Wugubule 8:7 - Luganuzi Luswanu Kuli Wanhu Wose 2002

⁷ Malayika u mulongozi yakayitowa ndulele yakwe. Hobaho yikagwa kono'nze mvula ya mabwe, yono yali yihangahanjile no moto, hamonga ne sakami. Ne libimha lye kadatu lye yinze likatakamila, ne libimha lye kadatu lye mabici likatakamila, hamonga ne mahanze gose ge dedede gakatakamila.

I CILAGANE CIPYA 1991

⁷ Malayika u mulongozi yakayitowe ndulele yakwe. Hobaho yikagwa kononze mvula ya mabwe, yono yali yihangahanjile no moto, hamonga ne sakami. Ne libimha lye kadatu lye yinze likatakamila, ne libimha lye kadatu lye mabici likatakamila, hamonga ne mahanze gose ge dedede gakatakamila.

Wugubule 8:7 ပူးပေါင်းရင်းမြစ်များ

Zabuli 105:32

Hanhu ha mvula, Mulungu yakawatonyezeza mvula ye mabwe, hamonga ne mamuli gono gayimulicila yisi yawo yose.

Wutuluce 9:33

Hodu Musa yakawa kuwuka hali Falawo, yakalawila kunze ye kaya, yakenula miwoko yakwe kucanyha, yakamulomba Muwaha Mulungu. Hobaho mabalalusi, hamonga ne mvula ye mabwe vikawuka lwa kamonga.

Isaya 28:2

Ninga 'gwe, walekaje, hambi Muwaha Mulungu, nha yena yunji mono yuli vilungo, we citung'ati, mono kowahoma. Yuyo, kokuza nho mukukunzo we mvula ye mabwe, nho mukukunzo we malenga menji, nago goyigubika yisi yose.

Isaya 29:6

Ninga u Muwaha Mulungu we mihanga, kolomuponyenyi anye mu mbali ze madidimo, hamonga na ze matulo ge'si. Mulungu kololeta libeho lyo mukukunzo, hamonga no moto we malambi mawaha,

Isaya 30:30

No Muwaha Mulungu kolowanoza wanhu wose walihulice lizi lyakwe lye nhojo, waliwone ne likuwo lyakwe vyono linha. Na mwi'zuwa lilyo, kolowa lilambi lyo moto hamonga no mukukunzo we mvula ye mabwe.

Isaya 32:19

Ninga mvula ye mabwe yolotonya mu mbago, ne likaya lyologwiswa ho hasi.

Ezekiyeli 38:22

Nane nolomulipiciziza Gogu mu nzila ye matamwa na mu ma'fwa. Nolotonyeza mvula yono yine 'beho na ye mabwe mawaha muno muno, no moto, ne cibiliti, muli mwene ne lipuga lye wasilikale wakwe, hamonga ne makungugo gose, gono gowa gali hamonga nayo.

Yoweli 2:30

“Nane nololajila citanjilo ce lizuwa lilyo ku wulanga, na kono'nze kolowa sakami no moto ne mavunde ge nghungulyosi.

Yakobo 1:11

Hambi lizuwa nha lidulaga, na kolo likukalipa linyazaga mahanze, ne maluwa gayo gakung'unhikaga, no wuswanu wayo wose wuhodanjikaga. Ale nhavivyo, no mugoli nayo, kolo kongomezezwa mu metumo gakwe.

Yoshuwa 10:11

Na lono Waamoli watizaga ha mwande ye Waisilayeli, akuno wakumangha, wakutimila ku Bete-holoni, Muwaha Mulungu yakawagumilila mvula mbaha ye mabwe, yono yikawatonyela nzila yose sunga ko ku Azeka. Wenji muno wono wawulagwa ne mvula yiyo, kuciza na wono wawulagwa ne Waisilayeli.

1 Petelo 1:24

Nha vyono i Mandiko gatezaga: “U munhu wo wose nha yenha mahanze no lukumyo lwakwe lose nha lwinha maluwa ga mu mbago. Imahanze ganyalaga ne maluwa gakung'unhikaga.

Wugubule 12:4

Lizoka lilyo likazikwejenha zinyelezi za mu mwanya, libimha lye kadatu, no mucila walyo, no kuzigumila kono'nze. Nalyo likema behi no mucekulu yuyo mono yali yeza behi no kusawa mwana, liwikanizize lukulu ho limumele mwana yuyo, baho du lono yakulelwa.

Wugubule 16:2

Ale, malayika mulongozi yakabita yakalijidila libakuli lyakwe mu yinze. Ho baho baho kukawa malonda mabi muli wanhu, kanyhi gono gakuwatamisa muno muno, nago malonda gago, gakawa muli wanhu wose wono wali wena citanjilo ce lilimu lililya, na wawalya wono wacihemba cihwani calyo.

Wugubule 16:21

Ne mvula ye mabwe mawaha, gono gali gena wuzito nha wa kilo makumi mahano limonga limonga, yikawatonyela wanhu. Nawo wanhu wakamutovula u Mulungu ku soko ye ligazo lye mvula yiyo ye mabwe. Ne ligazo lye mvula yiyo ye mabwe, lyali yigazo yiwaha muno muno.

Wugubule 6:8

Nane nghalanga, nghawona baho fwalasi yinji ye liwala lye silu. Ne litagwa lya mono yali yali mucanyha yayo, yacemwaga Wufwe, no Wuninyina vityatizye nayo. Ale, wawo wakapegwa vilungo mu lobo monga ye yinze ho wawawulaje wanhu ko mumaje, ne nzala, ne lihuhuji, na kwe malimu makali ga mono'nze.

Wugubule 7:1

Hanyuma ya zizo, nghawona wamalayika wane, wemile mu zinhuzi zose ze yinze vyono yine, akuno webatilize mbeho ze yinze, ho mbeho yilece kuputa mu'nze hamba hadodo, hamba mu yisi, hamba mu malenga, hamba mu mabici.

Wugubule 9:15

Nayo malayika yakawawopolela wawo wamalayika wane, wono wali wakondya kuwikanizwa so lipango lilyo, lye lizuwa lyo mwezi wuwo, wo mwaka wuwo, ho wawulaje libimha lye kadatu lye wanhu.

Wugubule 9:18

Ne libimha lye kadatu lye wanhu, wawulagwa na gago mawulaji madatu, moto, ne lyosi, ne cibiliti, vyono vyalawilaga mu milomo yazo,

Wugubule 9:4

Zinzije zizo zikalonjelwa vyono, zilece kuhodanga mahanze ge yinze, hamba dedede yose, hambe mibici yose, langa zibite zikawahodanje wanhu wawalya du wono wasina citanjilo co Mulungu mu vihanda vyo wusu wawo.