Wutuluce 27:3 - Luganuzi Luswanu Kuli Wanhu Wose 2002

³ Wunoze ne viya vyayo vyose, viya vyo kuzolela mavu, koleyo, mabeseni, ne vicinyilo, ne visahani vyo kupalila moto. Ne vivya vivino vyose, wuvinozaje kwa shaba.

Wutuluce 27:3 ပူးပေါင်းရင်းမြစ်များ

1 Watemi 7:40

Hulamu yakanoza mabakuli ne makoleyo, hamonga ne viya vyo kumiziza malenga. Yakawa yayikondeleza milimo yose yono yatumwa no Mutemi Solomona, ku soko ye Nyumba yo Mulungu. Ne vitumamilwa vyono yavinoza vyovino:

1 Watemi 7:45

Mabakuli ne makoleyo, ne viya vyo kwitumamilwa, vya mu Nyumba yo Mulungu, vyono Hulamu yamunozeza mutemi Solomona. Navyo vyose vyali vinozwe na shaba yono yang'alalaga.

1 Watemi 7:50

vikombe, tala, mabakuli, mitela, ne zikoleyo zo kupalila makala, ne zibawaba so milango ye Hanhu Hono Helile, Helile muno, hamonga ne milango ya kunze ye Nyumba yo Mulungu. Ne vinhu vivino vyose vyali vinozwe na zahabu.

2 Watemi 25:14

Wakasola ne zikoleyo ne viya vyono wetumamilaga so kuwusiza mavu mu cikumbicilo, hamonga ne viya vyose vyono wetumamilaga kukoleleza zitala, ne zibakuli zono wambilaga sakami ye zimitugo ze makumbiko, ne zibakuli zono wetumamilaga kufusiza wuvumba, hamonga ne viya vyose vye shaba, vyono wetumamilaga mu wuhembi, mu Nyumba yo Mulungu.

2 Watemi 25:15

Wakavisola ne vinhu vyose vye zahabu hamba fweza, hamonga sunga ne vibakuli vidodododo vyose ne visahani vyono wetumamilaga kupalila makala go moto.

1 Zinghomo 28:17

Yakamulajiliza kanyhi kuli ze nghango ye zahabu nengu, yono yowa yinojeye yitumamilwe mu wunoza vicinyilo, ne zibakuli, hamonga ne vidumu, ne nghango ye fweza yono yowa yinojeye yitumamilwe so wunoza zisahani,

2 Zinghomo 4:11

Hulamu, yakanoza zinyungu, ne masili, ne zibakuli. Nhondo yakakondya kuvinoza vinhu vyose, vyono yehuwiza kuli Mutemi Solomona, nha vyono kovinoza so Nyumba yo Mulungu navyo vyali vyovi:

2 Zinghomo 4:16

Zinyungu, masili, hamonga ne viya vyayo vyose. Nayo yuyo Hulamu u munghula, yakanoza vinhu vyose, kwe shaba nhelemeze viswanu muno, nha vyono mutemi Solomona yamulajiliza, so witumamilwa mu Nyumba yo Muwaha Mulungu.

Wutuluce 24:6

Nayo Musa yakasola sakami ndodo ye mitugo yiyo, yakayitajila mu zi sahani. Ne sakami yono yasigala, yakayimiza mu cikumbicilo.

Wutuluce 27:19

Vyombologoto vyose vyono kokwitumamila mwi'hema, ne zimambo ku so Lihema hamonga ne luwa yayo, vyose viwe vya shaba du.

Wutuluce 27:2

Hanyuma, wuciwicile ne viwoko vyo kucidinghulila, wuviwicile mu zinhuzi zose vyono yine ze cikumbicilo, navyo vyeze vityanilizwe hamonga ne cikumbicilo ceneco. Kanyhi wucihiliwe shaba cikumbicilo cico.

Wutuluce 27:4

Kanyhi, wunoze lwavu lwa shaba, lono lowa lwina nyamwidole yine za shaba, mu zinhuzi zayo zose vyono yine.

Wutuluce 38:3

Yakanoza ne vitumamilwa vyose vye cikumbicilo, nha cinji, vyungu, koleyo, mabeseni, vicinyilo, hamonga ne visahani vyo kupalila moto. Nayo yakavinoza vinhu vivi vyose vya shaba.

Walawi 16:12

yasole lizaye yalimemye makala gono gakulawa mu cikumbicilo. Yasole no wuvumba wuswanu muno maganza mejete. Yenjile navyo mu Hanhu hono helile, helile muno.

Wuwale 4:14

Hanyuma wawe kupanga mucanyha yaco i vinhu vyose vyono vitumamilwaga mu wuhembi mu cikumbicilo cico, nha cinji, vyungu so mavu, ne zikoleyo, ne mabeseni, ne vicinyilo, hamonga ne visahani vyo kupalila moto. Hanyuma wawe kuvivunjiliza mu nguwo swanu vyono yitelemeye, wawe kugakoza mu zi nyamwidole i mabici gayo go kucidinghulila.