Wuwale 27:7 - Luganuzi Luswanu Kuli Wanhu Wose 2002

⁷ “Zizo zono wawo wana we cicekulu wa Zelofehadi wakuziwuza, na mbeka. Holeka heya wuwapelaje nawo sawo yono yikulawa muli wanduguze zo sogo yawo. Wuhazi wo sogo yawo wuwe wawo.

Wuwale 27:7 ပူးပေါင်းရင်းမြစ်များ

Jobu 42:15

Na mu vilo vivyo, mu yinze yose mwali musina wacekulu waswanu ku mumbwa yawo, nha vyono wali wawa wana wa Jobu we cicekulu. Nayo sogo yawo Jobu, yakawagawila wose wuhazi wawo hamonga ne walumbu zawo.

Zabuli 68:5

Mulungu mono yekaye hono helile hakwe, mwene yo Sogo ye wana wono wasina walezi, kanyhi yo mudimi we wafwile.

Yelemiya 49:11

Wuwalece wanago wono wasina walezi, nane nowakamisa. Ne wacekulu wafwile, wose nowadima nene.”

Wuwale 27:6

Nayo Muwaha Mulungu yakamupitula yakatya,

Wuwale 27:8

Holeka wuwalonjele Waisilayeli wose, vyono, u munhu wo wose hono yafwe si yalecile mwana we cilume i wanagwe we cicekulu wo wowa wahazi we sawo yakwe yose.

Wuwale 36:5

Nayo Musa yakawa kuwaloloseza wanhu wa Isilayeli wulajilize wuno, wono Muwaha Mulungu yalajiliza, yakawatya, “I nghani yono u mulango wa Manase wakuyilonga, yo nghani ya mbeka,

Wuwale 36:6

holeka Muwaha Mulungu yakutya, vyono i wana we cicekulu wa Zelofehadi, heya wadahile kutolwa no munhu wo wose, ninga watolwe no munhu wa mu mhuga yo mulango wawo du.

Wagalatiya 3:28

Holeka hasina kanyhi wisimajile wa muli Muyahudi na mono si Muyahudi, hamba muwanda no munhu mulelele, mucekulu hamba mulume. Hambi anye wose nha mwaweza cinhu cimonga muli Kilisito Yesu.

Yoshuwa 17:4

I wahinza wawa, wakamubitila Eleyezali u mukohani, na kuli Yoshuwa u mwana wa Nuni, na kuli walongola wose. Wakawatya, “Muwaha Mulungu, yamulajiliza Musa vyono, yacigawile nase yisi yiwe yetu, nha vyono wagawilwa i wandugu zetu we cilume.” Hobaho wakawa kupegwa yisi muling'ano ne wandugu zawo we cilume nha vyono Muwaha Mulungu yali yalajiliza.