Wutuluce 7:3 - Luganuzi Luswanu Kuli Wanhu Wose 2002

³ Ninga hamba nhavivyo, ane nomunoza Falawo yawe yasina cihuliko, nayo hamba si kohulika 'ne yaye, hamba noze vitanjilo ne mezino menji mu yisi ya Misili.

Wutuluce 7:3 ပူးပေါင်းရင်းမြစ်များ

Nehemiya 9:10

Walajila vitanjilo vyo wizine kuli mutemi Falawo, hamonga ne walongola wakwe, ne wanhu wa mu yisi yakwe. Hambi 'gwe nha wukamanya vyono wawewonelaga wanhu wako, wuketujila lukumyo lono wina nalo sunga nalu.

Zabuli 135:9

Nayo yakanoza mapoto, ne vitanjilo kuli'gwe go Misili, kuli Falawo hamonga ne wetumami wakwe wose.

Zabuli 78:12

Yanoza mapoto hali walezi wawo, mwilolo lya Sowani mu yisi ya Misili.

Wutuluce 11:10

Nawo Musa na Haluni wakaganoza mapoto gago gose hali Falawo. Ninga Muwaha Mulungu, yakamunoza Falawo yawe yasina cihuliko. Holeka Falawo hamba si yawakombola Waisilayeli wawuce mu yisi yakwe.

Wutuluce 11:9

Ninga Muwaha Mulungu, yali yakondya kumulonjela Musa, vyono, Falawo kojendelela kuwa yasina cihuliko, nane ho sume kunoza mapoto gangu mu yisi ya Misili.

Wutuluce 14:4

Nane nomunoza Falawo yawe yasina cihuliko, nayo komulondenyi, na kolo yakumutyatyenyi, nane nomongomeza hamonga ne lipuga lyakwe lyose. Nayo Falawo ne wanhu wakwe ho womanya vyono ane nili vilungo. Ne Wamisili ho womanya vyono, ‘Ane yo nene Muwaha Mulungu.’ ” Nawo Waisilayeli wakanoza nha vyono walonjelwa.

Wutuluce 3:20

Ninga hamba nhavivyo, nokwitumamila vilungo vyangu, nane noyilipiciza yisi ya Misili kwe mezino mawaha gono nogetuma muli yene. Na hanyuma ya zizo, nayo komukombolenyi mubite.”

Wutuluce 4:21

Muwaha Mulungu yakamulonjela Musa kanyhi yakatya, “Gwe Musa alu vyono weza kuwuya ku Misili, wugalajilaje hali mutemi mapoto gose gono nghupeleye vilungo vyo kwitumila, ninga wulanjilile, wulece kuleka hamba lipoto limonga yaye. Ninga hamba nhavivyo, ane nomunoza yawe yasina cihuliko. Nayo hamba si kosuma kuwakombola wanhu ho wawuce mu yisi ya Misili.

Wutuluce 4:29

Hodu Musa na Haluni wakawa kubita ku Misili, wakawa kuwakongholela hamonga i walongola wose we Waisilayeli.

Wutuluce 4:7

Mulungu yakamutya kanyhi, “Ale, wuwinjizaje kanyhi le muwoko wako mugati ye kanzo yako, wuwujelece ha mhambaga yako.” Nayo Musa yakanoza nhavivyo, ninga muhinzo wuwuno yali yeza kuwulavyaniza muwoko wakwe, kumbe wukawa weza muswanu du telele, winha muwili wakwe wose.

Wutuluce 7:13

Hamba nhavivyo, Falawo vyo yakacila kuwa yasina cihuliko, yikawa nha vyono Muwaha Mulungu yalonga yakatya, mutemi Falawo si kowahulika Musa na Haluni.

Wutuluce 9:16

Ninga lu ho nghulajile vilungo vyangu, holeka nghuwicile sunga nalu wuli mumi, u lukumyo lwangu ho lusume kwijela mono'nze mose.

Zimbazi 21:1

Muwaha Mulungu, kayitongaga nhumbula yo mutemi, nha vyono kacihulumyaga cikolongo.

Isaya 51:9

Ale wusinhuce go Muwaha Mulungu wucitaze! Witumamile vilungo vyako nha vyono wavitumamila katali, wuciponye. Hambi nha yo gwegwe mono walitemanga vipiligwa-piligwa lizoka lya mwi'lenga lyono likucemwa Lahabu.

Mika 7:15

Gwe go Muwaha Mulungu, witumaje mapoto ku soko yetu, nha vyono wetuma mu vilo vyono waciwusiza ku yisi ya Misili.

Yohana 4:48

Yesu yakamutya, “Hono mulece kuwona vitanjilo ne mapoto, si mokwihuwila ng'o.”

Metumo ge Watumwa 2:22

“Nye mo wa Isilayeli, muhulicize zinghani zizi! Yesu wa Nazaleti, munhu mono yahomelelwa no Mulungu kwenyu, mu metumo mawaha ne mezino, ne vitanjilo, vyono Mulungu yavinozeza muli mwene hali nyenye, vyono mumanyile mo weneco,

Metumo ge Watumwa 7:36

Yo yuyo yo yawawusa ku yisi ya Misili, mu nzila yo kunoza mapoto, na mezino mu yisi ya Misili, na mwi'lenga lya Shamu na mu nyika, myaka makumi mane.

Walumi 15:19

Mu vilungo vye vitanjilo na mu mezino, na mu vilungo vyo Muhe wo Mulungu. Holeka mu wupilima hanhu hose, ku wulawilila ku Yelusalemi sunga ku Iluliko, nghaluganula no kulukwiza u Luganuzi Luswanu lwa Kilisito.

Walumi 9:18

Holeka yili calinze, vyono u Mulungu kamuwonelaga lusungu munhu wo wose mono mweneco du yakusaka kumuwonela lusungu, na hono mweneco yasace kumunoza munhu yawe yali cibede, kanozaga nhavivyo.

Wukumbucize wo Wulajilize 4:34

Hamba ho yuli mulungu yunji wo wose, mono yejelela yabite yakawawuse wanhu ku wulawa mwikungugo linji, kanyhi yawanoze wawe wanhu wakwe, nha vyono Muwaha Mulungu, u Mulungu wenyu yamunozezenyi nyenye ku yisi ya Misili? Hambi Muwaha Mulungu nha yazinozeza zose ha meso genyu, yetumamila vilungo vyakwe viwaha hamonga no wusume. Yaleta magazo, no wulugu, yakanoza vitanjilo, ne mezino, yakaleta nghani zo wogofye wuwaha muno muno.

Wukumbucize wo Wulajilize 7:19

Kanyhi mukumbucile ze litamwa lyo kogofya lyo wukoma, lyono mwaliwona nyenye nyo weneco ne meso genyu, ne mapoto, ne mezino mawaha, no wusume, ne vilungo, vyono Muwaha Mulungu, u Mulungu wenyu, yetumila yakamuwusenyi mu yisi ya Misili. Na mu nzila yiyo du, yakawongomeza Wamisili. Holeka kowongomeza ne wanhu wawa wose, wono aluno anye mukuwogopa.