Wugubule 9:3 - Luganuzi Luswanu Kuli Wanhu Wose 2002

³ Ne zinzije zikalawila mumo mu lyosi lilyo, zikenjila mono'nze, kanyhi zikapegwa vilungo nha vye zinje.

I CILAGANE CIPYA 1991

³ Ne zinzije zikalawila mumo mu lyosi lilyo, zikenjila mononze, kanyhi zikapegwa vilungo nha vye zinje.

Wugubule 9:3 ပူးပေါင်းရင်းမြစ်များ

1 Watemi 12:11

Holeka hono yawe baba yamudinghuzajenyi mutegulo muzito, ane nowonjeleza mutegulo wenyu, na hono baba yali kumukunenyi na mukotya, ane nomukunenyi muno muno no mujeledi.”

2 Zinghomo 10:11

Holeka hono yawe baba yali kumudinghuzenyi mutegulo muzito, alu ane nowonjeleza mutegulo wenyu wuwe muzito kuciza. Na hono yali kumukunenyi no mukotya, ane nomukunenyi muno muno no mujeledi we mamiya!’ ”

2 Zinghomo 10:14

“Baba Solomona, yamudinghuzajenyi mutegulo muzito, heya, ninga ane nomonjelezenyi mutegulo wenyu wuwe muzito muno. Mwene yali kumukunenyi no mukotya, ninga ane nomukunenyi muno muno no mujeledi we mamivya.”

Isaya 33:4

Ne vinhu vyawo vikupumhwa no kusolwa mateka.

Ezekiyeli 2:6

“Ninga agwe go munhu, wulecele lukulu kuwogopa hamba kuzogopa zinghani zawo. Ninga wumanye nha vyono hamba mabijili ne mamivya gakuhome nagwe kowa nha mono wikaye hono ho zili zi'nje. Ninga 'gwe weze wukamile, wulecele lukulu kuwogopa i wabedegazi wawo, hamba kuzogopa nghani zawo.

Yoweli 1:4

Matewa na matewa ge zinzije genjila mu migunda yetu, galya vilimwa vyetu, na cono litewa lye zinzije, lisigaze, litewa lye mbilazi likulya, na cono litewa lye mbilazi lisigaze, litewa lye mang'ungu likulya, na cono litewa lye mang'ungu lisigaze, litewa lye mapanzi likulya.

Yoweli 2:25

Nomugomolelenyi kanyhi vilimwa vyenyu, vyono vyajilila mu myaka yono zinzije zalya. Hambi nha yo nene mono nalituma litewa lye zinzije kuli'nye.

Nahumu 3:15

Ninga, hamba wunoze vyono konoza, vyo kokongogwa du mu moto sunga wufwe, hamba kowulagwa ku wulugu. Nagwe kowusizwa lukulu nhe vilimwa vyono vilijigwe ne zinzije. Mwali monjelezeka mweza muli wenji nhe zinzije!

Nahumu 3:17

I walongola wako wenha matewa ge zinzije zono zicehile mu majinji mwi'zuwa lye mbeho nghali. Ninga lizuwa kolo likuwalika, zikuguluka no kubita, hamba hasina yunji mono yakumanya na kono zibitile!

Luka 10:19

Alenyi, nimupelenyi nyenye u wulajilize wo kukanyaga zinzoka ne zinje, no wulajilize wa muli vilungo vyose vya ayulya mulugu, hamba hasina cinji co cose cono comutamisenyi.

Wukumbucize wo Wulajilize 8:15

Mono yamutonjenyi sunga mukalowoka nyika yo kogofya, mono mwali mogali mazoka gono gena sumu nghali, hamonga ne zinzije. Mu yisi nghavu yono yisina malenga, ninga mwene yakamung'wesenyi malenga mu wulawa mwibwe.

Wugubule 9:5

Ne zinzije zizo, si zakombolwa zikawulaje wanhu aa, ng'o, langa ziwagazaje du sunga myezi mihano. No wusungu wono i zinzije zowapela wanhu wawo, wowa nha wusungu wono kawuwonaga munhu lono yalumwa ne 'nje.

Wugubule 9:7

I zinzije zizo ku wulangwe, zali zinha zifwalasi zono ziwikanizwe so wulugu. Na mu mitwe yazo, zali zina mikumbo yinha kotya ya zahabu, no wusu wazo, wali wihwanile nha wusu we wanhu.

Walamuzi 7:12

Nawo Wamidiyani, ne Waamaleki hamonga ne wanhu wono wekalaga mu nyika, wali weyagaye mwi'lolo kotya yiwumbi lya nzije. Kanyhi wali wena Ngamiya nyinji muno muno kotya musawawa wa mu mwejelele we lilenga.