Wutuluce 5:3 - Luganuzi Luswanu Kuli Wanhu Wose 2002

³ Nawo Musa na Haluni wakapitula wakatya, “U Mulungu we Wahebelaniya kelajila kuli'se. Holeka wucikombole vilo vidatu, cibite ku nyika cikamulavizye makumbiko u Muwaha Mulungu, u Mulungu wetu. Vyono hono cilece kwituma nhavivi, mwene kociwulaga ase wose so matamwa hamba ko wulugu.”

Wutuluce 5:3 ပူးပေါင်းရင်းမြစ်များ

2 Watemi 17:25

Ninga i wanhu wawo nawo wali weza kwinjila no kwikala mumo mu Samaliya, hamba si wasuma kumuhemba Muwaha Mulungu, holeka nayo Muwaha Mulungu, yakawatumila simba, zikawawulaga wayawo wanji.

2 Zinghomo 30:8

Holeka nanye mulece kuwa musina cihuliko, nha vyono wene wali wenha, langa anye muweze ne cihuliko kuli Muwaha Mulungu. Holeka luno, wose muze ku Nyumba yo Mulungu ku Yelusalemi, i hanhu hono Muwaha Mulungu, u Mulungu wenyu, yaheza cibitilila, muze mumuhembe, nayo ho yalece kanyhi kumukolelwenyi likuwo.

Ezila 7:23

Kanyhi munojeye mulanjilile mu wulavye we vinhu vyono Muwaha Mulungu wa ku wulanga yakuvisaka so Nyumba yakwe, Muwaha Mulungu ho yalece kumbonela likuwo, hamonga ne watemi wanji wono wolotema kolo ane nawuka mu wutemi.

Wutuluce 3:18

“Nawo wanhu wangu wokuhulika du muli zose zono kowalonjela. Nagwe yowa yikunojeye wubite hamonga ne walongola we Waisilayeli, kuli mutemi we Misili, mukamulonjele mutye nhavi, ‘U Muwaha Mulungu we Wahebelaniya, kelajila kuli'se. Holeka aluno wucikombole vilo vidatu, cibite ku nyika, cikamulavizye makumbiko u Muwaha Mulungu wetu.’

Wutuluce 7:16

Hanyuma wumulonjele wutye, ‘U Muwaha Mulungu, u Mulungu we Wahebelaniya, kanhuma nize nghulonjele, wuwakombole wanhu wakwe wabite ho wamuhembe kuko ku nyika. Ninga agwe sunga nalu wukali si wukuhulika ng'o.

Wutuluce 8:1

U Muwaha Mulungu yakamulonjela Musa yakamutya, “Alu, wubite kuli mutemi Falawo wukamulonjele wumutye, Muwaha Mulungu yakutya nhavi, ‘Wuwakombole wanhu wangu wabite wakahembe nene.

Wutuluce 8:20

Muwaha Mulungu yakamulonjela Musa yakatya, “Ale, wilawaje mitondo hakali mitondo muno muno, wuketang'anile no mutemi Falawo lono yakubita kwi' kolongo. Nagwe wumulonjele wutye, Muwaha Mulungu yakutya nhavi, ‘Wuwakombole wanhu wangu wabite wakahembe.

Wutuluce 8:27

Holeka langa, yicinojeye cibite ku nyika muhinzo wa vilo vidatu, kuko ko cikamulavizye makumbiko u Muwaha Mulungu, u Mulungu wetu, nha vyono mwene yacilajiliza.”

Ezekiyeli 6:11

Muwaha Mulungu yakanyitya, “Gwe Ezekiyeli, wutowe maganza, wuyisambe yisi kwa vilungo! Hanyuma wulile ko wusungu muno ku soko ye mabi gose ge Waisilayeli, hamonga ne makani ge cevu gono wagetumaga. Nalu wose wofwa no wulugu, hamonga ne lizala ne matamwa.

Walawi 26:25

Nane noleta wulugu muli'nye, ho nimulipicizenyi so wubena cilagane wenyu. Na kolo mukwikongholela mu makaya genyu, ho mutuje mulamu, nane noleta matamwa gono gasina miti, gono si gosumika na ku wulagulwe yaye. Nanye baho ho modindimizizwa mwikombole kuli walugu wenyu.

Wukumbucize wo Wulajilize 28:21

Nayo komuletelenyi matamwa ge cibehi cibehi, sunga mumalice wose, hawe hasina hamba monga mono yasigaye mu yisi yono mukwinjila muyiteme.