Wuwale 10:2 - Luganuzi Luswanu Kuli Wanhu Wose 2002

² “Ale, wunoze ndulele nyejete za fweza yono nhyane. Nagwe wuzitumamile so wucemela wanhu wekongholele hamonga, na so wumwagula nghambi no kutuluka.

Wuwale 10:2 ပူးပေါင်းရင်းမြစ်များ

Yoweli 1:14

Mwiyezeze mu nzila yo wuleka kulya, mucemeleze wanhu waze ku wuhembi, muwakongholaje walongola, hamonga ne wanhu wose we yisi ya Yuda, wenjile mu Nyumba yo Muwaha Mulungu wenyu, mumulilile Mulungu.

Isaya 1:13

Holeka yo nghani ya bwete du, yo kujendelela kundavizya vilavywa vyenyu. Hambi ane nha si nghwendezwa kanyhi, ne mhunjile yo wuvumba wono mukufusa. Hamba ne zi sikukuu zenyu ze Ndawo yo Mwezi, ne zi Sabato, hamba no wihangulize wenyu wo wuhembi, ane hamba si nozivumila yaye, hambi nha zakondya kuwifywa no wubi wenyu.

Zabuli 81:3

Towenyi ndulele mu ndawo yo mwezi na lono mwezi wukutula, mu sikukuu yetu.

Waefeso 4:5

Koyuli Muwaha monga, wihuwilo wumonga no wubaputizo monga,

Hoseya 8:1

Muwaha Mulungu yakutya, “Towe ndulele lizi lye citanjilo! Hambi walugu nha wakuzumha hasi, nha numba, mu'si yangu! Wanhu wangu wabena icilagane cono nalagana nawo, wabedegala no wulajilize wangu.

Zabuli 89:15

Gwe go Muwaha Mulungu, wo wamoti wanhu, wono wakukuhemba gwegwe no kukwimbila, wono wekaye mu wuzelu wo lusungu lwako.

2 Zinghomo 5:12

Ne Walawi iwembi, wose kono walila, wa Asafu, na Hemani, na Yedutuni, hamonga na wo lulelo lwawo, wose wali wavwalile vivwalo vizelu 'swe. Nawo wawa Walawi, wakema ku lubavu lwa kucilima, behi ne cikumbicilo, akuno webate ne misesele ne masumbi ne zindonondo. Kanyhi hakawa na wakohani yigana limonga na makumi mejete, wono watowaga zindulele.

2 Watemi 12:13

Ninga hasina pesa zinji za muli zizo, zono zetumamilwa ku wugula vikombe vya fweza, hamba bakuli, hamba ndulele, hamba vitumamilwa vyo kuwicila zitala, hamba kunoza cinhu co cose ca fweza hamba zahabu.

Wuwale 10:7

Ninga lono wukuwacema mhuga yose hamonga, zindulele zilile sunga yidaha mututu.

Wutuluce 25:31

“Wunoze wuwiko we zitala wa zahabu nengu. No wuwiko wuwo we zitala, nha cinji vikombe vyayo ne zimhimbili zayo, hamonga ne maluwa gayo, vyose wuvinoze kwa zahabu, kanyhi vyeze vilunzwe vyose hamonga ne litende lyayo.

Wutuluce 25:18

Kanyhi wunoze ne makelubi mejete ga zahabu, wugajelece mucanyha ye ligoda lilyo lyo lusungu mu mhelo yalyo.

Wuwale 10:1

Muwaha Mulungu yakamulonjela Musa yakatya,

Yelemiya 4:5

Ale, mutowe zindulele mu yisi yose ya Yuda, muzoze muno muno. Muwalonjele i wanhu wa Yuda na Yelusalemi, watizize mu makaya gono gena magomawakali.

Yoweli 2:1

Towenyi ndulele ye citanjilo mu Sayuni, mwi'tunda lyono lyelile lyo Muwaha Mulungu. Wanhu wose mono mwikaye mu Yuda, mucicime. Hambi lizuwa lyo Muwaha Mulungu nha likuza, kanyhi lyasejelela.