Wuwale 7:3 - Luganuzi Luswanu Kuli Wanhu Wose 2002

³ wakaleta vilavywa vyawo kuli Muwaha Mulungu. Waleta mikokoteni mutandatu. Wakawa wakulavya walongola wejete, mukokoteni monga, walongola wejete, mukokoteni monga. Kanyhi wawo walongola, wakalavya na nghongolo yikumi na nyejete, walavya munhu nghongolo monga, munhu nghongolo monga. Nawo wali weza kukondya kulavya vinhu vivyo,

Wuwale 7:3 ပူးပေါင်းရင်းမြစ်များ

Mwamulizo 45:19

Hamonga na zizo, wuwalonjelaje wasoleleze ne magali go kukwegwa, ga mono yisi ya Misili ku soko ye wana wawo wagalika, hamonga ne wagolece zawo, kanyhi wamulete no sogo yawo.

Mwamulizo 45:21

Hodu, wawo wana wa Isilayeli, wakawa kunoza nha vyono walajilizwa kwituma. Nayo Yusufu, yakawa kuwapela magali go kukwegwa nha vyono yali yalajiliza Falawo, yakawapela ne mhamba ye zindigwa za mu nzila.

Ezila 2:68

I wahamywa wawa, lono wali wakondya kufika mu Nyumba yo Mulungu ku Yelusalemi, wanji wa muli zimhuga ze walongola wa kuko, wakalavya ko welecele, vinhu vyono vyawagwa so kuyizenga kanyhi Nyumba yo Mulungu, i hanhu hono yali nzengwe katali.

Wutuluce 25:2

“Ale, wuwalonjele Waisilayeli wandavizye vilavywa. Nagwe wuvibocelaje vilavywa, mu cilavywa co cose cono munhu kowa yendile mweneco kulavya.

Isaya 66:20

Nawo kolo wabita kuko, wowagomola kono kaya i wanyawusi wayenyu, ku wulawa mu makungugo, wawe nha cipegwa kuli'ne. Wowaleta sunga wawafise mwi'tunda lyangu lyono lyelile, mu Yelusalemi, wawapacize mu zifwalasi, na mu zinyumbu, na mu zingamiya, na wanji mu matuka go wulugu, na wanji mu magali go kukwegwa, nha vyono Waisilayeli waletaga mu viya vyono vyelile, i vilavywa vyo wusaje mu Nyumba yo Mulungu.

Amosi 2:13

Holeka 'lu nane, nomusindanjilenyi ho hasi, nanye motulilwa nho mukokoteni wono wudinghuye wuhemba.

Wuwale 7:4

Muwaha Mulungu yakamulonjela Musa yakatya,