Wuwale 5:3 - Luganuzi Luswanu Kuli Wanhu Wose 2002

³ I wanhu wose we liwala lilyo wono weyavufye, wunojeye wuwakome, wuwategule kunze ye nghambi, ho walece kuyihodanga nghambi, mono nikaye 'ne, hamonga ne wanhu wangu.”

Wuwale 5:3 ပူးပေါင်းရင်းမြစ်များ

1 Watemi 7:3

Yikafunikwa mucanyha no mubici wo muhagata, mucanyha ye vinyumba vyono vyali vizenje mucanyha ye masumbili ga galya makumi mane na mahano.

Zabuli 68:18

Yakubita kucanyha, akuno yali hamonga ne mateka gakwe, kabocela vipegwa kuli wanhu, heya nhavivyo sunga na kuli wanhu i wabezi, nayo Muwaha Mulungu kokwikala muli wene.

Wutuluce 25:8

Nawo Waisilayeli nhavivilya, yiwanojeye wanozeze Lihema lyono lyelile, nane ho sume kwikala muli wene.

Wutuluce 29:45

Nane nokwikala muli wana wa Isilayeli, nowa Mulungu wawo.

Isaya 12:6

Muwalekaje wose wono wekaye mu Sayuni, wembe ne mazi mawaha wawe kutya, Mulungu mono yelile we Waisilayeli, yo muwaha, kanyhi yekalane ne wanhu wakwe.”

Walawi 14:8

Nayo munhu yuyo yayikanze myenda yakwe, yacete ne zimvwili zakwe, kanyhi na mweneco yehovuje. Nayo hodu kowa yakondya kwezwa. Nayo lu yadahile kwinjila mu nghambi, ninga yalece kuhelela mwi'hema lyakwe, sunga vipulute vilo mupunghati.

Walawi 15:31

Muwaha Mulungu yakamulonjela Musa yawalonjele wanhu wa Isilayeli, welanjilile muno muno kuli zo wiyavufye, ho walece kulyavufya Lihema lyakwe lyono lyelile, lyono lyali yisimye haciligati ye nghambi, vyono hono wejelele du, wofwa.

Wuwale 16:3

Wakekongholela hali Musa na Haluni, wakawa kutya, “Alu nanye nhondo mwacila muno! I wanhu wose, nha wanhu wo Muwaha Mulungu, nayo Muwaha Mulungu nha yali hamonga na sese wose. Alu 'gwe Musa, nhawule wukwilongoleza hali mhuga yiyi yose yo Muwaha Mulungu?”

Wuwale 19:22

Na muli cinhu co cose cono kocipamiza u munhu mwavufywe, hodu ne cinhu cico naco cowa cakondya kwavufywa. Nayo munhu mono kocipamiza cinhu cico, nayo kowa yakondya kwiyavufya. Holeka kokwikala mwavufywe, sunga kono lyoswela lizuwa.

Wuwale 35:34

Holeka mulecele lukulu kuyavufya yisi yono mwikaye, hambi ane nha yonene Muwaha Mulungu, nane nikaye hamonga ne wanhu wa Isilayeli.”

Wuwale 5:4

Nawo Waisilayeli wakawa na cihuliko, wakawa kuwawusa wose mu nghambi nha vyono Muwaha Mulungu yamulajiliza Musa.

Wukumbucize wo Wulajilize 23:14

Hambi Muwaha Mulungu, u Mulungu wenyu, nha kowa kupilimapilima baho mu nghambi yenyu, ho yamuponyenyi kanyhi yamupelenyi wusume kuli walugu wenyu. Ku soko yiyo, holeka nghambi yenyu, yinojeye yeze yelile, ho Muwaha Mulungu, u Mulungu wenyu, yalece kuwona muli'nye cinhu cinji cocose cavu, yamulecenyi.”

Wukumbucize wo Wulajilize 23:15

“Na hono mwitumami wa munhu yunji yeheme ko munya mwitumami, yatizize kwako, hodu wulece nagwe kumugomola.

2 Watesalonike 3:6

Nye wandugu zangu, cikumulajilizizenyi mwi'tagwa lyo Muwaha wetu Yesu Kilisito, mwilegaje na we zindugu wose wadoba na wono kanyhi si wakugatyatya malajilizo gono cawapela.

Tito 3:10

U munhu mono yakuleta matemanuko, wumukagaje kamonga ne kejete, ninga hanyuma wumulekaje nha vyono yenha.

Wugubule 21:27

Ninga hasina cisemunwa co cose cono colokwinjila mumo, hamba munhu wo wose mono ketumaga i makani ge cikomaza, hamba i makani go wulambi lambi, yuyo si kokwinjila mumo. Langa wono wokwinjila mumo mugati, wo wawalya du wono wandikwe mu citabu co wumi co Mwana we ngholo.

Wugubule 21:3

Hanyuma kanyhi, nghahulika lizi yiwaha likalawilila he'goda lyo wutemi, likutya, “Lanje ta! U Mulungu kawunoza u wikalo wakwe muli wanhu. Nayo kokwikala muli wene, nawo wowa wanhu wakwe, nayo kowa Mulungu wawo.