Wutuluce 11:3 - Luganuzi Luswanu Kuli Wanhu Wose 2002

³ Nayo Muwaha Mulungu yakawapela Waisilayeli wendezwe kuli Wamisili. Nayo yili mbeka, vyono wetumami wo mutemi, hamonga ne wanhu wose wa Misili, wamuwonaga Musa nha vyono munhu muwaha mu yisi ya Misili.

Wutuluce 11:3 ပူးပေါင်းရင်းမြစ်များ

Mwamulizo 12:2

“Nane nokunoza wuwe yikungugo yiwaha muno muno, kanyhi nokulugutiza, nane nolinoza litagwa lyako limanyice muno, nagwe wuwe wumoti.”

Mwamulizo 39:21

Ninga Muwaha Mulungu yakawa yali hamonga na Yusufu, Mulungu yakamunoza Yusufu mu nghango yo kumupela wendezwe ha mwande yo mulanjilizi we jela.

2 Samwili 7:9

Nghawa nili hamonga nagwe hanhu hohose hono wabitaga, sunga nghakusumila na muli walugu wako wose mu nghango nha vyono wacilaga kujendelela kumwande. Nane nokunoza wuwe ne lilumbo yiwaha muno mu wulongola wako, nha vyono wali i walongola we lilumbo wono wali wali mononze.

Esita 9:4

Yikawa yamanyika na wose vyono Moledekayi yo yawa ne vilungo viwaha mwi'kulu, na vyono yajendelelaga kanyhi kutuga vilungo.

Zabuli 106:46

Kanyhi yakawanoza wawonelwe lusungu, ne wanhu wose wono wawetumyaga.

Wutuluce 12:35

Waisilayeli wakanoza nha vyono Musa yawalonjela. Kanyhi wakawasaka Wamisili wawapele no wihambo wa fweza, no wihambo we zahabu, hamonga ne myenda.

Wutuluce 12:36

Nayo Muwaha Mulungu yakawanoza Waisilayeli wawe wendece ha meso ge Wamisili. Nawo Wamisili wakawakombolela Waisilayeli vinhu vivyo vyono wavisakaga. Na mu nzila yiyo, Waisilayeli wakasola sawo ye Wamisili nyinji muno muno.

Wutuluce 3:21

“Nane nowanoza Wamisili wakupele cogopo ciwaha muno, na kolo wanhu wangu weza kutuluka no kuwuka kuko, walece kutuluka wali mawoko.

Isaya 60:14

Ne wana we cilume we wanhu wose wono wekalaga wakumwiwonelenyi, wolomuzizenyi nyenye, wamwinamilenyi ha mwande yenyu, wakulajila ze cogopo cawo kuli'nye. Sunga na wa walya wose wono wekalaga wakumubedegalenyi, wolokuza wafugame ha mwande yenyu. Nawo wolomucemenyi watye, ‘Likaya lyo Muwaha Mulungu,’ ‘Sayuni, likaya lyo Mulungu mono yelile wa Isilayeli.’ ”

Metumo ge Watumwa 7:22

Musa yakafundwa zinghani zose ze mahala ge Wamisili, yakawa yali vilungo mu zinghani na mu milimo yakwe.

Wukumbucize wo Wulajilize 34:10

Na ku wulawa baho, hakali si nejela kanyhi muwizi yunji mu Isilayeli mono yenha Musa, mono Muwaha Mulungu yalonganaga nayo vidomile.

Wukumbucize wo Wulajilize 34:11

Kanyhi hasina muwizi yunji wowose, mono yanoza mapoto ne vitanjilo, vyono vinha vyono Muwaha Mulungu yamutuma Musa yakavinoze ku Misili, kuli mutemi Falawo, na kuli wanyamhala wakwe, sunga na mu yisi yose.

Yoshuwa 4:14

Cinhu cono Muwaha Mulungu yetuma mwi'zuwa lililya, cawalajila wanhu Waisilayeli, wamanye vyono, kumbe Yoshuwa mbeka yali munhu we lilumbo. Holeka nawo ku wulawilila baho, hodu wakajendelela kumupela cogopo mu vilo vyose vyo wikale wakwe, nha vyono wamupelaga cogopo Musa.

Wugubule 3:9

Alu wuhulicize! Nokuletela wanhu we lipuga lya Setani, wanhu wono weyitezaga Wayahudi, kumbe ho walambi. Alu wawo nowaleta kuli'gwe wakufugamile hamwande yako, ho wamanye vyono ane mbeka nghwendile agwe.