Wuwale 7:1 - Luganuzi Luswanu Kuli Wanhu Wose 2002

¹ Na mwizuwa lyono Musa yakondezya mulimo wo kukoma Lihema lyono Lyelile, hobaho yakawa kulitila Lihema i mafuta go witile, yakalisiwanula, hamonga ne vitumamilwa vyayo vyose, yakacisiwanula ne cikumbicilo, hamonga ne vitumamilwa vyayo vyose.

Wuwale 7:1 ပူးပေါင်းရင်းမြစ်များ

Mwamulizo 2:3

Lizuwa lilyo lyo mupunghati, Mulungu yakalilugutiza no kulisiwanula, vyono lyo lizuwa lyono mwene yacehela mu wulawa mu milimo yakwe yose yo kuwumba.

1 Watemi 8:64

Na mwizuwa lilyo du, yakalisiwanula ne likumbo lya hagati, lyono lyali ha mwande ye Nyumba yo Mulungu, yakalavya baho ne makumbiko ge cilavywa cinyanywe, ne vilavywa vyo wusaje, ne mhama ye zimitugo so cilavywa co mulamu. Nayo yanoza zizino vyono cikumbicilo ce shaba cali cidodo ku wulavizya vilavywa vivino vyose.

Wutuluce 13:2

“Wusiwanulilaje i wana we cilume wose i walongozi kulelwa, hambi i wana wose we cilume we Waisilayeli, i walongozi kulelwa, hamonga ne zinyana zinume ze mitugo zinongozi kulelwa, nha vyangu nene.”

Wutuluce 29:36

Nagwe mu vilo vivyo, nhondo zose, weze kulavya nzeku yiwe cilavywa co wubi, ku so wilamule. Na mu wunoza nhavivyo, kowa wakondya kuceza cikumbicilo. Hanyuma wucijidile mafuta ho wucisiwanule.

Wutuluce 40:11

Sunga ne ciya co kwizuguziza, naco wucisiwanule no kuceza mu nzila yiyo du.

Wuwale 17:2

“Walonjele wanhu Waisilayeli, wakupele nghome yikumi na nyejete, zeze nghome monga monga ku wulawa mu walongola we milango yose vyono yikumi na myejete. Nagwe wandice munhu ne litagwa lyakwe mu nghome yakwe.

Wuwale 7:10

I walongola wa wano, wakaleta kanyhi vilavywa vinji so mulimo wo wuhembi wo kucisiwanula cikumbicilo. Na lono wali wewikaniza ku wulete vilavywa vyawo ku cikumbicilo,

Wuwale 7:84

No winji we vilavywa, vyono wawo i walongola we likumi na wejete walavya, ku so wusiwanuzi we cikumbicilo, wali wuli nhavi:

Wuwale 7:88

Kanyhi na mvulati yikumi na nyejete so cilavywa co wubi. Hamonga na nzeku yine na nduwilu makumi mutandatu, na mvulati makumi mutandatu, hamonga na nyana za ngholo makumi mutandatu za mwaka monga monga, so cilavywa co mulamu.

Matayo 23:19

Anye nyo wabofu, alu co ca hayi cono cina nhunizo mbaha, i cipegwa cico hambe cikumbicilo cono cikucinoza i cipegwa cico ciwe celile?