Wugubule 8:3 - Luganuzi Luswanu Kuli Wanhu Wose 2002

³ Na malayika yunji yakaza, akuno yadinghuye cifusizo ca zahabu mu muwoko wakwe, nayo yakema ha cikumbicilo co kufusiza wuvumba. Nayo yakapegwa wuvumba winji ho yawulavye cilavywa hamonga ne malombo ge wanhu wose wo Mulungu, ho yagalavizye mu cikumbicilo ce zahabu cono cili he'goda lyo wutemi.

I CILAGANE CIPYA 1991

³ Na malayika yunji yakaza, akuno yadinghuye cifusizo ca zahabu mu muwoko wakwe, nayo yakema ha wukumbicilo co kufusiza wuvumba. Nayo yakapegwa wuvumba winji ho yawulavye cilavya hamonga ne malombo ge wanhu wose wo Mulungu ho yagalavizye mu cikumbicilo ce zahabu cono cili heʼgoda lyo wutemi.

Wugubule 8:3 ပူးပေါင်းရင်းမြစ်များ

1 Watemi 7:50

vikombe, tala, mabakuli, mitela, ne zikoleyo zo kupalila makala, ne zibawaba so milango ye Hanhu Hono Helile, Helile muno, hamonga ne milango ya kunze ye Nyumba yo Mulungu. Ne vinhu vivino vyose vyali vinozwe na zahabu.

Zabuli 141:2

No wulombe wangu wukuficile nha wuvumba, sunga no winule we mawoko gangu, wuweze nhe likumbiko lya mwi'daha lye cinya mihe.

Wutuluce 40:26

Yakaciwika ne cikumbicilo ce zahabu mugati ye Lihema, behi ne lipaziya.

Isaya 6:6

Hobaho yumonga wa muli wamalayika wa walya, yakaguluka, yakawa kunyiziza, akuno yebate no mwibato mu muwoko wakwe, likala lyono lyakaga moto, lyono yalisola mu cikumbicilo.

Ezekiyeli 41:22

Naco cali cina wutali wa mita monga na nusu, no wugazi wa mita monga. Ne mabici ga mu zinhuzi zayo, ne litende lyayo, ne majinji gayo, vyose vyali vinozwe na mabici. Hanyuma munhu yuyo, yakanonjela yakatya, “Ayi yo meza yono yili ha mwande yo Muwaha Mulungu.”

Amosi 9:1

Nane namuwona Muwaha Mulungu yemile ha cikumbicilo. Yakanyitya, “Wutowe mu midumo ye masumbili gono gawukamizye wuhembelo, ne likumbo lyose lyosinjisika. Nagwe wugabenanjize no kugaleka gawagwile wanhu mu mitwe ye wanhu. Ne wanhu wono wasigaye ku wulugu ane nolowawulaga no mumaje. Hasina hamba munhu monga mono yalatiga, hamba yumonga mono yalapona muli wene.

Malaki 1:11

Wanhu ku wulawa ku mhelo ye yinze, sunga ko ku mhelo nzagwe, wose wanyogopile nene. Hanhu ho hose wakufusiza wuvumba, no kulavya vilavywa vyono vikwiliye. Na wose wawo, wanyogopile nene!”

Wuwale 4:11

“Walaza kuwa wazikondya zizo, ale, wasole kanyhi mwenda we liwala lye buluu, wawugubice mucanyha ye cikumbicilo ce zahabu, wawe kucigubika mucanyha yayo ne nguwo swanu yono yitelemeye, hanyuma wawe kugakoza mu zinyamwidole zayo i mabici go kucindinghulila.

Wuwale 7:62

Cisahani cimonga ca fweza, wuzito wayo, gulamu yigana limonga ne kumi cono cimemile wuvumba.

Luka 1:10

Lipuga lye wanhu walombaga hadeha mwi'pango lyo kufusiza.

Walumi 8:34

Alo nani mono komuhosenyi? Hasina! Hambi Kilisito nha yo yafwa, kanyhi yakazuka muli wafu, na kanyhi yekaye ku muwoko wo kulume wo Mulungu. Nayo yakucilombela.

Wahebelaniya 7:25

Holeka u mwene, yadahile nhondo zose kuwaponezya lukulu wose wono wakumubitila u Mulungu muli mwene, hambi u mwene nha kekalaga cibitilila yakuwalombela hali Mulungu.

Wahebelaniya 9:4

Mumo mo mwali cifusizo ca zahabu so kufusiza wuvumba ne lisanduku lye cilagane, nalyo lyali yihiliwe zahabu mbavu zose, na mugati yalyo, mwali na ciya ca zahabu cono cali cina mana, ne nghome ya Haluni yono yali yitulile mahamha, hamonga na azilya i zimbawo zi nyejete zono zali zandicigwe i cilagane.

Wugubule 10:1

Hanyuma kanyhi nghamuwona malayika yunji mono yali vilungo, yakutima ku lawa kuwulanga. Nayo yali muvwikwe yivunde, hamonga ne licilalyambwa lye mvula mu mutwe wakwe. Wusu wakwe wali wihwanile lizuwa, ne migulu yakwe yali yinha masumbili ga moto.

Wugubule 14:18

Yakaza malayika yunji nayo, yakulawa mu cikumbicilo, mono yo mulanjilizi muwaha wo moto. Nayo yakamulonjela kwe'zi 'waha yu yulya mono yene hengo nghali muno, yakumutya, “Ale, nagwe wubite wukayitumamile yiyo hengo yako inghali muno, wukadudule mavunda ge zabibu ye yinze, hambi zizabibu zayo nha zakondya kupya!”

Wugubule 5:8

Nayo yaza kucisola citabu cico du, avilya viwumbwa vine hamonga na walya wawaha makumi mejete na wane, wakagwa funama hamwande yo Mwana we ngholo. Nawo wose wali wena visumbi na bakuli za Zahabu, zono zali zimemile wuvumba, go malombo ge wanhu wo Mulungu.

Wugubule 6:9

Hanyuma kanyhi u Mwana we ngholo yakacinamatula i cinamatizo ce hano. Ale, hasi ye cikumbicilo co kufusiza wuvumba, nghawona awalya wono wawulagwa ku soko ye nghani yo Mulungu, na ku soko yo kuyiganula.

Wugubule 7:2

Kanyhi nghamuwona malayika yunji yakulawilila ku lubavu lwe cilima yakubita kucanyha, akuno yena no mutozo wo Mulungu u mumi. Nayo malayika yuyo yakazoza kwe'zi 'waha, yakuwalonjela wawo wamalayika wane, wono wali wapejigwe vilungo vyo kuhodanga yisi ne malenga,

Wugubule 8:4

Ne lyosi lyo wuvumba hamonga ne malombo ge wanhu wo Mulungu, vikananucila mu muwoko wa malayika yuyo mono yali yali hali Mulungu.

Wugubule 8:5

Hanyuma yuyo, yakasola cifusizo, yakacimemya moto wono yawusola mu cikumbicilo, yakacigumila kono'nze. Baho hakawa na mabalalusi, ne mazi, ne mamuli, sunga ne litulo lye yisi.

Wugubule 9:13

Hanyuma nayo malayika wo mutandatu, yakayitowa ndulele yakwe. Nane nghalihulika yizi linji likulawilila mu zimbavu yine zo wukumbicilo we zahabu, wono wali wuli hali Mulungu.