Wugubule 8:5 - Luganuzi Luswanu Kuli Wanhu Wose 2002

⁵ Hanyuma yuyo, yakasola cifusizo, yakacimemya moto wono yawusola mu cikumbicilo, yakacigumila kono'nze. Baho hakawa na mabalalusi, ne mazi, ne mamuli, sunga ne litulo lye yisi.

I CILAGANE CIPYA 1991

⁵ Hanyuma yuyo, yakasola cifusizo, yakacimemya moto wono yawusola mu wukumbicilo, yakacigumila kononze. Baho hakawa na mabalalusi, ne mazi, ne mamuli, sunga ne litulo lye yisi.

Wugubule 8:5 ပူးပေါင်းရင်းမြစ်များ

1 Watemi 19:11

Muwaha Mulungu yakamulonjela yakatya, “Alu Eliya wubite wukeme hali'ne mucanyha ye litunda.” Na langa ta, Muwaha Mulungu yakapuluta, mbeho mbaha ye vilungo yikatenjelemula matunda, yikapandula ne matalawe, ninga Muwaha Mulungu si yali yali mumo mu mbeho. Nayo mbeho yali yeza likaza litulo, ninga Muwaha Mulungu si yali yali mumo mwi'tulo.

Zabuli 18:13

Muwaha Mulungu yakadidima kulawa ku wulanga, ne lizi lya Mono Yalawiliciye likahulikwa. Yikatonya mvula ya mabwe ne makala go moto.

Wutuluce 19:16

Ale, wali weza kwela mwizuwa lye kadatu hakali mitondo, likaza livunde yizito hacanyha ye litunda, hamonga ne mabalalusi ne mamuli. Kanyhi likahulikwa lizi yiwaha lya ndulele, lyono lizozize muno muno, no wuzoze wayo, wukawogofya wanhu wose wa mu nghambi, sunga wose wakacicima muno.

Isaya 29:6

Ninga u Muwaha Mulungu we mihanga, kolomuponyenyi anye mu mbali ze madidimo, hamonga na ze matulo ge'si. Mulungu kololeta libeho lyo mukukunzo, hamonga no moto we malambi mawaha,

Isaya 30:30

No Muwaha Mulungu kolowanoza wanhu wose walihulice lizi lyakwe lye nhojo, waliwone ne likuwo lyakwe vyono linha. Na mwi'zuwa lilyo, kolowa lilambi lyo moto hamonga no mukukunzo we mvula ye mabwe.

Isaya 66:6

Ne lizozo lilyo lyono mukulihulika mwi'kaya, hamonga ne lizi lya mu Nyumba yo Mulungu, lyo lizi lyo Muwaha Mulungu yakuwalipiciza i walugu wakwe!

Yelemiya 51:11

U Muwaha Mulungu kawasagahiza i watemi wa Mediya, hambi nha yakusaka yayongomeze Babiloni. Na yiyo yo nzila yono kokwitumamila ho yayilipicize Babiloni, ku soko vyono wene wayihodanga Nyumba yakwe. Nawo i walongola we milewo, wakulajiliza wakutya, “Ale! Nolenyi zisonga zenyu! Muwikanize ne zingula zenyu!

Walawi 16:12

yasole lizaye yalimemye makala gono gakulawa mu cikumbicilo. Yasole no wuvumba wuswanu muno maganza mejete. Yenjile navyo mu Hanhu hono helile, helile muno.

Zakaliya 14:5

Nanye molotiza mukolele mwi'lolo lilyo lyono lilitemanuye litunda hejete. Mulamanghaga nha vyono i wasogo zenyu wanozaga, mu vipango vye litulo lyono lyejela, mu vilo vyo mutemi Uziya wa Yuda. U Muwaha Mulungu wangu, mwene kolokuza hamonga ne wamalayia wakwe.

Matayo 24:7

Likungugo lyokwihoma ne likungugo liyagwe, no wutemi nawo wokwihoma no wutemi wuyagwe. Ne mazala nago gokuza ako na ako, sunga ne matulo ge yisi nago gokuza.

Luka 12:49

“Naza kwasa moto kono'nze, nane nghusaka wuwe wakondya kukolela.

Metumo ge Watumwa 16:26

Ho baho likaza yitulo yiwaha, sunga ne majinji ge jela, gakasinjisika, na lulo baho, i milango yose yikadiguka, ne viwopelo vya wose vikawopoka.

Metumo ge Watumwa 4:31

Nawo waza kukondya kulomba, i hanhu baho hono wali wehangulizize, hakasinjisika, nawo wose wakamemywa u Muhe Mono Yelile. Nawo wose wakawa kwanza kuyiganula nghani yo Mulungu wasina woga.

Wugubule 11:13

Na mwi'daha lilyo, likaza yitulo yiwaha lye'si, ne libimha lye likumi lye likaya likagwa. Ne wanhu elufu mupunghati wakawulagwa ku soko ye litulo lilyo lye yisi. Ne wanhu wono wasigala, wakawa kogopa muno, wakamukumyo Mulungu wa ku wulanga.

Wugubule 11:19

I Nyumba yo Mulungu ku wulanga yikadigulwa, ne lisanduku lye cilagane cakwe, likejela mumo mu wuhembelo wakwe. Hanyuma vikawa kuza limuli, ne lizi, mabalalusi, ne matulo ge yisi, hamonga ne mvula mbaha ye mabwe.

Wugubule 4:5

I mamuli, ne lizi, hamonga ne madidimo mawaha, vyalawaga baho he'goda lyo wutemi. Sunga ne zitala mupunghati zo moto, nazo zakaga baho he'goda lyo wutemi. Ne zitala zizo, yo myuhe mupunghati yo Mulungu.

Wugubule 6:12

Nane nghawona lono Mwana we ngholo yakacinamatula cinamatizo co mutandatu, kukawa ne'tulo yiwaha lye yisi, ne lizuwa likatukuwala nhe mwenda yititu no mwezi nawo, wukadunghuwala nha sakami.

Wugubule 8:3

Na malayika yunji yakaza, akuno yadinghuye cifusizo ca zahabu mu muwoko wakwe, nayo yakema ha cikumbicilo co kufusiza wuvumba. Nayo yakapegwa wuvumba winji ho yawulavye cilavywa hamonga ne malombo ge wanhu wose wo Mulungu, ho yagalavizye mu cikumbicilo ce zahabu cono cili he'goda lyo wutemi.