagwe wime ahalya,” hamba “Wikale ahano hasi hono magulu gangu,”

Yakobo 2:9

Ninga hono muwawagule wanhu, mukwituma wubi, nawo Wulajilize nha wukumuhosenyi nyenye vyono mwina wusutye.

Yakobo 3:17

Ninga imahala gono galawaga kucanyha ku wulanga, gene gelile, gendile mulamu no wupolo, kanyhi galulaga wanhu, gamemile lusungu kanyhi galelaga mikalo ye metumo maswanu, gasina wuwaguzi hamba wukoci.

2 Petelo 1:1

Ane yo nene Simoni Petelo, u mwitumami no mutumwa wa Yesu Kilisito. Nghumwandicilenyi nyenye mono so wuswanu wo Mulungu wetu, hamonga no Mukombozi Yesu Kilisito, mwapegwa u wihuwilo wuwulya wo wuguzi wukamu wono capegwa na sese.

Yuda 1:16

I wanhu wawa wekalaga du wakung'ung'ulika nhondo zose, no kuwahosa wanhu wanji. Wekalaga mu masulumizi gawo i mabi, wakwilumba no kuwakumya muno wanhu wanji, ho wetujile cambuzi muli zono wasakaga wene.

Wugubule 14:12

Na ku soko yiyo, wanhu wo Mulungu wono wakakamisa malajilizo go Mulungu no kumwihuwila Yesu, yiwanojeye waweze no wukangalile.