Wugubule 9:1 - Luganuzi Luswanu Kuli Wanhu Wose 2002

¹ Hanyuma malayika we hano nayo yakayitowa ndulele yakwe. Nane nghayiwona nyelezi yono yali yigwiye mono yisi, yilawiliye ku wulanga. Nayo nyelezi yiyo yikapegwa funguwo ye likombo lyo wuninyina.

I CILAGANE CIPYA 1991

¹ Hanyuma malayika we hano nayo yakayitowe ndulele yakwe. Nane nghayiwona nyelezi yono yali yigwiye mono yisi, yilawiliye ku wulanga. Nayo nyelezi yiyo yikapegwa funguwo ye likombo lyo wuninyina.

Wugubule 9:1 ပူးပေါင်းရင်းမြစ်များ

Isaya 14:12

“Gwe go mutemi wa Babiloni, go nyelezi yono ying'alalaga hakali mitondo, alu hodu wagwiza ku wulawa ku wulanga! Ninga katali ho wali wugasumize makungugo, alu ninga wakondya kugwiswa sunga ho hasi.

Luka 10:18

Mwene Yesu yakawatya, “Namuwona Setani yakugwa yakulawa ku wulanga kotya limuli.

Luka 8:31

Gago macisi gakamunena Yesu yalece kugalajiliza gawuce no kwajilila mwikombo lyono lisina mudumo.

Walumi 10:7

“Hamba wulece kutya, Nani mono kotima sunga ku ku wuninyina?” (wo wutya, wukumwinula Kilisito muli wafu.)

Wugubule 1:18

Ane yo nene mono nili mumi! Nali fwiye, ninga'lu nili mumi cibitilila ne cibitilila. Nina wulajilize we lifwa sunga na wa mu yinze ye wafu.

Wugubule 1:20

Ne nhunizo hundikwe ye zinyelezi zo mupunghati zono wuziwene mu muwoko wangu wo kulume, hamonga na hundikwe yo wuwiko wu wulya we zitala mupunghati za zahabu, nha yoyi, zi zilya i zinyelezi zo mupunghati, wo wamalayika we makanisa go mupunghati, na wulya u wuwiko mupunghati we zitala, go makanisa mupunghati.”

Wugubule 11:7

Ninga kolo weza wakondya kuyiganula nghani yiyo yo Mulungu, nimu yono yolawila mwikombo lyo wuninyina, yokwihoma nawo, nayo yowasumiza no kuwawulaga.

Wugubule 17:8

I lilimu lilyo lyono wuliwene, lyono lyali lyumi hamwamulizo, ninga aluno lyakondya kufwa. Ninga hamba nhavivyo, lili behi lyonanuka kulawa kwikombo lyo wuninyina, ninga lyokongomezwa. Na wono wekaye kono'nze, wokwizina, heya, wanhu wose wono i matagwa gawo si gandikwa mu citabu co wumi ku wulawa mwamulizo we'nze, wokwizina muno muno kolo wakuliwona i lilimu lilyo lyono ha mwamulizo lyali lyumi, hanyuma likafwa, na aluno likwijela kanyhi!

Wugubule 20:1

Hanyuma kanyhi nghawona malayika yunji yakutima kulawa ku wulanga, akuno yena ne funguwo ya kwikombo lyo wuninyina, akuno kanyhi yadinghuye ne manyolo mu muwoko wakwe.

Wugubule 20:10

Na Setani mono yawakongaga, yakagumilwa mwi'lamba lyono likwaka moto we cibiliti, mumo mono molili alilya lilimu, hamonga no muwizi wo wulambi, nawo wowa kugazwa misi ne cilo, cibitilila ne cibitilila.

Wugubule 6:13

Zinyelezi nazo zo wulanga, zikagwa hasi nha mana go mukuyu gono si gakangaye, vyono gakung'unhikaga lono mubici wayo wukusinjiswa ne mbeho mbaha.

Wugubule 8:10

Hanyuma malayika we kadatu nayo, yakayitowa ndulele yakwe. Ne nyelezi mbaha yono yakaga nha moto, yikagwa kulawa ku wulanga, nayo yikagwila mwi'bimha lye kadatu lye makolongo ne mivwilo ye malenga.

Wugubule 8:12

Malayika we kane nayo yakayitowe ndulele yakwe. Na hobaho libimha lye kadatu lye lizuwa, na lyo mwezi, na lye zinyelezi likatowa, sunga no wuzelu wayo, wukatukuwazwa libimha lye kadatu lyo wung'alale wayo. Ne libimha lye kadatu lye misi likawa lisina wuzelu, sunga ne libimha lye kadatu lye cilo, nalyo nhavivyo.

Wugubule 8:2

Hanyuma nghawa kuwawona wa walya wamalayika mupunghati wono wemile hali Mulungu wakupegwa ndulele mupunghati.

Wugubule 9:2

Ale, inyelezi yiyo yikalidigula lilyo i likombo lyo wuninyina, na mumo mwikombo mukalawa lyosi, likawa lyosi lye 'lambi yiwaha. Lizuwa no mwanya vikatukuwazwa no wutitu we lyosi lilyo lya mwikombo lyo wuninyina.