Wutuluce 11:4 - Luganuzi Luswanu Kuli Wanhu Wose 2002

⁴ Musa yakamulonjela mutemi Falawo yakatya, “Muwaha Mulungu yakutya nhavi, ‘Mu cilo mugati, ane nokola mu yisi yose ya Misili.

Wutuluce 11:4 ပူးပေါင်းရင်းမြစ်များ

2 Samwili 5:24

Nagwe kolo wukuhulika lizi, lilawiliye ku visonje vye mibici yiyo ye mikulo kotya wanhu wakujenda, ale wahungucilaje Wafilisiti wuwahome, hambi ane nha nowa nghulongoleye kumwande yako, niwasume lipuga lye wasilikale we Wafilisiti.”

Jobu 34:20

No munhu kosuma kufwa nhinicizo ne cilo. Hambi Mulungu nha kawatowaga wanhu wajilila na we vilungo kawawulagaga.

Zabuli 60:10

Gwe go Mulungu, alu wacilecela lukulu du hongo? Hamba lu sikojendela lukulu, kanyhi hamonga ne mapuga getu?

Zabuli 81:5

Mulungu yakamupela sunga na Yusufu, lilajilizo lilyo, lono yayihomela yisi ya Misili. Nghuhulika lizi lyono si nghulimanya yaye, likutya,

Wutuluce 12:12

“Nane mu cilo cico nokola mu yisi yose ya Misili, niwawulaje wana walume wose, walongozi kulelwa. I wana we wanhu, hamonga ne zinyana ze mitugo. Kanyhi noyilipiciza milungu yose yo wulambi ya mu yisi ya Misili. Ane yo nene Muwaha Mulungu.

Wutuluce 12:23

Nayo Muwaha Mulungu kolo yeza kukola mu yisi ya Misili, ho yawawulaje Wamisili, koyiwona yiyo sakami ya mu fulemu ze milango yenyu, nayo si komuleka malayika we lifwa, yenjile mu zi nyumba zenyu yamuwulajenyi.

Wutuluce 12:29

Yali yeza kufika mu cilo mugati, Muwaha Mulungu yakawa kuwawulaga i wana wose walelwa walongozi wa mu yisi ya Misili, ku wulawilila u mwana we cilume wa Falawo mono yali yo muhazi we ligoda lyo wutemi, sunga ko kuli mwana wa mono yali mufungwa mu jela, sunga kuli ne zinyana zinongozi kulelwa ze mitugo, zose zikawulagwa.

Isaya 42:13

Muwaha Mulungu kabitaga mu milewo yenha citung'ati. Mwene yewikanizize lukulu, kanyhi muhidimbazi ku milewo, katowaga ndulele yo wulugu, kalajilaga wusume kuli walugu wakwe.

Amosi 4:10

Nghamuletelenyi lihuhuji kotya nha lyono nategula ku Misili. Nghawawulaga i wazelelo wenyu ku wulugu, no kuzisola zifwalasi zenyu. Nghamevya munungho we mivimba ye wanhu wono wafwiye mu zimhula zenyu, mu zinghambi zenyu. Ninga hamba simwambuyila yaye.

Amosi 5:17

Kolowa na cililo mu migunda yose ye mizabibu. Azi zose zolokwijela ku soko, ane nghuza nimuling'anizenyi.” Vyo yakutya Muwaha Mulungu.

Mika 2:13

Nayo Mulungu kowadigulila nzila, no kuwalongolela, wawuce mu wulawa mu yisi yo wujenzi. Wogabenanjiza malango ge likaya no kubita wapolile. No mutemi wawo, u Muwaha Mulungu mweneco, yo kolowatonga.

Matayo 25:6

Ale, mucilo mugati kukawa ne zozo yiwaha, Ale, ale! Bwana halusi kalawila, ale mubite mukamuhinjilize.