Wuwale 1:3 - Luganuzi Luswanu Kuli Wanhu Wose 2002

³ no kuciza wono mowona wakwiliye kwinjila mu mulimo wo wusilikale wo kwihoma ku wulugu.

Wuwale 1:3 ပူးပေါင်းရင်းမြစ်များ

2 Samwili 24:9

Wakawa kumulonjela mutemi Dawudi liwalo lye wanhu wa Isilayeli walume wono wakwiliye mu mulimo wo wusilikale, waficile elufu magana munana. Wanhu wa Yuda nawo, waficile elufu magana mahano.

1 Zinghomo 5:18

Mu mulango wa Lubeni na wa Gadi, hamonga na we nusu ya wo mulango wa Manase, wono wali wekaye ku lubavu lwa kucilima, mwali mowali wasilikale wo wulugu waficile elufu makumi mane na yine, na magana mupunghati na makumi mutandatu, wono wali wejizwa hawaha mu witumamila ngula, ne mimaje, hamonga no wupinde.

2 Zinghomo 25:5

U mutemi Amaziya, yakawawikaniza wanhu wo mulango wa Yuda na wa Benyamini, yakawenjiza mu mulimo wo wusilikale, yakawawika mu vipuga vipuga, mhuga na cipuga cayo, mu nghango ye zimhuga zawo vyono zali. Hanyuma yakawa kuwawika wawaha walanjilizi, we vipuga vye wanhu elufu monga monga, na we vipuga vya wanhu yigana limonga limonga. Ne wanhu wawa, wali wahangahanjile hamonga, ku wulawilila wono wali waficile myaka makumi mejete, hamonga ne wanhu mututu, ne liwalo lyawo wose hamonga, wali waficile wanhu elufu magana madatu cititila. Wawo wakasolwa, wakategulwa ku wulugu. Nawo wali wanhu wono wazoweye muno mu witumamila migoha, hamonga ne zingula.

Wutuluce 12:17

Mweze kuyikumbucila sikukuu yiyi, ye mikate yono yisina cisase. Hambi nha lyo lizuwa lyono namuwusenyi nyenye mu yisi ya Misili. Holeka mu vilo vyose vyono vikuza, munojeye mulinozeze sikukuu lizuwa lili.

Wutuluce 30:14

No munhu wo wose mono yanojeye yawalwe, yeze mono yaficile myaka makumi mejete no kuciza, kanyhi yo yanojeye yandavizye ne cilavywa cico.

Wutuluce 38:26

Ne liwalo lilino, wo wutowelele we fweza yose yono yalavywa ne wanhu wose, wono wali wakondya kwandikwa, mwi'pango lyo wuwale we wanhu. Nawo wakawa kulavya mu nghango yono yasakwaga. Nayo yikapimwa kwe vipimo vye zifweza ze Lihema lyono lyelile. Kwali na walume, elufu magana mutandatu ne 'datu, na magana mahano, na makumi mahano. Wono wali waficile myaka makumi mejete no kuciza, wono wali wakondya kwandikwa mwi 'walo lilyo lye wanhu walavyaga munhu monga fweza gulamu yihano.

Wuwale 14:29

Anye mofwa, ne mivimba yenyu yokwiyagalila mu muno mono nyika du. Hambi nha mukung'ung'ulicila muno. Holeka hasina hamba monga wa muli nyenye, mono yaficile myaka yono yicizize myaka makumi mejete, mono kosuma kwinjila mu yisi yiyo.

Wuwale 26:2

“Alu, mwandice liwalo lye zimhuga zose ze milango ye Waisilayeli, liwalo lye walume wose, wono waficile myaka makumi mejete hamba wono wacizize, wono wowa wakwiliye ku wituma mulimo wo wusilikale wo wulugu.”

Wuwale 3:15

yawawale Walawi, yawawale mu nghango ye wasogo zawo ne zimhuga zawo, kanyhi yawandice wana wose we cilume wono waficila mwezi monga, sunga na wono wacizize.

Wuwale 32:11

‘Alu i wanhu wawa vyono si wamhelile cogopo, holeka nane nghwilahiza vyono, hasina hamba monga we cilume wa muli wene, mono yaficile myaka makumi mejete hamba kuciza, muli wono walawile ku Misili, mono kusuma kwinjila mu yisi yono namwihuziza Abulahamu na Isaka na Yakobo.’

Wuwale 33:1

Ali lyo liwalo lye matagwa ge hanhu hono Waisilayeli wasitaga zinghambi zawo, lono wawucila ku Misili, mu nghango ye milango yawo, hasi yo wutonji wa Musa na Haluni.

Wuwale 4:3

yawandice wanhu we cilume wose wono waficile ku wulawilila myaka makumi madatu sunga makumi mahano, wono wowa wanojeye ku wituma milimo ya mwi 'Hema lyono Lyelile.

Wukumbucize wo Wulajilize 24:5

“Nayo munhu we cilume, hono yawe ho yakutola mucekulu, yalece kwinjizwa baho baho mu mulimo wo wusilikale wo wulugu, hamba mu mulimo wunji wowose. Langa wamulekaje ha kaya yakwe mwi'daha lya mwaka monga, ho yekale hamonga no mugolece wakwe, yamusangalaze.

Wukumbucize wo Wulajilize 3:18

“Na mwi'pango lilyo du, nghawa kuwapela wulanjize nghawatya, ‘Alu, mulanje ta! U Muwaha Mulungu, u Mulungu wetu, yakondya kumupelenyi anye yisi yiyi, ya kono lubavu lwa kucilima ye likolongo lya Yoludani, yiwe yenyu nyenye. Aluno muwawikanizaje vitung'ati wenyu wo wulugu, mulowoce likolongo lya Yoludani, mulongole ku mwande ye wandugu zenyu Waisilayeli ho muwatazilize nawo wayisole yisi yawo.