Wugubule 8:8 - Luganuzi Luswanu Kuli Wanhu Wose 2002

⁸ Nayo malayika we kejete yakayitowa ndulele yakwe. Na cinhu cinji kotye 'tunda yiwaha muno lyono likwaka moto, likagumilwa mwi'lenga. Ne libimha lye kadatu lye lilenga likawa sakami,

I CILAGANE CIPYA 1991

⁸ Nayo malayika we kejete yakayitowe ndulele yakwe. Na cinhu cinji kotya itunda yiwaha muno lyono likwaka moto, likagumilwa mwilenga. Ne libimha lye kadatu lye lilenga likawa sakami,

Wugubule 8:8 ပူးပေါင်းရင်းမြစ်များ

Yelemiya 51:25

“Hambi agwe Babiloni, nha wehwana nhe litunda, lyono likuyongomeza yinze yose. Ninga wumanye, nha vyono, ane no Muwaha Mulungu, nili mulugu wako. Nokwibata, nghugalagaze ho hasi, nghulece wuvutuce ne mavu.

Ezekiyeli 14:9

“No muwizi hono yakocwe-kocwe, no kulonga nghani yono si ye mbeka, ale mumanye nha vyono nene no Muwaha Mulungu, yo nimukocize u muwizi yuyo. Nane nomongomeza no kumutemanulila lukulu mu wanhu wa Isilayeli.

Amosi 7:4

Nane nghatuga wulajilwe wunji kanyhi, ku wulawa kuli Muwaha Mulungu. Muli wuwo, nghamuwona mwene yakwiwikaniza yawongomeze wanhu wakwe ko moto. No moto wuwo wukalinyanya lilenga liwaha ku'si ye'si, kanyhi wukawa kwanza uyinyanya ne yisi.

Zakaliya 13:8

Na mu yisi yiyi yose mafungu mejete ge wanhu wofwa.

Zakaliya 13:9

Nane ho nowalanga wa walya we lifungu lye kadatu wono wasigaye, nane noweza nha fweza yono yezigwe no moto kanyhi nowajela nha vyono zahabu yikuwa kujelwa. Hobaho wonyhema, nane nowapitula, ‘Nane nowalonjela vyono wene wo wanhu wangu, awo wovumila vyono ane yo nene Mulungu wawo.’ ”

Maluko 11:23

Nghumulonjelenyi mbeka vyono, hono munhu yalilonjele litunda lili yatye, ‘Wukulice wutagwe mwi'lenga!’ Hono yalonje kuno yasina mahwele mu nhumbula yakwe, langa yehuwiye vyono zose zono yalonjile zonozeka, heya kotendelwa inghani yiyo.

Wugubule 11:6

Wawo wena vilungo vyo kuwudindila wulanga, ne mvula ho yilece kutonya, mu cidaha cono wakuyiganula nghani yo Mulungu. Kanyhi wena vilungo vyo kuyihundusa i mivwilo yose ye malenga yiwe sakami, sunga ne vilungo vyo kusuma kuleta magayo ge liwala lyo lyose mono'nze, mwi'pango lyo lyose lyono weneco wendile.

Wugubule 12:4

Lizoka lilyo likazikwejenha zinyelezi za mu mwanya, libimha lye kadatu, no mucila walyo, no kuzigumila kono'nze. Nalyo likema behi no mucekulu yuyo mono yali yeza behi no kusawa mwana, liwikanizize lukulu ho limumele mwana yuyo, baho du lono yakulelwa.

Wugubule 8:7

Malayika u mulongozi yakayitowa ndulele yakwe. Hobaho yikagwa kono'nze mvula ya mabwe, yono yali yihangahanjile no moto, hamonga ne sakami. Ne libimha lye kadatu lye yinze likatakamila, ne libimha lye kadatu lye mabici likatakamila, hamonga ne mahanze gose ge dedede gakatakamila.

Wugubule 9:15

Nayo malayika yakawawopolela wawo wamalayika wane, wono wali wakondya kuwikanizwa so lipango lilyo, lye lizuwa lyo mwezi wuwo, wo mwaka wuwo, ho wawulaje libimha lye kadatu lye wanhu.

Wugubule 9:18

Ne libimha lye kadatu lye wanhu, wawulagwa na gago mawulaji madatu, moto, ne lyosi, ne cibiliti, vyono vyalawilaga mu milomo yazo,