Wuwale 3:3 - Luganuzi Luswanu Kuli Wanhu Wose 2002

³ Ne wana wawano nawo, waketilwa mafuta go witile, wakasiwanulwa wawe wakohani.

Wuwale 3:3 ပူးပေါင်းရင်းမြစ်များ

1 Zinghomo 23:6

Dawudi yakawatemanula i Walawi, wakalawa vipuga vidatu, nha vyono zali zinha zimhuga zawo, Wagelishoni, Wakohati, ne Wamelali.

Wutuluce 28:41

Nagwe wumuvwice vivwalo vivyo Haluni, hamonga ne wanagwe, wuwetile mafuta, wuwawicile miwoko wuwasiwanule, no kuweza, ho wanyitumamile mu mulimo wo wukohani.

Wutuluce 40:13

Wuwe kumuvwika Haluni vivilya vivwalo vyono vyelile, wuwe kumwitila mafuta go witile, wuwe kumusiwanula, ho yasume kunyitumamila mu mulimo wo wukohani.

Wutuluce 40:15

Hanyuma wuwetile mafuta go witile nha vyono wumunozize Haluni u sogo yawo, nawo nhavivyo ho wanyitumamile mu mulimo wo wukohani. Na mu witilwe we mafuta gago, wonozwa wenjile mu witumami we cibitilila wo wukohani mu zindelo zawo zose.”

Walawi 8:12

Musa yakamusiwanula Haluni ko kumwitila mafuta go witile mu mutwe wakwe.

Walawi 8:30

Musa yakawa kusola mafuta go witile ne sakami ndodo, yono yali yili mu cikumbicilo, yakawa kuwamiziza Haluni, ne wanagwe, hamonga na mu myenda yawo. Na mu nzila yiyino, yakawa yawasiwanula so Muwaha Mulungu Haluni hamonga ne wanagwe, sunga ne myenda yawo yose yo wukohani.

Wuwale 3:4

Ninga Nadabu na Abihu wakawulagwa, lono wamulavizya Muwaha Mulungu moto wono si wali welile, lono wali wali mu nyika ya Sinayi. Kanyhi wene wali wasina wana. Holeka Eleyezali hamonga na Itamali, wo wajendelela kwituma mulimo wo wukohani mu madaha gose, lono sogo yawo Haluni yali cawumi.

Wahebelaniya 7:28

U Wulajilize wa Musa, wawahagulaga wanhu wono wali wena wusocele, wo wawe wakohani wawaha, ninga u wihuwizo wo Mulungu, wono yawunoza mu nzila yo wilahize, wono waza hanyuma yo Wulajilize, wakondya kumuhagula u Mwana mono yanozwa yakwilaniciye cibitilila.