Yakobo 1:9 - Luganuzi Luswanu Kuli Wanhu Wose 2002

⁹ Ninga u Mukilisito muciwa, yimunojeye yawe na nyemo lono Mulungu yakumwinula,

I CILAGANE CIPYA 1991

⁹ Ninga u Mukilisito muciwa yimunojeye yawe na nyemo lono Mulungu yakumwinula,

Yakobo 1:9 ပူးပေါင်းရင်းမြစ်များ

Zabuli 62:9

Wanhu wose nha wehwanile muhe wo wehele, wawaha ne wadodo, wose yo nghani ya bwete du, na hono wuwapime, si waficile hamba kilo, wose wapelupelu muno si nho muhe wo wehele.

Zimbazi 17:5

Na hono wuwe kuwasekanga i waciwa, ale, wumanye vyono wukumutovula Mulungu mono yawawumba. Na mono kasecelelaga wugazice wo munhu yunji, kolipicizwa.

Zimbazi 19:1

Yili ciba wuwe muciwa, ninga wuli mwihuwilwa. Si nho kuwa wuli mulambi, kanyhi wuli mulele.

Isaya 29:19

Nawo i waciwa, hamonga ne wanhu wenenenyhezi, wolotuga kamonga nyemo yono Muwaha Mulungu, u Mulungu mono yelile we Waisilayeli kalavyaga.

Luka 1:52

Kawagwisa watemi mu magoda gawo Yakawenula waciwa.

Luka 10:20

Hamba nhavivyo, mulece kusecelela vyono macisi gakumuhulicenyi; langa musecelele vyono matagwa genyu gandikwa ku wulanga.”

Luka 14:11

Hambi muli wose mono yakwikumya mweneco, nha konyetywa, nayo mono yakwinyetya, yo kokumywa.”

Luka 9:48

Yakawatya. “Muli wose, mono komubocela mwana yuyu mudodo mwi'tagwa lyangu, yakumbocela nene: na muli wose mono yakumbocela nene, yakumubocela mono yanhuma, hambi u mudodo muno muli nyenye, nha yo muwaha wa wose.”

Walumi 8:17

Holeka vyono ase cili wana wo Mulungu, cawubocela uwumoti wose wo Mulungu wono yawawiciye iwanhu wakwe, kanyhi cohanga uwuhazi wuwo hamonga na Kilisito, hambi hono cihanje uwugaye wakwe Kilisito, cohanga kanyhi no lukumyo lwakwe.

2 Wakolinto 6:10

Hamba ciwe catuga wulipicizwe, ninga si cikawulagwa yaye, hamba ciwe cina wuzinguce, ninga cikusangalala nhondo zose, hamba ciwe ciciwape muno muno, ninga cikuwagolifya wanhu wenji, cijelaga nha cili wanhu mono cisina cinji co cose, ninga kumbe ho cina navyo i vinhu vyose.

Wukumbucize wo Wulajilize 15:11

Kanyhi mweze kumanya vyono, si moleka kuwa na wa muli wandugu zenyu Waisilayeli, wono wowa waciwa na wono wali mu wanjile. Holeka nghumulajilizenyi vyono, mweze no lusungu kuli wanhu we liwala lilyo.”

Wukumbucize wo Wulajilize 15:7

“Na hono hawe hoyuli yunji muciwa muli wandugu zenyu Waisilayeli, mwi'kaya lyolyose lya mu yisi yenyu, yono yakumupelenyi Muwaha Mulungu, u Mulungu wenyu, ale, mulanjilile, mulece kuwa muli wakamu, hamba mulece kulema kumupela wutazi muyenyu yuyo.

Wukumbucize wo Wulajilize 15:9

Kanyhi mulece kulema kumukopesha cono yakusaka, lunji mukutya vyono mwaka wo mupunghati wo kunenela wanhu migawa nha wuli behi kuza. Mulecele lukulu kuleceleza mahweso gago mabi gamuzizenyi mu zinhumbula zenyu. Na hono wuleme kumukopesha, nayo munhu yuyo komulilila Muwaha Mulungu ku soko yako, nagwe kowa wuli musutyi.

Wafilipi 3:14

Holeka nili mu lumangho nanjile ku wulunji wangu ho nicituje i cipegwa cicilya cono lo lucemo lo Mulungu so mikalile ya kucanyha mu nzila ya Kilisito Yesu.

Wafilipi 3:3

Ne wanhu wono mbeka walame, yo sese, si wawo wene, hambi ase nha cikumuhemba u Mulungu mu nzila yo Muhe wakwe, kanyhi cikuwuwona u lukumyo mu wilunze na Kilisito Yesu. Nase si citumbiye zinghani za munze du.

1 Petelo 2:9

Ninga anye muli ndelwa hagulwa, iwakohani wo Mutemi, inghungugo yono yelile, i wanhu wo Mulungu mweneco, mono muhaguywe ho mwanze ze metumo mawaha go Mulungu mono yamucemenyi kulawa ku wutitu, yakamwinjizenyi mu wuzelu wakwe wo kwizina.

Wugubule 2:9

Nigamanyile magayo gako, kanyhi sunga no wuciwa wako, ninga imbeka agwe ho wuli mugoli. Kanyhi niwumanyile no wutovulwe wono watovulwa na walya wono wakwiyitya Wayahudi, ninga ho si Wayahudi we mbeka, langa yipuga lye Setani.

1 Samwili 2:8

Kamwinulaga muciwa mu wulawa mu manghundi no kumminula mono yena wanjile mu wugazice wakwe. Kawa kuwekaza hamonga ne wawaha kawawika i hanhu ho lukumyo. Hambi u musinji we yinze, nha wakwe Muwaha Mulungu, nayo yayisimya yinze mucanyha yo musinji wuwo.