Yakobo 1:1 - Luganuzi Luswanu Kuli Wanhu Wose 2002

¹ Nene Yakobo, umwitumami wo Mulungu, na wo Muwaha Yesu Kilisito, nghumwandicilenyi nyenye, nyo we milango yikumi na myejete, mono mwiyagaye kono'nze kose. Lamucenyi!

I CILAGANE CIPYA 1991

¹ Nene Yakobo, umwitumami wo Mulungu, na wo Muwaha Yesu Kilisito, nghumwandicilenyi nyenye, nyo zinghungugo ikumi na nyejete, zono ziyagaye kononze kose. Lamucenyi!

Yakobo 1:1 ပူးပေါင်းရင်းမြစ်များ

1 Watemi 18:31

Yakasola mabwe yikumi na mejete, kwi walo lye milango ye wana yikumi na wejete wa Yakobo, mono Muwaha Mulungu yamupela litagwa lya Isilayeli.

Ezila 6:17

Na baho ha wuhembi wo kuyisiwanula Nyumba yo Mulungu, wakalavya nzeku swanu yigana limonga, na ngholo zali zili magana mejete, hamonga ne zinyana ze zingholo magana mane, so likumbiko, wakalavya na mvulati yikumi na nyejete, so cilavywa co wubi, nha vyono linha liwalo lye milango yose yikumi na myejete ye Waisilayeli.

Esita 3:8

Hamani yakawa yamutegulila zizi Mutemi Ahasuwelo, yakatya, “Moyili nghungugo yinji yono yiyagaye mu wutemi wako mu matumbi gose. Wono wena myoto yono yisimajiye ne myoto yetu, hamba si yihwanile ne myoto ye wanhu wanji wo wose. Hamonga na zizo, siwakwenda kwibata no kwituma wulajilize wa mu yisi yako. Nane nghwitumbila vyono, sikowawonela soni ho wapegwe wulipicizwe wanhu wawa.

Wutuluce 24:4

Nayo Musa yakawa kuwandika wulajilize wose wo Muwaha Mulungu. Hanyuma ya zizo, Musa yakelawa kwinuka hakali mitondo muno muno. Yakazenga cikumbicilo ha mwejelele we litunda, yakawicila masumbili yikumi na mejete, nha vyono linha liwalo lye milango yose yikumi na myejete ye Waisilayeli.

Wutuluce 28:21

Na ho baho, howa na vibwe yikumi na vyejete, vyono vyandicigwe matagwa yikumi na mejete, ge wana wa Yakobo, citanjilo ce milango yikumi na myejete ye Waisilayeli.

Wutuluce 39:14

Holeka hakawa na vibwe yikumi na vyejete, vyono vyali vikakatigwe litagwa limonga limonga, mu matagwa yikumi na mejete ge wana we cilume wa Yakobo, nha vyono yinha milango yose ye wana wa Isilayeli.

Ezekiyeli 12:15

“Nane kolo nakondya kuweyagaziza mu makungugo ganji, na mu zisi zinjenzi, nawo ho wolomanyila vyono ane yo nene Muwaha Mulungu.

Walawi 26:33

Noleta wulugu muli'nye, kanyhi nomwiyagazenyi mwiyagalile mu zi'si zo wujenzi. Ne yisi yenyu yowa matongo, ne makaya genyu golekwa gagwiye caka.

Matayo 10:3

Filipo na Batolomayo, Tomaso na Matayo mono yali mutoweza kodi, na Yakobo u mwana wa Alifayo, na Tadayo,

Matayo 13:55

Ati, wulenyi, yuyu si yo mwana wa ayulya u muselemala? No nyina si yakucemwa Malyamu, ne wanduguze si wa Yakobo, Yusufu, Simoni na Yuda?

Matayo 19:28

Yesu yakawalonjela, yakatya, “Ane nghumulonjelenyi mbeka, vyono u Mwana wo Munhu yalaza kwikala mwi'goda lye nhojo, lyo lukumyo lwakwe, mu yinze yimhya, nanye mono mukunhyatya, molokwikala mu magoda yikumi na mejete, akuno mukuwaling'aniza we milango yikumi na myejete ya Isilayeli.

Maluko 3:18

Andeleya na Filipo, Batolomayo, na Matayo, na Tomaso, na Yakobo mwana wa Alifayo, na Tadayo, na Simoni Mukanani, na

Luka 22:30

Musume kulya no kung'wa ha wulilo wangu mu wutemi wangu. Nanye molokwikala mu magoda go wutemi mukuwaling'aniza i milango yikumi na myejete ya Isilayeli.”

Luka 6:15

na Matayo na Tomaso, na Yakobo na Alifayo,

Yohana 12:26

Munhu mono yakusaka kunyitumamila, yimunojeye yanhyatye, kanyhi ho hose hono nili honili ane, baho ho kowa no mwitumami wangu. No munhu wo wose mono yakunyitumamila ane, nayo Baba komupela lilumbo.

Yohana 7:35

Walongola we Wayahudi wakeyitya weneco wose, “Alo kobita hayi munhu yuyu, ase ho cilece kumuwona?” Alo kobita kuli Wayahudi wono weyagalila ku Wagiliki, no kuwejiza Wagiliki?

Metumo ge Watumwa 1:13

Nawo waza kufika, wakenjila mu nyumba ya ku golofa, mono wekalaga, nawo wali wa Petelo na Yohana na Yakobo na Andeleya, Filipo na Tomaso, Batolomayo na Matayo, Yakobo mwana wa Alifayo, na Simoni zelote, na Yuda mwana wa Yakobo.

Metumo ge Watumwa 12:17

Nayo Petelo, yakawayunziza u muwoko, wanyamale, nayo yakawasimuliziza vyono Muwaha yamulavizye mu jela. Yakawatya wamulonjele zinghani zizi Yakobo, na we zindugu wanji, hodu u mwene yakawa kulawila, yakawa kubita hanhu hanji.

Metumo ge Watumwa 15:13

Waza kukondya kulonga, Yakobo nayo yakanza kutya, “Nye wandugu zangu, ta hulicizenyi!

Metumo ge Watumwa 15:21

Ku soko mu vipango vinji, zinghani za Musa zikuganulwa mu makaya gose, no kusomwa mu matang'anilo go wuhembelo, mu Sabato zose.”

Metumo ge Watumwa 15:23

Wakawapela baluwa ayi, “Sese iwatumwa ne wanyamhala, wandugu zenyu, cikumulamusenyi anye mo wandugu, mono si muli Wayahudi, mono muli kuko ku Antiyokiya, Siliya, na Kilikiya.

Metumo ge Watumwa 2:5

Ale, ku Yelusalemi ko wali wekaye Wayahudi, wanhu wogopa Mulungu, wa mu zinghungugo zose ze wanhu wa kononze.

Metumo ge Watumwa 21:18

Imitondo yaco Pawulo yakabita hamonga nase, kumulamusa Yakobo, ne Wanyamhala wose we likanisa wali wali baho.

Metumo ge Watumwa 23:26

“Ane Kilawudiyo Lusiya, nghukwandicila gwegwe we lilumbo Feliki umuwaha we yisi, Lamucenyi!

Metumo ge Watumwa 26:7

No wihuwizo wuwo, wo wuwo wono sunga ne milango yetu yikumi na myejete, wo wetumbiye, wakwihinda kumwitumamila Mulungu cilo na misi. Na ku soko yo witumbilo wuwu, 'gwe go mutemi, holeka Wayahudi wakusitaka!

Metumo ge Watumwa 8:1

Izuwa lilyo wejela wugazwe wuwaha mwi'kanisa lyono lyali ku Yelusalemi. Wono wali wehuwila wose, wakeyagalila ku zisi za Yudiya na Samaliya, langa hono si watumwa du.

Walumi 1:1

Baluwa yiyi, yikulawa kuli nene Pawulo, u mwitumami wa Yesu Kilisito, no mutumwa mono nasiwanulwa, no kucemwa, ku soko yo kuluganula u Luganuzi Luswanu lo Mulungu.

Wagalatiya 1:19

Nane hamba sicewona na watumwa wanji, langa cewona na Yakobo du u nduguye wo Muwaha.

Wagalatiya 2:12

Ku soko vyono ha mwamulizo, i wanhu wanji wono watumwa na Yakobo, lono wali wakali si nafika baho, Petelo vyalizanaga hamonga ne wanhu wono si Wayahudi. Ninga waza kufika wanhu wawo, hodu Petelo yakawa kulecela lukulu kulizana ne wanhu wono si Wayahudi, ku soko vyono yawogopa i wanhu wawo wono wahilaga i wanhu wono si Wayahudi walame.

Wagalatiya 2:9

Holeka wa Yakobo na Kefa hamonga na Yohana, wono wakwijela nha wo walongola wawaha, wali wamanyile vyono u Mulungu yo yamhela lihewa lilyo, holeka wakawa kucilamusa ane na Balanaba kwe miwoko yawo, wakulajila i citanjilo co wuhangane hamonga. Na yikawa yicinojeye ase ciketume u mulimo kuli wanhu wono si Wayahudi, wene nawo kuli Wayahudi.

Wukumbucize wo Wulajilize 28:64

“Nayo Muwaha Mulungu kolomwiyagazizenyi mu makungugo gose, ku wulawilila ndumo ayi ye yinze, sunga ko ku ndumo nzagwe kanyhi ye yinze. Na kuko, molowa kuhemba milungu miseswe ye mabici na ye mabwe, i milungu yono nyenye weneco hamba ne walezi wenyu mukali hamba nayihemba.

Wukumbucize wo Wulajilize 30:3

ale, Muwaha Mulungu, u Mulungu wenyu, nayo komuwonelenyi nanye lusungu. Nayo komukongholezenyi kanyhi hamonga, no kumugomolenyi mu wulawa mu makungugo gono yali yakondya kumwiyagazizenyi kuko, kanyhi komumotyenyi.

Wukumbucize wo Wulajilize 32:26

Nane nowongomezeza wose lukulu, hawe hasina yunji hamba monga mono kolowakumbucila kanyhi.

Wukumbucize wo Wulajilize 4:27

Muwaha Mulungu kolomwiyagazenyi, mwiyagalile mu makungugo ganji, na kuko, wayenyu wacefu du wo wolosigala wekale womi.

Wafilipi 1:1

Yo nene Pawulo na Timoteyo, i wetumami wa Yesu Kilisito, cikumwandicilenyi anye nyo wanhu wo Mulungu kuko ku Filipi, mono mwalunzwa na Kilisito Yesu, hamonga nanye mo walongola ne watazi mu Kanisa.

2 Timoteyo 4:21

Ale, wusimbilile kuzo kwangu lono lipango lye cinyuli likali sinafika. Ewubulo, Pude, Lino, na Kilawudiya wose wakukulamusa, sunga na we zindugu wanji, wose wakukulamusa.

Tito 1:1

Ane yo nene Pawulo, u mwitumami wo Mulungu, kanyhi mutumwa wa Yesu Kilisito nghwandika. Ane haguywe ho niwuzenje u wihuwilo we wahagulwa wo Mulungu no kuwatonga ho wayimanye i mbeka yo wuhembi wetu,

1 Petelo 1:1

Nene Petelo, umutumwa wa Yesu Kilisito. Nghumwandicilenyi nyenye nyo wahagulwa wo Mulungu Sogo yo munhu, mono mwiyagaye no kwikala kuko ku Pontiyo, Galatiya, Kapadokiya, Asiya na Bituniya kotya muli watizizi.

2 Petelo 1:1

Ane yo nene Simoni Petelo, u mwitumami no mutumwa wa Yesu Kilisito. Nghumwandicilenyi nyenye mono so wuswanu wo Mulungu wetu, hamonga no Mukombozi Yesu Kilisito, mwapegwa u wihuwilo wuwulya wo wuguzi wukamu wono capegwa na sese.

Yuda 1:1

Ane Yuda u mwitumami wa Yesu Kilisito, kanyhi mono nili muwahawe wa Yakobo, nghumwandicilenyi anye mono mwacemwa no Mulungu, mono muli mu wendo wo Mulungu Baba, na mu wukamiswe wa muli Yesu Kilisito.

Wugubule 7:4

Hanyuma nghahulika i liwalo lya wawo wono wawicilwa citanjilo, nawo wali nhavi, wanhu elufu igana limonga na makumi mane na yine we nghungugo yose ye wanhu wa Isilayeli.