Wuwale 18:2 - Luganuzi Luswanu Kuli Wanhu Wose 2002

² Holeka wuwalete wanduguzo, hamonga ne mhuga ye Walawi, ho mwitumane nawo, wawe kukutaza lono agwe hamonga ne wanago we cilume mukwitumama mwi 'Hema.

Wuwale 18:2 ပူးပေါင်းရင်းမြစ်များ

Mwamulizo 29:34

Yakadinghula 'nda kanyhi, yakasawa kanyhi mwana yunji wa cilume, yuyo nayo yakamucemela litagwa lya Lawi, yakutya, “Alu nhondo cokwilunza no mulume wangu, vyono luno nakondya kumulelela wana wadatu wose wa cilume.”

2 Zinghomo 30:16

Waketuma milimo yawo mu Nyumba yo Mulungu, nha vyono winha wulajilize, wono wuli mwi Lajilizo lya Musa, u munhu wo Mulungu. I Walawi, wakayisola sakami ye makumbiko, wakawapela wakohani, nawo wakohani wakayimiza mu cikumbicilo.

Ezekiyeli 44:11

Holeka luno i wakohani wawa, wonyitumamila mu Nyumba yangu, u mulimo wo wulindilizi du we milango, hamonga ne milimo yinji yinji ya mu Nyumba yo Mulungu. Wowa wo wawulaji we mitugo zono wanhu wakulavya so vilavywa vinyanywe na so makumbiko, hamonga no kuwetumamila wanhu.

Ezekiyeli 44:15

Kanyhi u Muwaha Mulungu yakatya, “Ale, wawo i wakohani Walawi, wo mulango wa Lawi, wo lulelo lwa Zadoki, wo wawo du wono wojendelele kunyitumamila mu Nyumba yangu ko wihuwilwa, hambi i wanhu wanji wa Isilayeli nha wakondya kwajilila no kundeka. Holeka wo wawo du wo lulelo lwa Zadoki, wono wosuma kunyitumamila no kusejelela hali'ne wawe kundavizya mafuta hamonga ne sakami vye makumbiko.

Malaki 2:4

Nanye baho ho molomanyila vyono, yo nene mono namupelenyi lilajilizo lili, ne cilagane cangu mu nzila ye wakohani wo lulelo lwa Lawi, naco hamba si colobenecela lukulu yaye.

Wuwale 1:53

Ninga Walawi wanojeye wakome mahema gawo gapilime Lihema ho wasume kulidima, munhu wo wose ho yalece kulisejelela Lihema no kunghoza likuwo, nane niwatowe mhuga ya Isilayeli.

Wuwale 16:40

Ne nghani yiyi, yikawa suguzi kuli Waisilayeli, wakamanya vyono, kumbe si yinojeye munhu wowose mono si we ndelwa ye Walawi, yasejelele ha cikumbicilo, yafuse wuvumba kuli Muwaha Mulungu. Na vyono hono yunji yejelele yanoze nhavivyo, u munhu yuyo kokongomezwa nha vyono yongomezwa Kola, hamonga ne wanhu wakwe. Na zose ziketumwa nha vyono Muwaha Mulungu yamulajiliziza Eleyezali muli Musa.

Wuwale 17:7

Nayo Musa yakawa kuziwika mwi 'Hema, ha mwande ye Lisanduku lye Cilagane.

Wuwale 18:4

Wene wanojeye wetumane hamonga nagwe, wawufisilize no mulimo wono wapejigwe wa mu witumami wa mwi 'Hema. Ninga munhu wowose mono si yakwiliye, ayo langa mulece kwitumana nayo.

Wuwale 3:5

Muwaha Mulungu yakamulonjela Musa yakatya,

Wuwale 4:15

Nayo Haluni ne wanagwe, kolo wakondya kuvivunjiliza no kuviwopeleza vinhu vyose, vyono vikwitumamilwa i Hanhu hono helile, lono weza kutuluka wakulawa mu nghambi yiyo, ale, i wana wa Kohati, wo wavidinghule i viya vivyo. Langa walanjilile walece kuvipamiza viya vivyo, na hono wejelele du wavipamize, wofwa. “No mulimo wuwo wo wudinghuzi we viya vivyo, wowa wo mulimo wawo du i wana we Wakohati, ho hose hono mowa kulihamizya Lihema lyono Lyelile.

Wuwale 8:19

Nane nghuwawika wawa Walawi mu miwoko ya Haluni hamonga ne wanagwe, wawe nha cipegwa cono cilawile kuli Waisilayeli, ho wetume mulimo wa mwi Hema lyono Lyelile ku soko ye wanhu wa Isilayeli, no kuwanozeza wilamule. Ho wawadime Waisilayeli, ku wulawa mu matamwa ge cimali, gono gosuma kuwaziza Waisilayeli, hono wejelele wasejelele behi ne Hanhu hono helile.”

Wuwale 8:22

Nawo wanhu wakanoza zose, nha vyono Muwaha Mulungu yamulajiliza Musa kuli za wawo Walawi. Na mu nzila yiyo, Walawi wakawa wakondya kukwilanizwa so wituma mulimo mwi Hema lyono Lyelile, mu wulanjilizi wa Haluni hamonga ne wanagwe.

Wahebelaniya 9:6

I mipango yiyo yikafisilizwa, nawo wukawa wo moto kuli wakohani, wo kwinjila nhondo zose mwihema lilongozi lya kunze wakwituma u witumami wawo.