Wugubule 8:1 - Luganuzi Luswanu Kuli Wanhu Wose 2002

¹ No Mwana we ngholo yali yeza kucinamatula i cinamatizo co mupunghati, ku wulanga kukawa twii, nha lipango lya nusu saa.

I CILAGANE CIPYA 1991

¹ No Mwana we ngholo yali yeza kucinamatula i cinamatizo co mupunghati, ku wulanga kukawa twii, nha lipango lya nusu saa.

Wugubule 8:1 ပူးပေါင်းရင်းမြစ်များ

Jobu 4:16

Nghawona cinhu cinji cimile ha mwande yangu, nane nghacinugulila muno, ninga hamba si nasuma kucimanya cali cinhuci. Hanyuma nghahulika lizi likulawa mu wunyamale wuwo likutya,

Zabuli 37:7

Ale, wutule hali Muwaha Mulungu, wumulindilaje ko wukangalizi, hamba wulece kwigaza na awalya wono wakumota muli vyawo, hamba kuli walya wono wakwitujila vinhu mu zinzila zimbi.

Zabuli 62:1

Ane nimulindiye Mulungu du, hambi i mhonelo yangu, nha yilawaga kuli mwene.

Habakuki 2:20

U Muwaha Mulungu yali mu Nyumba yakwe yono Yelile, holeka wanhu wose wa mono'nze, yiwanojeye watule hali mwene.

Zakaliya 2:13

Ale munyamale wose twiii, hamwande yo Muwaha Mulungu. Hambi nha yakuza yakulawilila mu wikalo wakwe zono welile.

Matayo 27:66

Nawo wakabita, wakacilindiliza citenjelo, wakaliwicila ilibwe lya ha mulango citanjilo, wakamuwika no musilikale u mulindilizi.

Wugubule 5:1

Hanyuma nghawona citabu mu muwoko wo kulume wa yuyo mono yali yekaye mwigoda lyo wutemi, ne citabu cico, cali candice mugati na kunze yayo, naco cali ciwopwe ne vinamatizo mupunghati.

Wugubule 5:9

Nawo wakemba u lwimbo aluno lupya. “Agwe yo gwegwe mono wunojeye wucisole citabu cico, no kubena vinamatizo vyayo. Vyono agwe wakondya kuwulagwa, wukamugulila Mulungu ne sakami yako, wose we zimbeyu zose, we zinonga zose, ne wanhu wose ne zinghungugo zose.

Wugubule 6:1

Hanyuma nghawa kumuwona u Mwana we ngholo yakucinamatula cinamatizo cinji ca muli vinamatizo vivilya mupunghati. Nghahulika ciwumbwa cimonga ca muli viwumbwa vine vyumi, cikulonga kwe'zi 'waha nhe'zi lye 'balalusi cikutya, “Wuze!”

Wugubule 6:12

Nane nghawona lono Mwana we ngholo yakacinamatula cinamatizo co mutandatu, kukawa ne'tulo yiwaha lye yisi, ne lizuwa likatukuwala nhe mwenda yititu no mwezi nawo, wukadunghuwala nha sakami.

Wugubule 6:3

Mwana we ngholo nayo yakacinamatula cinamatizo ce kejete. Nghahulika i ciwumbwa cumi ce kejete cikutya, “Wuze!”

Wugubule 6:5

Hanyuma kanyhi u Mwana we ngholo yakacinamatula cinamatizo ce kadatu. Nane nghahulika ci cilya ciwumbwa cumi ce kadatu cikutya, “Wuze!” Nane nghalanga, baho nghawona kanyhi fwalasi yinji nhitu. Na mono yali yali mucanyha yayo, yali yena mu muwoko wakwe vipimilo vyejete vyo kupimila wuzito.

Wugubule 6:7

Hanyuma kanyhi Mwana we ngholo yakacinamatula cinamatizo ce we kane. Nghahulika ciwumbwa cumi ce kane cikutya “Wuze!”

Wugubule 6:9

Hanyuma kanyhi u Mwana we ngholo yakacinamatula i cinamatizo ce hano. Ale, hasi ye cikumbicilo co kufusiza wuvumba, nghawona awalya wono wawulagwa ku soko ye nghani yo Mulungu, na ku soko yo kuyiganula.