Wutuluce 10:7 - Luganuzi Luswanu Kuli Wanhu Wose 2002

⁷ Nawo wetumami wa Falawo wakamulonjela Falawo wakutya, “Alu mwene u munhu yuyu kojendelela kucipela magazo sunga nili ta? Ale wuwakombole Waisilayeli wabite le, ho wamuhembe Muwaha Mulungu, u Mulungu wawo. Alo mwene si wukuwona lu vyono yisi ya Misili yeza kongomela?”

Wutuluce 10:7 ပူးပေါင်းရင်းမြစ်များ

Zabuli 107:34

ne yisi yono yilelaga, yakayinoza yikawa yihala lya mwino, ku soko yo wubi we wanhu wono wekalaga mumo.

Wutuluce 12:33

Wamisili wakawasunhaniza muno muno Waisilayeli wawuce mbela mbela mu yisi yawo, akuno wakutya, “Hambi ase wose nha cofwa cimalice, hono anye mulece kuwuka.”

Wutuluce 23:33

Hamba mulece kuwakombola wekale nanye mu yisi yenyu. Na hono munoze nhavivyo, wene womunozenyi mwitume wubi kuli'ne. Na hono muyihembe du milungu yawo yo wulambi, hodu, wowa weza mutego kuli'nye wo kumugwizenyi.”

Wutuluce 7:5

Nane kolo nawenulila muwoko wangu, no kuwawusa Waisilayeli mumo mu yisi yawo, nawo Wamisili ho womanya vyono ane yo nene Muwaha Mulungu.”

Wutuluce 8:19

Nawo waganga nhondo wakamutya Falawo, “Gwe mutemi Falawo, azi zinozwa no Mulungu du!” Ninga Falawo yakacila kuwa yasina cihuliko, nha vyono Muwaha Mulungu yalonga du yakutya, “Falawo hamba si kowahulika Musa na Haluni.”

Zimbazi 29:6

Ne wanhu wabi, weyigwizaga mu wubi wawo. Akuno i wanhu we ling'ani, wasangalaye kanyhi welecele.

Muganuzi 7:26

Kanyhi ho yili nghani yinji yono nghayiwona, nghani yono 'mbi muno muno kuciza lifwa, yo nghani yo mucekulu, mono nhumbula yakwe, yikuwa kugwiza nha mutego hamba lwavu, ne miwoko yakwe yihwanile manyolo. Ninga munhu mono yamogopile Mulungu, yakuwa kumwilega u mucekulu we liwala lilyo. Ninga u munhu mubi, ayo ketegulizaga du ho yagwizwe nayo.

Isaya 14:20

Hambi agwe, nha wayihodanga yisi, wukawawulaga ne wanhu wako. Holeka nagwe hamba si kolozikwa nha vyono watemi wanji wazikwaga ng'o. Kanyhi na muli we mhuga yako wose i wabi, hasina hamba monga mono kolopona.

Isaya 51:9

Ale wusinhuce go Muwaha Mulungu wucitaze! Witumamile vilungo vyako nha vyono wavitumamila katali, wuciponye. Hambi nha yo gwegwe mono walitemanga vipiligwa-piligwa lizoka lya mwi'lenga lyono likucemwa Lahabu.

Yelemiya 48:4

“Alu Mowabu yakondya kongomezwa, wuhulice, sunga ne wana wakulila.

Yelemiya 51:8

Woyi hee! Babiloni yigwa no kongomela! Ale, muyilililaje! Alu mulondole miti yo kuzilagulila zinghomele zayo, nha lunji konoga.

Zefaniya 1:18

Na mwi'zuwa lyono Muwaha Mulungu kololajila likuwo lyakwe, fweza ne zahabu zawo zose, hamba si zolowaponya yaye, hambi i yinze yose, nha yolowa yakondya kutakamizwa no moto we likuwo lyakwe. Hambi nha kolowadumya wanhu wose wono wekaye mono'nze, ko mudumyo wo wogofye wuwaha.

1 Wakolinto 7:35

Nane nghumulonjelenyi zizi ku so cambuzi cenyu mo weneco, na si vyono lunji ane nghumuwicilenyi vimizi, aa ng'o. Ane nghuhila ho muwe no wityatye wono wukwiliye, kanyhi ho musume kumwitumamila u Muwaha ko mutima wumonga no wuhile wumonga.

Yoshuwa 23:13

ale, mumanye manyimanyi vyono, u Muwaha Mulungu, u Mulungu wenyu, sikoziwinga kanyhi zinghungugo zizi, hamba muwe mukwinjila mu'si yawo. Langa wowa mbali hali'nye, hambi nha wowa nha mutego kuli'nye, hamba kotya yikombo. Kanyhi wowa nha mukotya, wukukuna mu migongo yenyu, hamba mamiya gono gakucinya mu meso genyu. Na zizi sizoduma, sunga kolo anye wose mwakondya kwajililila lukulu, mweza muli musina mu yisi yiyino swanu, yono Muwaha Mulungu, u Mulungu wenyu, yamupelenyi.

1 Samwili 18:21

Hodu yakawa kwihwesa mu nhumbula yakwe yakutya, “Alu hodu, kumbe, nomutoza Mikali kuli Dawudi, na mu nzila yiyo yo nomugwiziza Dawudi ho yawulagwe ne Wafilisiti.” Hanyuma kanyhi Sawuli yakawa kumulonjela Dawudi lwe kejete yakatya, “Alu Dawudi, kowa wuli mukwemulima wangu.”

1 Samwili 5:11

Hodu, wakawa kuwakonghola kanyhi i watemi we Wafilisiti, wakawalonjela wakatya, “Nye watemi, muligomolaje Lisanduku lye Cilagane lye Waisilayeli hanhu halyo, ho lilece kuciwulaga ase wose hamonga na we zimhuga zetu.” Ne wanhu wose wa mwikaya, wakawa kwinjilwa na mahwele mawaha muno muno, hambi Mulungu nha yakawalipiciza ko wulipicizwe wo wusungu muno muno.