Wuwale 13:2 - Luganuzi Luswanu Kuli Wanhu Wose 2002

² “Ale wuhagule walongola monga monga, mu wulawa mu milango yose yikumi na myejete ye Waisilayeli. Wuwatume wabite nha watandizi, wakayilanje yisi ya Kanani vyono yinha, yisi yono nghuwapela i Waisilayeli.”

Wuwale 13:2 ပူးပေါင်းရင်းမြစ်များ

Wutuluce 18:25

Yakawa kuwahagula wanhu we vilungo mu Waisilayeli, yakawanoza wawe watonji mu zimhuga ze wanhu, mu maelufu, mu magana, mu makumi mahano na we wanhu yikumi yikumi.

Wuwale 1:4

Agwe na Haluni, muwalombaje walongola monga monga, mu wulawa mu milango yose ye Waisilayeli, nawo wawo wo womutazenyi mu mulimo wuwo.”

Wuwale 11:16

Nayo Muwaha Mulungu yakamulonjela Musa yakatya, “Ale, nghongholelaje wanhu makumi mupunghati wa muli walongola we Waisilayeli, i wanhu wono wena lilumbo yiswanu, kanyhi wono wamanyice vyono mbeka wena wuwe wo wulongoza wanhu, wundetele ha mulango we Lihema lyangu lyono Lyelile. Hanyuma wuwatye weme baho hamonga nagwe.

Wuwale 13:16

Wawo wo wanhu wono Musa yawatuma, wabite wakayilanje yisi ya Kanani vyono yinha. Yakawa kumukawaniza litagwa Hosheya u mwana wa Nuni, yawe Yoshuwa.

Wuwale 13:3

Nayo Musa yakawa ne cihuliko, yakawatuma ku wulawa ku nyika ya Palani i walongola awa nha vyono wetyatizye ahano.

Wuwale 32:8

Mwene mukutanga! Zizi zo wetuma wasogo zenyu, lono nawatumila ku wulawa Kadeshi Balineya, ho wabite wakayitandile yisi.

Wuwale 34:18

Kanyhi wuhagule wanhu wanji monga monga mu wulawa mu milango yose nha vyono yinha, ho wawataze mu mulimo wuwu wo wugawa yisi.”

Wukumbucize wo Wulajilize 1:15

Holeka nane nghasola i wanhu we mahala, kanyhi wono wena wuzowele wo kulongoza wanhu, nanye nyo weneco, yo nyenye mono mwawahagula mu wulawa mu milango yenyu. Nane nghawa kuwawika wawe walanjilizi wenyu. Wanji wakawa walanjilizi we wanhu elufu monga monga, na wanji wakawa we ligana limonga limonga, na wanji wakawa we makumi mahano mahano, na wanji wakawa we wanhu yikumi yikumi. Hamba nhavivyo, kanyhi nghawawika ne walongola wanji wa mu wulawa mu milango yenyu yose.

Wukumbucize wo Wulajilize 9:23

Na lono yamuletenyi ku wulawa ku Kadeshi-balineya, lono yamulajilizenyi mubite mukayisole yisi yono yali yamupelajenyi, ninga 'nye mukamubeza Muwaha Mulungu, hamba si mwamwitumbila, hamba kumuhulika kose.

Yoshuwa 3:12

ale, wuhagule wanhu yikumi na wejete we cilume, yumonga yumonga wulawa mu milango yose ye Waisilayeli.