Wuwale 14:3 - Luganuzi Luswanu Kuli Wanhu Wose 2002

³ Alu so cici lo Muwaha Mulungu yakusaka yacitegule kuko ku yisi yiyo? Hambi nha cofwila mu wulugu, ne wagolece wetu nawo, hamonga ne wana wetu, wosolwa mateka. Alu si yali yiwe yili ciba le, hono cali ciwuye ne nyuma ku Misili?”

Wuwale 14:3 ပူးပေါင်းရင်းမြစ်များ

Nehemiya 9:17

Wakalema kuwa na cihuliko, wakasemwa zose zono wetuma. Wakasemwa sunga ne mapoto gono wetuma. Na mu cibede cawo, wakahagula mulongola, ho yawagomole ku yisi ya Misili, yisi yo wuwanda. Ninga 'gwe, wuli Mulungu wo wunenezi. Mono wumemile wendo ne lihewa, kanyhi si wuli mupelu kukolwa ne likuwo. No lusungu lwako luwaha, hamba si wawaleka yaye.

Zabuli 78:40

Wihwesaje ta, kali kalinga wamufyulilaga mu nyika! No kumukalaza mumo mu nyika!

Wutuluce 16:3

Wakatya, “Si ciba le Muwaha Mulungu yali yaciwulajile ku yisi ya Misili, kono cali cikaye ne masefuliya gamemile nyama ne mikate, nase calizaga nha vyono casakaga sunga ciguta. Alu mulanje ta, anye mwacileta amuno mono nyika, ho muciwulaje ne nzala.”

Wutuluce 5:21

Wakawalonjela Musa na Haluni, wakawatya, “U Muwaha Mulungu kaziwona zose zono mwitumile, holeka nayo komulipicizenyi, vyono mumunozize mutemi hamonga ne walongola wakwe wacisule 'se. Hambi nha mwawapela soko yo kuciwulajila 'se.”

Yelemiya 42:14

Na hono mutye, “Aa, ng'o! Ninga ase cobita ku'si ya Misili kono sicowuwona wulugu, hamba kuhulika lizi lyo wulugu, hamba kutuga nzala, canjile ndigwa. Nase cokwikala kuko.”

Yelemiya 42:19

Nghawalonjela kanyhi nghatya, “Ninga mumanye vyono u Muwaha Mulungu, yakondya kumulonjelenyi, nha vyono, anye nyo wanhu mono musigazwe mu yisi ya Yuda, mulece kubita ku Misili yaye. Holeka ku soko yiyo, nane nghumusugulenyi, vyono, alu,

Yelemiya 9:3

Wene wewikanize kulonga zo wulambi du nhondo zose, wanhu wono wetujila vilungo vyo kuyitema yisi mu nzila zo wulambi. U Muwaha Mulungu yakutya nhavi, “I wanhu wangu nha wetuma wubi wityatiliye, hamba si wakuwa kumanya 'ne, vyono yo nene Mulungu wawo.”

Wuwale 11:20

Langa mojendelela kulya nyama sunga mwezi mututu. Sunga nyama yilawile mu zi mhula zenyu, sunga muwe kudeka no kudeka. Nazo zizi zomwijelelenyi, vyono anye, mwamulema Muwaha Mulungu wenyu mono yali bahano hamonga nanye, kanyhi mukung'ung'ulika no kutya, vyono, yali yiwe yili ciba hono mwali mwikale ku Misili.’ ”

Wuwale 16:13

Agwe wukwihwesa nghani yiyi ndodo yo kuciwusa mu yisi yono yina moso, yisi ya Misili, no kucileta ahano hono nyika, ho wuciwulaje? Alu hongo wukusaka kwitemezya muli sese?

Wuwale 20:3

Wakawa kwanza kung'ung'ulika wakutya, “Nye! Yali yiwe yili ciba le, cifwile ha mwande ye Lihema lyo Muwaha Mulungu, ne Waisilayeli wayetu.

Wuwale 21:5

hobaho wakawa kumung'ung'ulicila Mulungu hamonga na Musa, wakutya, “Alu nhawule wukaciwusa mu yisi ya Misili ho cifwile mumu mu nyika yiyi, i hanhu hono hasina ndigwa, hamba malenga bwete go kung'wa. Nase si cosuma hamba hadodo kukangalila kujendelela kulya ndigwa yiyi mhelu mhelu!”

Metumo ge Watumwa 7:39

“Ninga, yo mwene mono wakuku zetu walema kumuhulika, wakamukumhila kutali, wakasulumila kuwuya ku Misili.

Wukumbucize wo Wulajilize 1:39

“Kanyhi Muwaha Mulungu yacilonjela yakatya, ‘Ne wana wenyu wono wakali wadodo, wono wakali namanya ku wuhagula zimbi ne ziswanu, awo langa wo wolokwinjila mu yisi yiyo, i wana wono anye mwatya vyono, wowa mateka we walugu wenyu. Nane lu wawo, wo nowahaza yisi yiyo.