Wuwale 5:9 - Luganuzi Luswanu Kuli Wanhu Wose 2002

⁹ Kanyhi sunga ne vilavywa vyose vyo winulwe, vyono Waisilayeli wakulavya kuli Muwaha Mulungu, vyowa sawo yo mukohani mono wakumulavizya.

Wuwale 5:9 ပူးပေါင်းရင်းမြစ်များ

Wutuluce 29:28

na vivyo vyowa lyo ligawo lyono kowa kupegwa nhondo zose Haluni hamonga ne wanagwe, ku wulawa kuli wanhu wa Isilayeli. Hambi nha lyo ligawo lye posho ye wakohani yono yowa kulavywa ne wanhu wa Isilayeli, lono wakulavya vilavywa vyo mulamu. Nawo co cilavywa cawo kuli Muwaha Mulungu.

Walawi 10:13

Muwulile baho i hanhu hono helile, hambi nha lyo ligawo lyako hamonga ne wanago, ligawo lyono lilawiliye mu ndigwa ndavywe kuli Muwaha Mulungu. Na vyo Muwaha Mulungu yandajilize 'ne.

Walawi 10:14

Ninga anye ne zimhuga zenyu, molya nyama ye ng'hwa, hamonga ne cima, vyono vinuywe hali Muwaha Mulungu, hambi nha lyo ligawo kuli wakohani. Nanye mosuma kuvilila hanhu ho hose hono helile. Hambi vilavywa vivi, nha kupegwa gwegwe, hamonga ne wanago we cilume na we cicekulu, ligawo lyako lyono likulawilila mu vilavywa vyo mulamu, kuli wanhu wa Isilayeli.

Walawi 10:15

Yiwanojeye walete cico cima cinulwe hamonga ne nyama ye ng'hwa, sinjiswe mu cipango cono mhama yikulavywa nha cilavywa ce ndigwa sinjiswe hali Muwaha Mulungu. Na gago gowa go magawo gako, gwegwe hamonga ne wanago cibitilila, nha vyono Muwaha Mulungu yalajilize.”

Walawi 6:26

No mukohani mono yakwituma mulimo wo kulavya cilavywa cico ce likumbiko lyo mutugo wuwo, yimunojeye yayilile nyama yayo i hanhu hono helile, mugati ye luwa ye Lihema lyono lyelile.

Walawi 7:32

Langa nyama yo mugulu we cima co kulume co mutugo,

Walawi 7:34

Nayo nyama ye ng'hwa yo mutugo wuwo cowa cilavywa cinulwe, hamonga nayo ne nyama yo mugulu we cima co kulume nyinulwe, navyo Muwaha Mulungu yakondya kuvisola ku wulawa mu wanhu wa Isilayeli, no kuwapela wakohani. Ne zinyama zizo, zo wanojeye wanhu wa Isilayeli wawe kuwapela wakohani vilo vyose.

Wuwale 18:19

“Ne vilavywa vinulwe vye vinhu vyono vyelile, vyose vye mawala gose, vyono Waisilayeli wowa kundavizya, vyose nghukupela gwegwe, vyowa vyako gwegwe hamonga ne wanago we cilume, na we cicekulu, sunga mu vilo vyose vyono vikuza. Na ci cino cowa co cilagane, cono si cosuma kubenwa yaye, cilagane cono nakondya kucinoza kuli'gwe, hamonga no lulelo lwako lose.”

Wuwale 31:41

Nayo Musa, yakamupela Eleyezali u mukohani vinhu vivyo vyose vye kodi, i cilavywa cinulwa kuli Muwaha Mulungu, nha vyono Muwaha Mulungu yamulajiliza Musa.

Wuwale 5:8

Na hono lunji munhu yuyo mono kasutizywa yawe yafwiza, na kuno yawe yasina ndugu we behi, mono kusuma kubocela cilavywa cico co wusutye, hodu cilavywa cico, cosuma kulavywa kuli Muwaha Mulungu, ciwe so wakohani. Ne cilavywa ci cino co wusutye, cikuwalilizwa hamonga ne nduwilu yono yitumamiywe so wilamule wo munhu yuyo musutyi.

Wukumbucize wo Wulajilize 12:26

Vilavywa vyose, ne vipegwa vyose, nha vyono mwamwihuwiziza Muwaha Mulungu, mweze kuvitegula baho i hanhu ho wuhembelo.