Wuwale 32:3 - Luganuzi Luswanu Kuli Wanhu Wose 2002

³ “Yisi yiyi yono Muwaha Mulungu yawatazize Waisilayeli, no kuwapela, i makaya ga Ataloti, Diboni, Yezeli, Nimulahi, Heshiboni, Eleyalehi, Sibumahi, Nebo, hamonga na Beyoni,

Wuwale 32:3 ပူးပေါင်းရင်းမြစ်များ

Nehemiya 9:22

“Wukawapela wusume muli walugu wawo na muli makungugo, no wutemi, hamonga ne zi'si zono wawagawila. Wakayisuma yisi ya Heshiboni yo mutemi Sihoni, hamonga ne yisi ya Bashani, yono yali yo mutemi muwaha Ogu.

Isaya 15:6

Ne cikolongo ca Nimulimu, naco canyala, ne mahanze gono gacindice mu nhumbi yayo, nago gakondya kunyala, hasina cinji kanyhi cono cidedewaye.

Yelemiya 48:1

Azi zo nghani zono u Muwaha Mulungu we mihanga, yakuyilonjela yisi ya Mowabu yakutya, “Woyi hee kuli wanhu wa Nebo, likaya lyawo nha lyakondya kuhodanjika! Nayo Kiliyatayimu yatekwa, ne magomawakali gayo ge vilungo gakumulwa, ne wanhu wayo wakozwa cevu.

Yelemiya 48:2

No lukumyo lwa Mowabu, lwakondya kuwuka. Nawo i walugu wakondya kuyiteka Heshiboni, nalu wakwiwikaniza, ho yalyongomeze likungugo lya Mowabu. Nago i makaya ga Madimeni gonyamazwa twii. Hambi ilipuga lye wasilikale nha lyokuziza.

Yelemiya 48:32

Kanyhi nowalilila sunga ne wanhu wa Sibuma, kuciza ne wanhu wa ku Yazeli. Nagwe 'gwe 'kaya lya Sibuma, nha wihwanile no muzabibu wono manhambi gayo, gatandaye, gatambuce ne nhumbi ye Lilenga lyo Mwino, gaficile sunga ko ku Yazeli. Ninga aluno i mikalo yenyu ye cibahu, hamonga ne zabibu zenyu, vyose vyakondya kuhodanjika.

Yelemiya 48:34

“Nawo i wanhu wa ku Heshiboni, na wa ku Eleyale wolowa wakulila, ne cililo cawo, colohulikwa sunga ko ku Yahazi. Sunga ne wanhu wa ku Zowali, nawo wolohulika, sunga ko ku Holonayimu, na ku Egilati-shelishiya. Sunga ne cikolongo ca ku Nimulimu cakondya kunyala.

Yelemiya 48:45

Nawo i watizizi, wono wasina vilungo, wolojela kulondola wutazi ku Heshiboni, likaya lyono u mutemi Sihoni yali yalitemile, ninga luno, lili mu malambi go moto. No moto wuwo wakondya kuzikongojeza zinhuzi za Mowabu hamonga ne vizuli vye matunda matali, ge wanhu wa Mowabu, wono wendile wulugu.

Ezekiyeli 25:9

Ale, nane nogaleka i makaya gono gayipilime no kuyidima Mowabu mu mipaka yayo, gose ho gahomwe, hamonga ne makaya gose matambule ga Beti Yeshimoti, Baali Meyoni, hamonga ne likaya lya Kiliyatayimu.

Wuwale 21:28

Hambi wasilikale wa Sihoni wo wulugu, nha wenjila lwa kamonga nha moto mwi'kaya lya Heshiboni. Wakalyongomeza likaya lya Ali ya Mowabu. Hamonga ne wawaha we vigongo vya Alinoni.

Wuwale 21:30

Ninga aluno i wana wawo nawo wongomezwa ku wulawa mu nzila yose, wulawa Heshiboni sunga ko ku Diboni. Na ku wulawa Nashimu sunga ko ku Nofa behi na Medeba.”

Wuwale 21:32

Nayo Musa yakawatuma wanhu wanji, wakalanje nzila swanu yono yowataza ho walihome likaya lya Yezeli. Waisilayeli wakaliteka likaya lilyo, hamonga ne vikaya vyose vyono vyali vilipilime, wakawawinga ne Waamoli wose wono wekalaga mumo.

Wuwale 32:1

Nawo wo mulango wa Lubeni, na wo mulango wa Gadi, wakawa wena matewa mawaha ge zimitugo. Holeka wali weza kuyiwona yisi ya Yezeli, ne yisi ya Gileyadi, vyono yo yowakwila ku so mitugo zawo,

Wuwale 32:2

hobaho wakawa kumubitila Musa na Eleyezali u mukohani, hamonga ne wawaha wanji we mhuga ye Waisilayeli, wakawatya,

Yoshuwa 13:17

Kanyhi, yikawa yisolile ne yisi ya Heshiboni, hamonga ne makaya aga gose gono gali gali mu yisi yo wuhihi. Diboni, na Bamoti-baali, Bete-baalimeyoni, na

Yoshuwa 13:19

Kiliyatayimu, na Sibima, Zeleti-shahali na mwitunda lya mwi'lolo,

Yoshuwa 21:39

Heshiboni na Yazeli hamonga no wudimilo we mitugo zawo.

Walamuzi 11:26

Nawo Waisilayeli, nha wali wayitemile Heshiboni, na Aloweli, ne vikaya vyono vyali vipilime, hamonga na makaya ga mu mwejelele we likolongo lya Alinoni, myaka magana madatu. Alu nhawule siwasuma kuwaboka lululya?