Wuwale 18:3 - Luganuzi Luswanu Kuli Wanhu Wose 2002

³ Nawo wakamise wulindilizi wawo ko wulajilize wako, hamonga no wulajilize wawo kuli ze Lihema. Ninga langa, walece kwituma mulimo wunji wowose, wono wudomile kuli vinhu vyono vyelile vye Hanhu hono helile, hamba vinhu vye cikumbicilo. Na hono wejelele wanoze nhavivyo, wumanye vyono gwegwe hamonga na wene, mowulagwa.

Wuwale 18:3 ပူးပေါင်းရင်းမြစ်များ

Ezekiyeli 44:13

Holeka ku wulawa lulu, hamba si wonyitumamila kanyhi nha wakohani, hamba si wosuma kanyhi kuvipamiza i vinhu vyangu vyono vyelile, hamba si wokwinjilila lukulu kanyhi i Hanhu Hono Helile Helile, muno. Na wuwu wo wulipicizwe wawo, ku soko ye makani ge cevu gono wali kwituma.

Wuwale 1:51

Na mu cipango co cose lono mweza kuyihamya nghambi yenyu, wawo Walawi wowa wo mulimo wawo kulimwagula Lihema. Kanyhi wo weneco du wono wowa kulikoma Lihema lyono Lyelile kolo mwafika hanhu hono moyisimya nghambi yenyu. Kanyhi mulanjilile, hono munhu wo wose yejelele yasejelele behi ne Lihema lyono Lyelile, munhu yuyo yawulagwe.

Wuwale 1:53

Ninga Walawi wanojeye wakome mahema gawo gapilime Lihema ho wasume kulidima, munhu wo wose ho yalece kulisejelela Lihema no kunghoza likuwo, nane niwatowe mhuga ya Isilayeli.

Wuwale 16:40

Ne nghani yiyi, yikawa suguzi kuli Waisilayeli, wakamanya vyono, kumbe si yinojeye munhu wowose mono si we ndelwa ye Walawi, yasejelele ha cikumbicilo, yafuse wuvumba kuli Muwaha Mulungu. Na vyono hono yunji yejelele yanoze nhavivyo, u munhu yuyo kokongomezwa nha vyono yongomezwa Kola, hamonga ne wanhu wakwe. Na zose ziketumwa nha vyono Muwaha Mulungu yamulajiliziza Eleyezali muli Musa.

Wuwale 18:4

Wene wanojeye wetumane hamonga nagwe, wawufisilize no mulimo wono wapejigwe wa mu witumami wa mwi 'Hema. Ninga munhu wowose mono si yakwiliye, ayo langa mulece kwitumana nayo.

Wuwale 18:7

Ninga agwe hamonga ne wanago, yo nyenye du mono mokwituma u mulimo wo wukohani, u mulimo wa ha cikumbicilo, hamonga ne milimo yose ye Hanhu hono helile muno. I milimo yiyo, yowa yo milimo yenyu nyenye, hambi nha nakondya kukupela i cipegwa co Wukohani. Ninga u munhu wo wose mono si yakwiliye, mono kosejelela yaze behi ne vinhu vyono vyelile, u munhu yuyo yawulagwe.”

Wuwale 3:25

Nawo wakawa wo walanjilizi we Lihema, hamonga ne luwa yayo, ne Lihema ne ligubiko lyayo, no wucitizo wa ha mulango we Lihema.

Wuwale 3:31

Nawo wakawa wo walindilizi we Lisanduku lye Cilagane, ne meza, hamonga ne tala, ne vikumbicilo, ne viya vyono vyelile, vyono wetumamilaga wakohani i Hanhu hono helile, ne libupa lyo mwenda, lyono litemanuye i Hanhu hono helile. Kanyhi wakawa wo walanjilizi wo wuhembi wose wono i viya vivyo vyetumamilwaga.

Wuwale 3:36

Nawo wakawa wo walindilizi we zifulemu ze Lihema, hamonga ne mahapa gayo, ne micici yayo, ne masumbili gayo, ne mawicilo gayo gose. Kanyhi wakawa wo walanjilizi wa mu witumamilwe we vinhu vivyo vyose.

Wuwale 31:30

Na mwi'fungu lyono muwapelile mhuga yose ye wanhu, namo mumo, musole cinhu cimonga cimonga mu makumi mahano mahano, ku wulawa mu wafungwa, mitugo, ndogowe, ngholo, sunga ne zimhene. Ne vinhu vivi vyose, muwapele Walawi wono wena mulimo wo kulilanjilila Lihema lyo Muwaha Mulungu.”

Wuwale 4:15

Nayo Haluni ne wanagwe, kolo wakondya kuvivunjiliza no kuviwopeleza vinhu vyose, vyono vikwitumamilwa i Hanhu hono helile, lono weza kutuluka wakulawa mu nghambi yiyo, ale, i wana wa Kohati, wo wavidinghule i viya vivyo. Langa walanjilile walece kuvipamiza viya vivyo, na hono wejelele du wavipamize, wofwa. “No mulimo wuwo wo wudinghuzi we viya vivyo, wowa wo mulimo wawo du i wana we Wakohati, ho hose hono mowa kulihamizya Lihema lyono Lyelile.