Wutuluce 13:3 - Luganuzi Luswanu Kuli Wanhu Wose 2002

³ Nayo Musa yakawalonjela wanhu yakatya, “Ale, mulikumbucilaje lizuwa lili, lizuwa lyono mwawucila ku Misili, mu yisi yono mwali wawanda. Ali lyo lizuwa lyono Muwaha Mulungu yamuwusenyi kwe vilungo vyakwe viwaha. Holeka mulece kulya mukate wono wina cisase.

Wutuluce 13:3 ပူးပေါင်းရင်းမြစ်များ

Mwamulizo 15:16

No lulelo lwako lwe kane, lo lolowuya baha kanyhi, vyono u wubi we Waamoli wukali namemelecela.”

1 Watemi 8:42

nayo yawe kuza kukuhemba no kulomba mu Nyumba yiyi,

1 Zinghomo 16:12

Nanye mo wana wa Yakobo, mo wetumami wakwe, mo wana wa Isilayeli mono mwahagulwa no Mulungu,

Nehemiya 1:10

“Gwe go Muwaha Mulungu, awa wo wetumami wako, kanyhi wo wanhu wako wono wawakomboza kwe vilungo vyako viwaha, na ko wusume wako.

Nehemiya 9:10

Walajila vitanjilo vyo wizine kuli mutemi Falawo, hamonga ne walongola wakwe, ne wanhu wa mu yisi yakwe. Hambi 'gwe nha wukamanya vyono wawewonelaga wanhu wako, wuketujila lukumyo lono wina nalo sunga nalu.

Zabuli 105:5

Nanye mo lulelo lwa Abulahamu mwitumami wakwe, sunga nanye mo lulelo lwa Yakobo muhagulwa wakwe,

Zabuli 114:1

Lono Isilayeli yawucila ku Misili, i wana wa Yakobo, lono wawucila mu yisi yo wujenzi,

Zabuli 136:11

Yakawawusa wanhu wa Isilayeli ku Misili, hambi lusungu lwakwe, nha lwikalaga cibitilila,

Zabuli 136:12

ko muwoko wakwe we vilungo, hamonga no wuwaha wakwe, hambi lusungu lwakwe, nha lwikalaga cibitilila.

Zabuli 89:14

Hambi ze ling'ani no wuling'anizi, nha wo musinji wo wutemi wako, hambi lusungu no wihuwilwa wako, nha vijeye mu witume wako.

Wutuluce 12:15

Muwaha Mulungu yakatya “Mu vilo mupunghati, molecela lukulu kulya mikate yono yina cisase. Na mwizuwa lilongozi, wose muwuse cisase cose cono cili mu zikaya zenyu. Na hono yejele yunji muli nyenye mu vilo vivyo vyo mupunghati, yakulya mukate wono wina cisase, munhu yuyo si kosuma kanyhi kuwalilizwa hamonga ne wanhu wangu.

Wutuluce 12:17

Mweze kuyikumbucila sikukuu yiyi, ye mikate yono yisina cisase. Hambi nha lyo lizuwa lyono namuwusenyi nyenye mu yisi ya Misili. Holeka mu vilo vyose vyono vikuza, munojeye mulinozeze sikukuu lizuwa lili.

Wutuluce 12:19

Hambi mu vilo mupunghati, nha yinojeye cisase cilecele lukulu kwijela mu zikaya zenyu.

Wutuluce 12:2

“Ale, u mwezi wu wuno, wo wowa wo mwezi wenyu mulongozi mu mwaka.

Wutuluce 12:41

Na mwi'zuwa lilyo lye ndumilizo lya mu myaka yiyo ye magana mane na makumi madatu, lyo lizuwa lyono mhuga yose ye wanhu wo Muwaha Mulungu wawucila kuko ku Misili.

Wutuluce 12:42

Cali cilo, lono Muwaha Mulungu yawawusa mu yisi ya Misili. Ne cilo ce lizuwa lilyo, cikasiwanulwa ciwe kuli Muwaha Mulungu. Na mu myaka yose yono yikuza, ciwe cilo cono cinojeye ciwe kukumbucilwa ne Waisilayeli wose.

Wutuluce 12:8

Na mu cilo cico, woyikasika nyama yiyo mu moto, wayilye hamonga ne mikate yono yisina cisase, hamonga ne mboga ye mahanze yono yili cisungu.

Wutuluce 13:14

Na mu vilo vyono vikuza, hono mwanago yakuwuze yawe kutya alu citanjilo cici cina nhunizoci, nagwe komupitula wuwe kutya, “Muwaha Mulungu yaciwusa ase mu yisi ya Misili kwe vilungo vyakwe viwaha, i hanhu hono ase cali cili wawanda.

Wutuluce 13:9

Ne citanjilo cici, cowa cikumbucizo, kanyhi cowa nha cinhu cono mwibate mu miwoko yenyu, hamba cono cijeye ha meso genyu. Naco comukumbucizenyi ho mujendelele kuwukamisa no kuwusoma wulajilize wo Muwaha Mulungu. Hambi Muwaha Mulungu nha yo yamuwusenyi anye mu yisi ya Misili kwe vilungo vyakwe viwaha.

Wutuluce 20:2

“Ane yo nene Muwaha Mulungu, u Mulungu wako, mono nakuwusa mu yisi ya Misili, kono wali wuli mu wuwanda.

Wutuluce 20:8

Weze kulikumbucila lizuwa lye Sabato wulisiwanule.

Wutuluce 23:15

Mu mwezi wa Abibu, mwezi wono mwawucila mu yisi ya Misili, monoza sikukuu ye mikate yono yisina cisase, nha vyono namulajilizenyi. Holeka mulecele lukulu kulya mukate wono wina cisase, mu vilo vivyo vyo mupunghati vya mu sikukuu yiyi. Kanyhi munhu wo wose yalece kuza ku wuhembi yali bwete yasina cilavywa.

Wutuluce 3:20

Ninga hamba nhavivyo, nokwitumamila vilungo vyangu, nane noyilipiciza yisi ya Misili kwe mezino mawaha gono nogetuma muli yene. Na hanyuma ya zizo, nayo komukombolenyi mubite.”

Wutuluce 34:18

Muyikamisaje sikukuu ye mikate yono yisina cisase. Na mu vilo mupunghati, mwi'daha lyono lyawikwa, mu mwezi wa Abihu, mweze kulya mikate yono yisina cisase, nha vyono namulajilizenyi. Hambi mu mwezi wuwo, nha wo mwezi wono mwawucila mu yisi ya Misili.

Wutuluce 6:1

Nayo Muwaha Mulungu yakamutya Musa, “Alu langa Musa, ho koziwona zono nozituma kuli yuyo mutemi Falawo. Ane nomudindimiza yawakombole wanhu wangu wabite. Nane mbeka nomudindimiza yawawinje wawuce mu yisi yakwe.”

Wutuluce 6:6

Ale, wuwalonjele Waisilayeli vyono ane nghuwatya nhavi, ‘Ane yo nene Muwaha Mulungu, nane nomuponyenyi, kanyhi nomuwicenyi welecele, mu wulawa mu wuwanda we Wamisili. Nowinula muwoko wangu we vilungo, niwaletele wulipicizwe wo kogofya, nane nomuponyenyi.

Wutuluce 6:7

Nane nomunozenyi muwe wanhu wangu, nane nowa Mulungu wenyu. Nanye ho momanya vyono yo nene Muwaha Mulungu, u Mulungu wenyu, kolo nakondya kumuwusenyi mu wuwanda mu yisi ya Misili.

Wutuluce 7:4

Nane noyiletela Misili wusungu wukali muno muno wo wulipicizwe, niwawuse ne nghungugo ye wanhu wangu Waisilayeli mu yisi yiyo.

Yelemiya 34:13

u Mulungu wa Isilayeli, yakanonjela vyono, mbite nghawalonjele wanhu nitye nhavi, “Ane no Muwaha Mulungu, nanoza cilagane ne walezi wenyu, lono nawawusiza mu yisi ya Misili, no kuwakomboza mu wuwanda. Nghawalonjela nha vyono,

Danyeli 9:15

“Gwe go Muwaha Mulungu go Mulungu wetu, agwe walajila vilungo vyako, wukawawusa wanhu wako mu yisi ya Misili, ne vilungo vyako vikali vikumbuciywe. Ase mbeka cikusutizya, kanyhi cikuwuvumila wubi wetu.

Matayo 10:12

Lono mukwinjila mu nyumba, muwalamusaje wanya kaya.

Luka 22:19

Hanyuma, yakasola mukate yakalumba yakawubegula, yakawapela, yakutya, [“Awu wo muwili wangu wono weza kulavywa ku soko yenyu, Mweze noza nha vivi so wukumbucila nene.”

1 Wakolinto 11:24

yakamulumbo Mulungu, yakawubegula yakatya, “Awu wo muwili wangu wono weza kulavywa ku soko yenyu mweze kunoza nhavivi, so wukumbucila nene.”

1 Wakolinto 5:8

Holeka cinoze sikukuu mbaha, ninga yilece kuwa mu cisase acilya ce katali, i cisase co wubi no wavu, langa ku ndigwa yono si yisasize, i ndigwa yo wuswanu ne mbeka.

Waefeso 1:19

ho muvimanye ivilungo vyakwe vyono viwaha muno muno ku soko yetu sese mono cihuwiye. I vilungo vivyo vyono vikwituma mulimo muli sese, viling'aniye ne vilungo avilya iviwaha muno,

Wukumbucize wo Wulajilize 13:10

Mumutowanje ne mabwe sunga yafwe. Hambi nha yali kusaka kumupatusenyi, ho muyilece nzila yo Muwaha Mulungu, u Mulungu wenyu, mono yamuwusenyi ku wulawa ku Misili, yakamukombozenyi mu wulawa mu wawanda.

Wukumbucize wo Wulajilize 13:11

Ne wanhu wose Waisilayeli, wozihulika zono zijeye, nawo wokwinjilwa no woga wuwaha. Na ku soko yiyo, hasina kanyhi hamba monga mono kokwijelela kwituma zimbi zono zinha zizo.

Wukumbucize wo Wulajilize 13:5

No muwizi yuyo hamonga no mulolosi we zindoto, awo wanojeye wawulagwe, vyono wakujela kumunozenyi ho mumubedegale Muwaha Mulungu wenyu, mono yamuwusenyi ku wulawa ku Misili, yakamukombozenyi mu wulawa mu wuwanda. Kanyhi wakujela kumukwejenyi ho muyilece nzila yo wumi, yono Muwaha Mulungu wenyu, yamulajilizenyi muyityatye. Holeka wanhu we liwala lilyo, mbeka wanojeye wawulagwe. Na mu nzila yiyo, mo mowuwusiza u wubi muli'nye.

Wukumbucize wo Wulajilize 13:6

“Hamba yawe nduguyo, u mwana wo nyina yako, hamba mwanago we cilume hamba we cicekulu, hamba yawe mugolece wako u mwendece wako, hamba mwiyendi muyago mono mwiyendile nayo muno muno, hono yejele vyono yakusaka yakukwejeleze cinyele ho wuyihembe milungu yinji, i milungu yono nyenye nyo weneco, hamba walezi wenyu si mwayihemba hamba kamonga,

Wukumbucize wo Wulajilize 15:15

Mweze kukumbucila vyono, nanye mwali muli wawanda ku Misili, ninga Muwaha Mulungu yakamukombozenyi no kumuwicenyi welecele. Na yiyi yo soko yono yikuleka nane nghumulajilizenyi lilajilizo lili.

Wukumbucize wo Wulajilize 16:1

“Mweze wukumbucila mwezi wa Abibu, muwe kumunozeza Pasaka Muwaha Mulungu, u Mulungu wenyu, mu mwezi wuwo. Hambi mu mwezi wuwo wa Abibu ne cilo, Muwaha Mulungu, u Mulungu wenyu, nha ho yamukombozezenyi ku wulawa ku Misili.

Wukumbucize wo Wulajilize 16:12

Mweze kukumbucila vyono nanye mwali muli wawanda ku Misili, holeka munojeye mugebatile lukulu malajilizo gaga.”

Wukumbucize wo Wulajilize 16:3

Na lono mukulya ndigwa yiyo, mulece kulya no mukate wono wina cisase. Nanye mojendelela kulya mukate wono wusina cisase vilo mupunghati, nha vyono mwanoza mwizuwa lilya, lono mwawucila musunho ku Misili. Ale muwulya wuwo mukate, nawo wocemwa mukate wo wugaye. Ho mutuje wukumbucile mu vilo vyose vyo wikale wenyu, we lizuwa lilyo lyono mwawucila ku Misili, i hanhu ho wugaye.

Wukumbucize wo Wulajilize 24:18

Mweze kukumbucila, vyono nanye mwali muli wawanda ku Misili, na vyono, Muwaha Mulungu, u Mulungu wenyu, yakamukombozenyi, holeka nane nghumukong'onhezenyi mwitume lilajilizo lilino.

Wukumbucize wo Wulajilize 24:22

Kanyhi mulece kusemwa vyono nanye mwali muli wawanda ku Misili. Holeka nane nghumukong'onhezenyi mwitume lilajilizo lilino.”

Wukumbucize wo Wulajilize 26:8

Nayo yakaciponya kuko ku Misili kwe vilungo vyakwe viwaha. Yetuma mapoto mawaha, na nghani zo wizine muno, hamonga no wogofye wuwaha muno muno.

Wukumbucize wo Wulajilize 4:34

Hamba ho yuli mulungu yunji wo wose, mono yejelela yabite yakawawuse wanhu ku wulawa mwikungugo linji, kanyhi yawanoze wawe wanhu wakwe, nha vyono Muwaha Mulungu, u Mulungu wenyu yamunozezenyi nyenye ku yisi ya Misili? Hambi Muwaha Mulungu nha yazinozeza zose ha meso genyu, yetumamila vilungo vyakwe viwaha hamonga no wusume. Yaleta magazo, no wulugu, yakanoza vitanjilo, ne mezino, yakaleta nghani zo wogofye wuwaha muno muno.

Wukumbucize wo Wulajilize 5:15

Hambi nha yikunojeye weze kukumbucila vyono nagwe wali wuli muwanda mu yisi ya Misili, kanyhi na vyono, ane no Muwaha Mulungu, u Mulungu wako, nakukombozeza mu nzila ye vilungo vyangu viwaha hamonga no wusume. Na yiyi yo yikuleka ane nghukulajiliza wulikamise lizuwa lye Sabato.

Wukumbucize wo Wulajilize 5:6

‘Ane yo nene Muwaha Mulungu, u Mulungu wako, mono nakuwusa mu yisi ya Misili, kono wali wuli mu wuwanda.

Wukumbucize wo Wulajilize 6:12

mulanjilile, mulecele lukulu kumusemwa Muwaha Mulungu, mono yamuwusenyi ku wulawa ku Misili, kono mwali muli wawanda.

Wukumbucize wo Wulajilize 6:21

Nanye muwapitule mutye, ‘Ase cali cili wawanda wo mutemi Falawo ku yisi ya Misili, nayo Muwaha Mulungu yakaciwusa kuko kwe vilungo vyakwe viwaha.

Wukumbucize wo Wulajilize 7:8

Ninga Muwaha Mulungu yakamwendenyi du, kanyhi yakasaka yafisilize wihuwizo wakwe, wono yawehuwiza i walezi wenyu. Na yiyi yo yaleka yakamuwusenyi ku yisi ya Misili, kwe vilungo vyakwe viwaha, yakamunozenyi muwe welecele, mu wulawa mu wuwanda wa ku Misili, wa kuli mutemi Falawo.

Wukumbucize wo Wulajilize 8:14

mulanjilile, mulecele lukulu kwikumya, muwe kumusemwa no Muwaha Mulungu, u Mulungu wenyu, mono yamuwusenyi ku wulawa ku yisi ya Misili, kono mwali muli wawanda.

Wukumbucize wo Wulajilize 9:12

“Hanyuma Muwaha Mulungu yakanonjela yakatya, wutime hasi ye litunda musunho, hambi i wanhu wono wawawusa ku yisi ya Misili, nha wakondya kwiyihodanga weneco, no kwiyinjiza mu zinghani zimbi. Wakondya kuzileka zose zono nawalajiliza wetume, alu wenozeza milungu ye vihwani viseswe.

Yoshuwa 24:17

U Muwaha Mulungu, u Mulungu wetu, nha yo yawawusa i walezi wetu na sese mu wuwanda ku Misili, kanyhi cikagawona ne mezino gono yalajila ku Misili. Kanyhi yakacikamisa ko kose kono cakolelaga mu makungugo.

Walamuzi 2:12

Wakaleka kumwitumamila Muwaha Mulungu, u Mulungu we walezi wawo, u Mulungu mono yakawawusa ku yisi ya Misili, wene wakanza kuyihemba milungu yinji, i milungu ye wanhu wono wali wawapilime. Wakayifugamila milungu yiyo, wakamunoza Muwaha Mulungu yawakolelwe yikuwo muno.

Walamuzi 6:8

Muwaha Mulungu yakawatumila muwizi mono yawategulila nghani yono yalawilila kuli Muwaha Mulungu we Waisilayeli yikutya, “Namuwusenyi 'nye mu yisi ya Misili mu nyumba yo wuwanda nghamuletenyi kuno.