Wuwale 27:3 - Luganuzi Luswanu Kuli Wanhu Wose 2002

³ “Alu ase, u sogo yetu yafwila mu nyika, yakafwa yasina hamba wana we cilume yaye. Nayo hamba si yali mutyatyi wa Kola. Kola mono yamubeza Muwaha Mulungu. Nayo yakafwa so wubi wakwe mweneco.

Wuwale 27:3 ပူးပေါင်းရင်းမြစ်များ

Ezekiyeli 18:4

Hambi u wumi we wanhu wose, nha wangu nene. U wumi wo mulezi, sunga no wumi wo mwana. Holeka u munhu mono kokwituma wubi, yuyo yo kofwa.

Wuwale 14:35

Nane nghwilahiza vyono nomutendelenyi zizi, anye mo wanhu wabi, mono mwekongholela hamonga ho muneme 'ne. Nanye mbeka wose mofwila mono nyika du. Ane no Muwaha Mulungu nalonga.”

Wuwale 16:19

Nayo Kola, yakawa kuwakonghola hamonga, mhuga yose ye Waisilayeli, nawo wakatandala wawalanjile Musa na Haluni, ha mulango we lihema. No lukumyo lo Muwaha Mulungu lukejela nhinicizo kuli mhuga yose.

Wuwale 16:49

Ne liwalo lye wanhu wono wali wakondya kufwa, lyali lificile wanhu elufu yikumi na yine, na magana mupunghati. Awalya wono wafwa so cibede ca Kola, awo si wawalilizwe mwi'walo lilino.

Wuwale 26:33

Nayo Zelofehadi u mwana wa Hefa, yakawa yasina wana we cilume, langa yakawa na wana we cicekulu du, nawo matagwa gawo wowa: Mahila, na Nowa, na Hogila, Milika, na Tiliza.

Wuwale 27:2

Wawo wakamubitila Musa na Eleyezali mukohani, ne walongola wose, ne mhuga yose ye Waisilayeli, ha mulango we Lihema lyono Lyelile, wakawa kutya,

Wuwale 27:4

Alu vyono mwene yali yasina wana we cilume, alu ase ma, hamba ciwe cili wana we cicekulu, nhawule litagwa lyo sogo yetu lyajililile lukulu mu Isilayeli? Holeka cikulomba wucigawile nase sawo mu wulawa muli zi sawo ze wanduguze zo sogo yetu.”

Yohana 8:21

Yesu yakawalonjela kanyhi yakatya, “Ane nghubita, anye monondola, ninga molofwa no wubi wenyu. Kono ane nghubita, anye si mosuma kuza.”

Yohana 8:24

Holeka nimulonjelenyi vyono, molofwa no wubi wenyu. Ku soko hono mulece kwihuwila du vyono “Ane yo nene.” Molofwa no wubi wenyu.

Walumi 5:12

Ale, vyono u wubi wenjilila kono'nze ko munhu yumonga, nawo wukaleta lifwa. Ne lifwa litandaye muli wanhu wose vyono wenha, hambi wose nha wetuma wubi.

Walumi 5:21

Nha vyono ivilungo vyo wubi, viletaga lifwa, navyo ivilungo vye lihewa viletaga wiling'ano, na kundumilizo, wumi we cibitilila mu nzila ya Yesu Kilisito u Mutwa wetu.

Walumi 6:23

Hambi u musahala wo wubi nha yifwa, langa icipegwa cono yakulavyo Mulungu, wo wumi we cibitilila mu wilunza na Yesu Kilisito u Mutwa wetu.