Wutuluce 7:4 - Luganuzi Luswanu Kuli Wanhu Wose 2002

⁴ Nane noyiletela Misili wusungu wukali muno muno wo wulipicizwe, niwawuse ne nghungugo ye wanhu wangu Waisilayeli mu yisi yiyo.

Wutuluce 7:4 ပူးပေါင်းရင်းမြစ်များ

Wutuluce 10:1

Muwaha Mulungu, yakamulonjela Musa kanyhi yakatya, “Ale, wubite mukewone na Falawo. Hambi nha namunoza mwene hamonga ne wetumami wakwe wawe wasina cihuliko, nane ho sume kuganoza mapoto gaga gose hali wene.

Wutuluce 11:9

Ninga Muwaha Mulungu, yali yakondya kumulonjela Musa, vyono, Falawo kojendelela kuwa yasina cihuliko, nane ho sume kunoza mapoto gangu mu yisi ya Misili.

Wutuluce 12:51

Na mwi'zuwa lilyo u Muwaha Mulungu yakawawusa we nghungugo yose ye Waisilayeli ku wulawa mu yisi ya Misili.

Wutuluce 13:3

Nayo Musa yakawalonjela wanhu yakatya, “Ale, mulikumbucilaje lizuwa lili, lizuwa lyono mwawucila ku Misili, mu yisi yono mwali wawanda. Ali lyo lizuwa lyono Muwaha Mulungu yamuwusenyi kwe vilungo vyakwe viwaha. Holeka mulece kulya mukate wono wina cisase.

Wutuluce 13:9

Ne citanjilo cici, cowa cikumbucizo, kanyhi cowa nha cinhu cono mwibate mu miwoko yenyu, hamba cono cijeye ha meso genyu. Naco comukumbucizenyi ho mujendelele kuwukamisa no kuwusoma wulajilize wo Muwaha Mulungu. Hambi Muwaha Mulungu nha yo yamuwusenyi anye mu yisi ya Misili kwe vilungo vyakwe viwaha.

Wutuluce 18:8

Nayo Musa yakawa kumuloloseza mukwewe zinghani zose zono Muwaha Mulungu yamunoza Falawo, hamonga ne Wamisili, ho yawaponye Waisilayeli. Yakamuloloseza na zose zono zawagana, zo wugazice wa mu muhinzo, na vyono Muwaha Mulungu yawaponya.

Wutuluce 3:19

Ninga manyile vyono mwene mutemi we Misili si kokwenda kumukombolenyi yaye, sunga langa kolo yakunozezwa vilungo, ho yamukombolenyi.

Wutuluce 3:20

Ninga hamba nhavivyo, nokwitumamila vilungo vyangu, nane noyilipiciza yisi ya Misili kwe mezino mawaha gono nogetuma muli yene. Na hanyuma ya zizo, nayo komukombolenyi mubite.”

Wutuluce 6:1

Nayo Muwaha Mulungu yakamutya Musa, “Alu langa Musa, ho koziwona zono nozituma kuli yuyo mutemi Falawo. Ane nomudindimiza yawakombole wanhu wangu wabite. Nane mbeka nomudindimiza yawawinje wawuce mu yisi yakwe.”

Wutuluce 6:26

Wawa Haluni na Musa, wo wawa wono Muwaha Mulungu yalongana nawo yakutya, “Ale, muwawusaje we nghungugo ya Isilayeli, wawuce mu yisi ya Misili.”

Wutuluce 6:6

Ale, wuwalonjele Waisilayeli vyono ane nghuwatya nhavi, ‘Ane yo nene Muwaha Mulungu, nane nomuponyenyi, kanyhi nomuwicenyi welecele, mu wulawa mu wuwanda we Wamisili. Nowinula muwoko wangu we vilungo, niwaletele wulipicizwe wo kogofya, nane nomuponyenyi.

Wutuluce 7:13

Hamba nhavivyo, Falawo vyo yakacila kuwa yasina cihuliko, yikawa nha vyono Muwaha Mulungu yalonga yakatya, mutemi Falawo si kowahulika Musa na Haluni.

Wutuluce 7:16

Hanyuma wumulonjele wutye, ‘U Muwaha Mulungu, u Mulungu we Wahebelaniya, kanhuma nize nghulonjele, wuwakombole wanhu wakwe wabite ho wamuhembe kuko ku nyika. Ninga agwe sunga nalu wukali si wukuhulika ng'o.

Wutuluce 8:15

Nayo mutemi Falawo, yali yeza kuwona vyono mabula gose gakondya kufwa, hodu yakawa kanyhi yasina cihuliko, nha vyono Muwaha Mulungu yalonga du yakutya, “Falawo hamba si kowahulika Musa na Haluni.”

Wutuluce 8:19

Nawo waganga nhondo wakamutya Falawo, “Gwe mutemi Falawo, azi zinozwa no Mulungu du!” Ninga Falawo yakacila kuwa yasina cihuliko, nha vyono Muwaha Mulungu yalonga du yakutya, “Falawo hamba si kowahulika Musa na Haluni.”

Wutuluce 9:12

Ninga hamba nhavivyo, Muwaha Mulungu yakamunoza mutemi Falawo yawe yasina cihuliko, nha vyono Muwaha Mulungu yali yalonga yakutya, vyono mutemi Falawo, si kowahulika Musa na Haluni.

Wutuluce 9:3

nane nokuletela wulipicizwe wa nhamwa 'mbi muno muno, mu mitugo zako, na mu zindogowe zako, na mu zifwalasi zako, na mu zingamiya, na mu zing'ombe, na mu zingholo, sunga na mu zimhene.

Zimbazi 19:29

Ne wanhu we lizeze, wewikanize so wutowangwe.

Isaya 26:9

Nane nikalaga nghukwihwesa gwegwe du cilo cose kwe nhumbula yangu yose, nagwe kolo wukuyiling'aniza yinze hamonga ne wanhu wayo, baho ho wolomanyila ze ling'ani yako vyono yinha.

I Cililo 3:3

Yanhowanga kali kenji muno ko wukali.

Ezekiyeli 14:21

Na zino, zo Muwaha Mulungu yakulonga yakutya, “Noloyiletela Yelusalemi ndipiciza zangu yine, zinzito muno. Yinongozi, wulugu, ye kejete, nzala, ye kadatu, malimu makali ga mu mbago, na ye kane, litamwa, vize viwongomeze wanhu hamonga ne mitugo yose.

Ezekiyeli 25:11

Nane noyilipiciza Mowabu, nawo ho womanyila vyono ane yo nene Muwaha Mulungu.”

Ezekiyeli 30:14

Noloyihodanga yisi ya Misili ku lubavu lwa kutakama, nilipembele moto ne likaya lya Zowani, lyono lili ku lubavu lwa kusumuka. Nize nililing'anize ne likaya lya Tabesi, i likaya liwaha.

Ezekiyeli 30:19

Nane kolo nakondya kuyilipiciza yisi ya Misili mu nzila yiyi, nawo ho womanya vyono ane yo nene Muwaha Mulungu.”

Wugubule 15:4

Go Muwaha, alo nani'mbi mono si yakogopile gwegwe? Hamba nani'mbi mono si yakulikumya ilitagwa lyako? Agwe yo gwegwe mono welile du wuli wene. Ne makungugo gose gokuza kwako ho gakuhembe, hambi i metumo gako, nha gali ling'ani kanyhi gejeye ne wanhu wose.”

Wugubule 16:7

Hanyuma nghahulika lizi kulawa mu cikumbicilo, likutya, “Heya go Mulungu u Mudaha vyose, i ning'aniza yako yo ye mbeka kanyhi ye ling'ani.”

Wugubule 19:2

Hambi ining'aniza yakwe nha ya mbeka kanyhi ye ling'ani. Hambi nha kamuling'aniza u musenyha muwaha, mono yali yakondya kuyajiliza yinze ku so wusenyha wakwe. U Mulungu kamuling'aniza yuyo Babiloni likaya liwaha, vyono lyawawulaga i wetumami wakwe!”

Walamuzi 2:15

Na ko kose kono wabitaga so wihomi ne walugu wawo, Muwaha Mulungu yawalekaga hamba kuwataza yaye, nha vyono yali yakondya kuwalonjela nha vyono yali yelahiza. Holeka wakagazika muno.